Connect with us

ព័ត៌មានជាតិ

គិតត្រឹមថ្ងៃទី៨សីហា ប.ស.ស បានផ្សព្វផ្សាយរបបសន្តិសុខសង្គមផ្នែកប្រាក់សោធនដល់កម្មករជិត៣០ម៉ឺននាក់

បានផុស

នៅ

គិតត្រឹមថ្ងៃទី៨ ខែសីហា ឆ្នាំ២០២២ នេះ ក្រុមការងារ ប.ស.ស បានចុះផ្សព្វផ្សាយរបបសន្តិសុខសង្គមផ្នែកប្រាក់សោធនដល់បងប្អូនកម្មករនិយោជិតប្រមាណជិត៣០ម៉ឺននាក់ ស្មើនឹង ៦២៩ លើក ។

យោងតាមរបាយការណ៍ស្ដីពីយុទ្ធនាការ ៩០ថ្ងៃ នៃការចុះផ្សព្វផ្សាយរបបសន្តិសុខសង្គមផ្នែកប្រាក់សោធនបានឱ្យដឹងថា ប.ស.ស. បាននឹងកំពុងបន្តបង្កើនការផ្សព្វផ្សាយឱ្យកាន់តែទូលំទូលាយបន្ថែមទៀតទៅកាន់បងប្អូនប្រជាពលរដ្ឋនៅទូទាំងប្រទេស ពិសេសបងប្អូនកម្មករនិយោជិតធ្វើយ៉ាងណាឱ្យពួកគាត់ទាំងអស់បានយល់ដឹងកាន់តែច្បាស់អំពីការអនុវត្តរបបសន្តិសុខសង្គមផ្នែកប្រាក់សោធនថ្មីមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារ ប.ស.ស.បានចាប់ផ្តើមបើកយុទ្ធនាការផ្សព្វផ្សាយរបបផ្នែកប្រាក់សោធនដល់កម្មករនិយោជិតនៅក្នុងសប្តាហ៍ ទី៣ នៃខែកក្កដា ឆ្នាំ២០២២ បន្ទាប់ពីបានផ្សព្វផ្សាយដល់ភាគីពាក់ព័ន្ធរួមមានសហជីពមន្ត្រីក្រសួងនិងនិយោជកចំនួន ៥លើករួចមក។

លោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស បានមានប្រសាសន៍ថា ប.ស.ស
បានបែងចែកក្រុមការងារផ្សព្វផ្សាយនេះជា៨ក្រុម ដោយក្នុងមួយក្រុមមាន១០នាក់ រួមមានអ្នកផ្សព្វផ្សាយ និងអ្នកទំនាក់ទំនងតាមរោងចក្រសហគ្រាសក្នុងនោះមាន៤ក្រុមចុះផ្សព្វផ្សាយនៅរាជធានីភ្នំពេញនិង៤ក្រុមទៀតចុះនៅតាមខេត្ត។

លោកបានបន្តថា ការព្វផ្សព្វផ្សាយនេះ គឺផ្តោតទៅលើរោងចក្រសហគ្រាសនៅតាមតំបន់សួនឧស្សាហកម្ម តំបន់សេដ្ឋកិច្ចពិសេសពិសេស តំបន់ដែលរោងចក្រសហគ្រាសច្រើនដោយធ្វើយ៉ាងណាបញ្ជ្រាបរបបសន្តិសុខសង្គមផ្នែកសោធននេះដល់កម្មករឱ្យបាន៨០ភាគរយនៃកម្មករសរុបរបស់ ប.ស.ស. ប្រមាណ១លាន៤សែននាក់នៅក្នុងរយៈពេល៩០ថ្ងៃចាប់ពីខែកក្កដានេះ រហូតដល់ដំណាច់ខែកញ្ញា មុននឹងអនុវត្តរបបនេះជាផ្លូវការនៅថ្ងៃទី១តុលា ឆ្នាំ២០២២ ហើយកម្មករនិយោជិតនិងនិយោជកនឹងចាប់ផ្តើមបង់វិភាគទានចាប់ពីថ្ងៃទី១ ខែវិច្ឆិកា ឆ្នាំ២០២២តទៅ។

គួរបញ្ជាក់ថា របបសន្តិសុខសង្គមផ្នែកសោធននេះតម្រូវឱ្យកម្មករនិយោជិតត្រូវបង់វិភាគទាន២ភាគរយនិងនិយោជកបង់​២ភាគរយ។ ប៉ុន្តែកម្មករនឹងទទួលបានប្រាក់១០០ភាគរយពេលដល់ពួកគាត់មានអាយុ៦០ដែលត្រូវចូលនិវត្ត៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម