ព័ត៌មានជាតិ
គិតត្រឹមថ្ងៃ ៥ សីហា ប.ស.ស ផ្សព្វផ្សាយរបបផ្នែកប្រាក់សោធនដល់កម្មករនិយោជិតបានជាង ២១ ម៉ឺននាក់
ក្រសួងការងារ និងបណ្ដុះបណ្ដាលវិជ្ជាជីវៈ បានឲ្យដឹងថា គិតត្រឹមថ្ងៃទី ៥ ខែសីហា ឆ្នាំ ២០២២ ក្រុមការងារ ប.ស.ស បានចុះផ្សព្វផ្សាយរបបសន្តិសុខសង្គមផ្នែកប្រាក់សោធនដល់កម្មករនិយោជិតបានចំនួន ៥៥៨ លើក មានកម្មករនិយោជិតចូលរួមចំនួន ២១៧២៧៧ នាក់ ស្រី ១៦១៣៨៨ នាក់។
ក្រុមការងារ ប.ស.ស បានចាប់ផ្ដើមបើកយុទ្ធនាការផ្សព្វផ្សាយរបបផ្នែកប្រាក់សោធនដល់កម្មករនិយោជិតនៅក្នុងសប្ដាហ៍ទី ៣ នៃខែកក្កដា ឆ្នាំ ២០២២ បន្ទាប់ពីបានផ្សព្វផ្សាយដល់ភាគីពាក់ព័ន្ធរួមមានសហជីព មន្ត្រីក្រសួង និងនិយោជកចំនួន ៥ លើករួចមក។
នៅក្នុងសេចក្ដីប្រកាសព័ត៌មានរបស់ក្រសួងការងារ និងបណ្ដុះបណ្ដាលវិជ្ជាជីវៈ ស្ដីពីយុទ្ធនាការផ្សព្វផ្សាយរបបសន្តិសុខសង្គមផ្នែកប្រាក់សោធនចុះថ្ងៃទី ០៥ សីហា បានឲ្យដឹងថា តាមរយៈយុទ្ធនាការផ្សព្វផ្សាយរបបសន្តិសុខសង្គមផ្នែកប្រាក់សោធនសម្រាប់បុគ្គលទាំងឡាយដែលស្ថិតក្រោមបទប្បញ្ញត្តិ នៃច្បាប់ស្ដីពីការងារនេះទទួលបានលទ្ធផលល្អប្រសើរ ដោយមានកិច្ចសហការយ៉ាងល្អពីសំណាក់ភាគីនិយោជក ម្ចាស់សហគ្រាស គ្រឹះស្ថាន។
ក្រសួងការងារបានបន្តថា ម្យ៉ាងវិញទៀត បងប្អូនកម្មករនិយោជិត បានបង្ហាញពីភាពពេញចិត្ត និងសប្បាយរីករាយ ដែលរាជរដ្ឋាភិបាលបង្កើតឲ្យមានរបបសន្តិសុខសង្គមផ្នែកប្រាក់សោធនសម្រាប់វិស័យឯកជននេះឡើង។
លោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយកប.ស.ស បានមានប្រសាសន៍ថាក្រុមការងារផ្សព្វផ្សាយនេះបែងចែកជា ៨ ក្រុម ក្នុង ១ ក្រុម មាន ១០ នាក់ មានអ្នកផ្សព្វផ្សាយ និងអ្នកទំនាក់ទំនងតាមរោងចក្រសហគ្រាស ក្នុងនោះមាន ៤ ក្រុម ចុះផ្សព្វផ្សាយនៅរាជធានីភ្នំពេញនិង ៤ ក្រុមទៀត ចុះនៅតាមខេត្ត។
លោកបានបន្តថា ការផ្សព្វផ្សាយនេះគឺផ្តោតទៅលើរោងចក្រសហគ្រាសនៅតាមតំបន់សួនឧស្សាហកម្ម តំបន់សេដ្ឋកិច្ចពិសេស ពិសេសតំបន់ដែលរោងចក្រសហគ្រាសច្រើន ដោយធ្វើយ៉ាងណាបញ្ជ្រាបរបបសន្តិសុខសង្គមផ្នែកសោធននេះដល់កម្មករឲ្យបាន ៨០ ភាគរយ នៃកម្មករសរុបរបស់ ប.ស.ស ប្រមាណ ១ លាន ៤ សែននាក់ ក្នុងរយៈពេល ៩០ ថ្ងៃ ចាប់ពីខែកក្កដានេះ រហូតដល់ដំណាច់ខែកញ្ញា មុននឹងអនុវត្តរបបនេះជាផ្លូវការនៅថ្ងៃទី ១ ខែតុលា ឆ្នាំ ២០២២ ហើយកម្មករនិយោជិត និងនិយោជក នឹងចាប់ផ្ដើមបង់វិភាគទានចាប់ពីថ្ងៃទី ១ ខែវិច្ឆិកា ឆ្នាំ ២០២២ តទៅ។
គួរបញ្ជាក់ថា របបសន្តិសុខសង្គមផ្នែកសោធននេះ តម្រូវឲ្យកម្មករនិយោជិតត្រូវបង់វិភាគទាន ២ ភាគរយ និងនិយោជកបង់ ២ ភាគរយ។ ប៉ុន្តែកម្មករ នឹងទទួលបានប្រាក់ ១០០ ភាគរយ ពេលដល់ពួកគាត់មានអាយុ ៦០ ឆ្នាំ ដែលត្រូវចូលនិវត្ត៕
អត្ថបទ ៖ សំអឿន
ផ្សារទំនើប អ៊ីអន នៅ ជប៉ុន ប្រមូលអាហារបំប៉នដែលល្បីធ្វើឲ្យខូចក្រលៀនទៅឲ្យក្រុមហ៊ុនផលិតវិញ
រដ្ឋមន្ដ្រីក្រសួងសុខាភិបាល ចុះសួរសុខទុក្ខអ្នករងរបួសឧបទ្ទវហេតុរថភ្លើងបុកជាមួយរថយន្តក្រុង
គ.ជ.អ.ប និងអង្គការទស្សនៈពិភពលោក រៀបចំវេទិកាផ្សព្វផ្សាយការអនុវត្តការងារគណនេយ្យភាពសង្គម
រុស្ស៊ី កាន់តែមានព័ស្តុតាង អ៊ុយក្រែន ជាប់ពាក់ព័ន្ធការវាយប្រហារភេរវកម្ម មិនអាចប្រកែកបាន
តុលាការឧក្រិដ្ឋកម្មទីក្រុងបាងកក កាត់ទោសមនុស្សជិត ៧០នាក់ពាក់ព័ន្ធនឹងការតវ៉ាដ៏ធំ កាលពីឆ្នាំ ២០០៨
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១ សប្តាហ៍ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ agoកសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ