Connect with us

ព័ត៌មានជាតិ

ប្រធានមន្ទីរសាធារណការ និងរដ្ឋបាល​ខណ្ឌច្បារអំពៅ ពិនិត្យការដ្ឋានដាក់លូ​ខុសបច្ចេកទេស

បានផុស

នៅ

ភ្នំពេញ៖ លោក ចេង មុនីរ៉ា អភិបាលខណ្ឌច្បារអំពៅ និងលោក សាំ ពិសិដ្ឋ ប្រធានមន្ទីរសាធារណការ រាជធានីភ្នំពេញ នៅព្រឹកថ្ងៃទី១៧ ខែកក្កដា បានចុះទៅពិនិត្យមើលការដ្ឋានមួយកន្លែងដែលជីកដាក់លូខុសបច្ចេកទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសាលាខណ្ឌច្បារអំពៅ បានប្រាប់ឲ្យដឹងថា ទីតាំងជីកដាក់លូខុសបច្ចេកទេសនេះ គឺស្ថិតនៅតាមបណ្តោយផ្លូវ៣៥៧ ភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។ ចំពោះការខុសបច្ចេកទេសនេះ គឺដោយសារតែ​បងប្អូន​ប្រជាពលរដ្ឋរស់នៅតំបន់នោះបានបង្ហោះពត័មានតាមបណ្តាញសង្គម ថាអ្នកបច្ចេកទេសដាក់លូលើផ្លូវ ដែលប្រឈមនឹងការលិចលង់ផ្ទះសម្បែងប្រជាពលរដ្ឋ ព្រោះប្រពន្ធ័លូបង្ហូទឹកខ្ពស់ជាងផ្ទះគាត់។ ការបង្ហោះសារនេះ​បានធ្វើឡើងកាលពីយប់ថ្ងៃទី១៦ខែកក្កដា ហើយពេលនោះ លោក អភិបាលខណ្ឌច្បារអំពៅបានចូលមើល​រួចចាត់ឲ្យអាជ្ញាធរសង្កាត់ចុះពិនិត្យមើលទើបដឹងថា ពិតជាដូចពាក្យប្រជាពលរដ្ឋនិយាយមែន។

បើតាមប្រភពពីប្រជាពលរដ្ឋរស់នៅសង្កាត់ច្បារអំពៅទី២បានឲ្យដឹងដែរថា នៅមានទីតាំងមួយកន្លែងទៀត ដែលអ្នក​បច្ចេកទេសធ្វើលូបានជីកដាក់ប្រពន្ធ័លូបង្ហូទឹកខ្ពស់ជាងផ្ទះប្រជាពលរដ្ខរហូតដល់មានភ្លៀងធ្លាក់ត្រូវរងការលិចលង់ផ្ទះប្រជាពលរដ្ឋអស់រយៈពេល៤ឆ្នាំមកហើយប៉ុន្តែអាជ្ញាធរមិនបានអើពើឡើយ៕ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម