ព័ត៌មានជាតិ
សម្ដេចតេជោ ហ៊ុន សែន ៖ មរណភាពរបស់លោក អាបេ ស៊ីនហ្សូ ជាការបាត់បង់មិត្តភ័ក្ដិដ៏ល្អមួយរូបរបស់ប្រជាជនកម្ពុជា និងរូបសម្ដេចផ្ទាល់
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញដឹកនាំមន្ត្រីជាន់ខ្ពស់រាជរដ្ឋាភិបាល ចូលរួមគោរពវិញ្ញាណក្ខន្ធ លោក អាបេ ស៊ីនហ្សូ អតីតនាយករដ្ឋមន្ត្រីជប៉ុន នៅស្ថានទូតជប៉ុនប្រចាំកម្ពុជា នារសៀលថ្ងៃទី ១១ ខែកក្កដា ឆ្នាំ ២០២២។
តាមរយៈសាររំលែកទុក្ខ ដែលសម្ដេចតេជោនាយករដ្ឋមន្ត្រី សរសេរផ្ទាល់ដៃបានរៀបរាប់ថា តាងនាមរាជរដ្ឋាភិបាល និងប្រជាជនកម្ពុជា និងរូបសម្ដេចផ្ទាល់ សូមសម្ដែងនូវការចូលរួមរំលែកទុក្ខយ៉ាងក្រៀមក្រំបំផុត ជាមួយរដ្ឋាភិបាល និងប្រជាជនជប៉ុន និងក្រុមគ្រួសារសព ចំពោះមរណភាពរបស់លោក អាបេ ស៊ីនហ្សូ អតីតនាយករដ្ឋមន្ត្រីជប៉ុន កាលពីថ្ងៃទី ៨ ខែកក្កដា ឆ្នាំ ២០២២ ដែលជាការបាត់បង់ដ៏ធំធេង និងឈឺចាប់មិនអាចពិពណ៌នាបាន។
សម្ដេចតេជោ ហ៊ុន សែន បានសរសេរបន្តថា មរណភាពរបស់លោក អាបេ ស៊ីនហ្សូ មិនគ្រាន់តែជាការបាត់បង់នូវវីរជនស្នេហាជាតិម្នាក់របស់ជប៉ុន ដែលបានដឹកនាំឲ្យមានការរីកចម្រើន និងលើកកម្ពស់តួនាទីរបស់ជប៉ុន នៅលើឆាកអន្តរជាតិ និងតំបន់ប៉ុណ្ណោះទេ តែការបាត់បង់នូវមិត្តភក្ដិដ៏ល្អពិតប្រាកដមួយរូបរបស់ប្រជាជនកម្ពុជា និងរូបសម្ដេចផ្ទាល់ ដែលបានរួមចំណែកក្នុងការលើកកម្ពស់ទំនាក់ទំនងទ្វេភាគី កម្ពុជា-ជប៉ុន រហូតដល់ភាពជាដៃគូយុទ្ធសាស្រ្ដ កាលពីឆ្នាំ ២០១៣ ក៏ដូចជាបានជំរុញការផ្ដល់ជំនួយគាំទ្រ ដល់ការអភិវឌ្ឍនៅកម្ពុជាផងដែរ។
សម្ដេចតេជោ ហ៊ុន សែន បានសរសេរបន្ថែមទៀតថា កាយវិការដ៏សប្បុរស និងមនោសញ្ចេតនាស្មោះស្ម័គ្ររបស់លោក អាបេ ស៊ីនហ្សូ នឹងត្រូវបានចងចាំដិតដាមជាប់ជានិច្ច ក្នុងទឹកចិត្តរបស់ប្រជាជនកម្ពុជា ក៏ដូចជារូបសម្ដេចផ្ទាល់ជារៀងរហូត។
គួររំលឹកថា អតីតនាយករដ្ឋមន្ត្រីជប៉ុន លោក អាបេ ស៊ីនហ្សូ បានទទួលមរណភាព កាលពីរសៀលថ្ងៃទី ៨ ខែកក្កដា ឆ្នាំ ២០២២ ក្រោយពីត្រូវបុរសម្នាក់បាញ់ប្រហារ នៅពេលដែលលោកថ្លែងសុន្ទរកថាជាសាធារណៈនៅក្នុងទីក្រុង Nara ភាគខាងលិចប្រទេសជប៉ុន៕
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ