Connect with us

ព័ត៌មានជាតិ

លោក ជីវ កក្តា ប្រកាសរំលាយបក្ស និងកៀរគរសមាជិកទៅសុំចូលរួមនយោបាយជាមួយគណបក្សប្រជាជនកម្ពុជា

បានផុស

នៅ

ប្រធាន និងអនុប្រធាន និងសមាជិកគណៈកម្មាធិការអចិន្ត្រៃយ៍ចំនួន ៩រូប នៃគណបក្សខ្មែរស្រលាញ់ជាតិ បានប្រកាសរំលាយគណបក្សខ្មែរស្រលាញ់ជាតិ ចាប់ពីថ្ងៃទី ២៩ ខែកក្កដា ឆ្នាំ ២០២២នេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីប្រកាសព័ត៌មាន ដែលចុះហត្ថលេខាដោយលោក ជីវ កក្តា ប្រធានគណបក្សខ្មែរស្រលាញ់ជាតិ នៅថ្ងៃសុក្រនេះ បានបញ្ជាក់ថា មូលហេតុ នៃការរំលាយគណបក្សខ្មែរស្រលាញ់ជាតិ គឺដោយសារតែមើលឃើញការដឹកនាំដ៏ត្រឹមត្រូវ របស់សម្ដេចតេជោ ហ៊ុន សែន ដែលធ្វើឲ្យប្រទេសកម្ពុជា មានសន្តិភាព ការអភិវឌ្ឍ និងអនាគតរុងរឿង ជាពិសេសកាលពីថ្ងៃទី ២៨ ខែកក្កដា ឆ្នាំ ២០២២កន្លងទៅនេះ ការធ្វើវិសោធនកម្មរដ្ឋធម្មនុញ្ញ គឺបង្ហាញយ៉ាងច្បាស់អំពីការគិតគូរ ផលប្រយោជន៍របស់ជាតិជាធំ។

សេចក្ដីប្រកាសព័ត៌មានដដែល បានបញ្ជាក់ថា «ដូច្នេះពុំមានហេតុផលណាមួយ ដែលយើងខ្ញុំនៅបន្តប្រឆាំងនឹងការដឹកនាំរបស់សម្ដេចតេជោ ​និងគណបក្សប្រជាជនតទៅទៀតទេ»។

ជាមួយគ្នានេះ សមាជិកគណៈកម្មាធិការអចិន្ត្រៃយ៍ចំនួន ៩រូប នៃគណបក្សខ្មែរស្រលាញ់ជាតិ ក៏បានអំពាវនាវឲ្យសមាជិកគណៈកម្មាធិការនាយក និងសមាជិករបស់គណបក្សខ្មែរស្រលាញ់ជាតិ និងបងប្អូនដែលកំពុងស្ថិតនៅក្នុងបក្សប្រឆាំង នាំគ្នាចូលមករួមរស់ជាមួយគណបក្សប្រជាជនកម្ពុជា ដើម្បីរួមចំណែកកសាងប្រទេសទាំងអស់គ្នា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម