អ្នកវិនិយោគផ្នែកអចលនទ្រព្យបោះទុនរាប់លានដុល្លារនៅស្រុកស្ទោង ដើម្បីអភិវឌ្ឍលំនៅឋាន

ដោយមើលឃើញពីសក្កតានុពលយ៉ាងធំធេងនៅលើទឹកដីស្រុកស្ទោង ខេត្តកំពង់ធំ ក្រុមហ៊ុនផ្នែកកអចនទ្រព្យមួយ ដែលមានឈ្មោះថា Developer Land & House និង KP ម៉ន ដានី បានបោះទុនៗរាប់លានដុល្លារ ដើម្បីអភិវឌ្ឍតំបន់នោះ ឲ្យទៅជាលំនៅឋាន សាលារៀន មន្ទីរពេទ្យ សួនច្បារ លំហែរកាយ ហាងទំនិញផ្សេងៗ រីសត ហ្គារាស់សាំង ដោយមានហេដ្ឋារចនាសម្ព័ន្ធ ផ្លូវ លូ ទឹក ភ្លើង រួចជាស្រេច។

លោកឧកញ៉ា ឃុនថាវង្ស ផងផាន់ ដែលជាម្ចាស់វិនិយោគនៅតំបន់នោះ បានថ្លែងប្រាប់អ្នកសារព័ត៌មាននាព្រឹកថ្ងៃទី០៩ ខែកក្កដា ឆ្នាំ២០២២នេះថា មូលហេតុដែលលោកចង់វិនិយោគនៅតំបន់នេះ ឲ្យទៅជាលំដ្ឋាន សាលារៀន មន្ទីរពេទ្យ សួនច្បារ លំហែរកាយ ហាងទំនិញផ្សេងៗ រីសត ជាដើមនោះ ដោយសារតែតំបន់នេះជាតំបន់ ដែលមានសក្ដានុពល​ទាក់ទាញយ៉ាងខ្លាំង។  ម្យ៉ាងទៀតដោយសារតែតំបន់នោះ នៅមិនទាន់មានគម្រោងធំៗរបស់ក្រុមហ៊ុន ក៏ដូចជាការ​អភិឌ្ឍន៏អ្វីមួយនៅឡើយ។

ចំណែកលោកស្រី ម៉ន ដានី បានប្រកាសគាំទ្រជាមួយគម្រោងខាងលើនេះ ដោយអះអាងថានាពេលខាងមុខ​ក្រុមហ៊ុននឹងធ្វើផ្លូវតាមដងស្ទឹងនេះ និងជីកស្រះរៀបចំសួនច្បារ ដើម្បីទុកលំហែកាយផងដែរ។

សូមបញ្ជាក់ថា គម្រោងលំនៅឋាន និងដីឡូតិ៍ខ្នាតយក្ស នៅក្នុងខេត្តកំពង់ធំនេះ បានរៀបចំឡើងលើផ្ទៃដីជាង៣០០​ហិកតា ដោយក្រុមហ៊ុនវិនិយោគ KP Developer Land & House និង KP ម៉ន ដានី ស្ថិតនៅភូមិថ្មី ឃុំប្រឡាយ ស្រុកស្ទោង ខេត្តកំពង់ធំ មានចម្ងាយ២២៦គីឡូម៉ែត្រ ពីភ្នំពេញ ឬចម្ងាយត្រឹម៧៨ គីឡូម៉ែត្រពីទីរួមខេត្តសៀមរាប៕ កោះកែវ