ព័ត៌មានជាតិ
ដំណើរទស្សនកិច្ចចុងក្រោយនៅកម្ពុជា លោក ស៊ីនហ្សូ អាបេ បានទៅគោរពសពជនជាតិជប៉ុនពីរនាក់
លោក ស៊ីនហ្សូ អាបេ (Shinzo ABE) ដែលជាអតីតនាយករដ្ឋមន្រ្តីជប៉ុន បានធ្វើដំណើរមកបំពេញទស្សនកិច្ចផ្លូវការនៅកម្ពុជាពីថ្ងៃទី១៦-១៧ វិច្ឆិកា ឆ្នាំ២០១៣។ ក្នុងដំណើរទស្សនកិច្ចនោះ នាយករដ្ឋមន្ត្រីជប៉ុន លោកស៊ីនហ្សូ អាបេ (Shinzo Abe) បានជួបពិភាក្សាការងារជាមួយប្រមុខដឹកនាំកម្ពុជាសម្តេចតេជោ ហ៊ុន សែន។
ក្នុងតួនាទីជានាយករដ្ឋមន្រ្តីជប៉ុន លោក ស៊ិនហ្សូ អាបេ ប្រកាសថា ជប៉ុននឹងត្រៀមខ្លួនជាស្រេចដើម្បីជួយជ្រោមជ្រែងកិច្ចប្រឹងប្រែងកំណែទម្រង់ការបោះឆ្នោត ការពង្រឹងលទ្ធិប្រជាធិបតេយ្យ លើកកម្ពស់នីតិរដ្ឋនៅកម្ពុជា។ ទាក់ទងសេដ្ឋកិច្ចនិងការអភិវឌ្ឍន៍ ជប៉ុនក៏នឹងបន្តផ្ដល់ជំនួយលើវិស័យហេដ្ឋារចនាសម្ព័ន្ធសេដ្ឋកិច្ច សង្គម កសិកម្ម ការអប់រំ ការអភិវឌ្ឍន៍ធនធានមនុស្ស សុខាភិបាល កិច្ចការស្ត្រី និងអភិបាលកិច្ច។ ជាមួយគ្នានេះ ជប៉ុនក៏នឹងជួយសម្រាប់ការងារដោះមីននៅកម្ពុជាផងដែរ។
ដោយឡែកក្នុងដំណើរទស្សនកិច្ចនៅកម្ពុជារយៈពេលពីរថ្ងៃ លោកនាយករដ្ឋមន្ត្រី ស៊ីនហ្សូ អាបេ ក៏បានទៅទស្សនាគោរពនិងដាក់កម្រងផ្កាចេតិយរបស់ជនជាតិជប៉ុន ដែលស្លាប់ជាក្នុងពេលមកបំពេញការងារនៅកម្ពុជានាឆ្នាំ១៩៩៣។ ចេតិយជនជាតិជប៉ុនទាំង ២ នាក់នោះគឺ ចេតិយអតីតអធិការប៉ូលីសអ៊ុនតាក់ជនជាតិជប៉ុន លោក NAKATA HARUYUKI និងចេតិយអតីតបុគ្គលិកស្ម័គ្រចិត្តរបស់អង្គការសហប្រជាជាតិជនជាតិជប៉ុន លោក NAKATA ATSUHITO។
លោក NAKATA HARUYUKI ជាអតីតអធិការប៉ូលីសអ៊ុនតាក់ ត្រូវបានខ្មែរក្រហមវាយឆ្មក់បាញ់សម្លាប់ក្នុងវ័យ ៣៣ ឆ្នាំ នៅពេលកំពុងបំពេញការងារជាមន្ត្រីប្រតិបត្តិការរក្សាសន្តិភាពរបស់អង្គការសហប្រជាជាតិ នៅខេត្តបន្ទាយមានជ័យនៅថ្ងៃទី៤ ឧសភា ឆ្នាំ១៩៩៣។
ចេតិយរបស់លោក ត្រូវបានកសាងនៅក្នុងបរិវេណវត្តតាំងក្រសាំងត្បូង ស្ថិតក្នុងសង្កាត់កាកាបទី២ ខណ្ឌពោធិសែនជ័យ រាជធានីភ្នំពេញ។
ដោយឡែកលោក NAKATA ATSUHITO ជាអតីតបុគ្គលិកស្ម័គ្រចិត្តរបស់អង្គការសហប្រជាជាតិ។ នៅថ្ងៃទី៨ ខែមេសា ឆ្នាំ១៩៩៣ យុវជនស្ម័គ្រចិត្តរូបនេះត្រូវគេបាញ់សម្លាប់ក្នុងវ័យ ២៥ឆ្នាំ រួមជាមួយយុវជនខ្មែរដែលជាអ្នកបកប្រែម្នាក់ទៀតឈ្មោះលោក ឡាយ សុភាព នៅស្រុកប្រាសាទសំបូរ ខេត្តកំពង់ធំ។
ក្រោយការបោះឆ្នោតរួច ប្រជាជននៅស្រុកប្រាសាទសំបូរបានប្រមូលផ្តុំគ្នារស់នៅកន្លែងដែលលោក ATSUHITO បានស្លាប់ ហើយទីកន្លែងនោះត្រូវបានគេបង្កើតទៅជាភូមិ «ភូមិអាត់ស៊ូ» រហូតដល់សព្វថ្ងៃ។ ចំណែកចេតិយរបស់លោក ATSUHITO ដំបូងគឺមានទីតាំងមុខសាលាបឋម-អនុវិទ្យាល័យ អាត់ស៊ូ ក្រោយមកបានផ្លាស់ប្តូរមកធ្វើនៅក្នុងបរិវេណវត្តឧណ្ណាលោមរហូតដល់បច្ចុប្បន្ន៕
លម្អិតការវាយប្រហារភេរវកម្មនៅរុស្ស៊ី ខណៈមនុស្សស្លាប់ កើនដល់ ១៣៧នាក់
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ