លឹម ឈីងអ៊ី យុវតីឆ្នើមរបស់កម្ពុជា ឈ្នះមេដាយមាសផ្នែកគណិតវិទ្យានៅសិង្ហបុរី

យុវតីឆ្នើមរបស់កម្ពុជា កញ្ញា លឹម ឈីងអ៊ី បានប្រឡងជាប់ចំណាត់ថ្នាក់លេខមួយ និងទទួលបានមេដាយមាសផ្នែកគណិតវិទ្យាតាមរយៈអនឡាញ នៅប្រទេសសិង្ហបុរី ក្នុងចំណោមសិស្សពូកែ ៣,៣៦៧៩នាក់ មកពី២៨ ប្រទេសនៅជុំវិញពិភពលោក។ នៅព្រឹកថ្ងៃចន្ទនេះ ក្រសួងអប់រំ យុវជន និងកីឡា បានចេញសារអបអរសាទរ យុវតីឆ្នើមរូបនេះដែលបានមេដាយមាសនៅក្នុងកម្មវិធីប្រកួតគណិតវិទ្យា អន្តរជាតិ-សិង្ហបុរី ២០២០-២០២២។

កញ្ញា លឹម ឈីងអ៊ី  ជាសិស្សកំពុងសិក្សានៅ វិទ្យាល័យជាស៊ីមសន្ធរម៉ុក ថ្នាក់ទី១២ បានចូលរួមប្រឡងប្រកូតកប្រជែងក្នុងម្មវិធី ក្នុងកម្មវិធីប្រកួតគណិតវិទ្យាអន្តរជាតិ-សិង្ហបុរី ២០២០-២០២២ ដែលមាន ២៨ ប្រទេសចូលរួម និងសុទ្ធតែជាសិស្សពូកែ មកពីបណ្តាប្រទេសទាំងនោះ។ កញ្ញាបានចូលរួមប្រកួតកាលពីថ្ងៃទី ០៩ និងថ្ងៃទី១០ ខែមេសា ឆ្នាំ២០២២ តាមរយៈប្រព័ន្ធអនឡាញ។

ក្រោយមក កញ្ញា ក៏ទទួលបានចំណាត់ថ្នាក់លេខមួយក្នុងការប្រឡងផ្នែកគណិតវិទ្យា នៅប្រទេសសិង្ហបុរី ព្រមទាំងទទួលបានមេដាយមាសផ្នែកគណិតវិទ្យា។ ការទទួលបានមេដាយមាសរបស់យុវតីឆ្នើម លឹម ឈីងអ៊ី គឺជាមោទនភាពមួយសម្រាប់ប្រទេសកម្ពុជា និងយុវជនកម្ពុជា ក៏ដូចជា គំរូមួយក្នុងការជំរុញលើកទឹកចិត្តដល់សិសស្សដទៃទៀតចូលរួមការប្រកួតប្រជែងនានានៅលើឆាកអន្តរជាតិ៕  

ដោយ៖ អុន ស្រីមាន