ព័ត៌មានជាតិ
ឈ្មួញកំពុងកាយដីភ្នំចំបាប់លក់យ៉ាងអនាធិបតេយ្យ អភិបាលស្រុកថា មិនទាន់ទទួលបានព័ត៌មាន
បច្ចុប្បន្នក្រុមឈ្មួញកំពុងសម្រុកដាក់គ្រឿងចក្រកាយដីភ្នំ ចំបាប់ ស្ថិតនៅក្នុងភូមិរំចេក ឃុំត្នោត ស្រុកបាទី ខេត្តតាកែវ សម្រាប់យកទៅលក់យ៉ាងអនាធិបតេយ្យរយៈពេលជាងមួយសប្តាហ៍មកហើយ។
ប្រជាពលរដ្ឋរស់នៅភូមិរំចេក ឃុំត្នោត ស្រុកបាទី នាព្រឹកថ្ងៃទី១១ ខែសីហា ឆ្នាំ២០២២ រៀបរាប់ឲ្យដឹងថា ភ្នំបាប់ប៉ុន្មានឆ្នាំមុនក៏មានក្រុមហ៊ុនគាស់កកាយ ដាក់គ្រាប់បែកបំផ្ទុះ យកថ្មភ្នំលក់រាប់ឆ្នាំ ដែលធ្វើឲ្យបាត់បង់រូបរៀងភ្នំស្ទើរមួយចំហៀងបាត់ទៅហើយ ប៉ុន្តែដោយសារមានការទទូចស្នើសុំម្តងហើយម្តងទៀតពីសំណាក់បងប្អូនប្រជាពលរដ្ឋរស់នៅក្បែរជើងភ្នំ ទើបមានការអន្តរាគមន៍ពីអាជ្ញាធរទប់ស្កាត់លែងឲ្យមានសកម្មភាពកាយថ្មភ្នំបន្តទៀត។
ប្រជាពលរដ្ឋរៀបរាប់បន្តថា បច្ចុប្បន្មនេះស្រាប់តែមានឈ្មួញធ្វើសកម្មភាពកាយដីភ្នំចំបាប់យកទៅលក់យ៉ាងអនាធិបតេយ្យរយៈពេលជាងមួយសប្តាហ៍មកហើយ ដោយមិនទាន់ឃើញមានសមត្ថកិច្ចអាជ្ញាធរចុះមកត្រួតពិនិត្យ ដើម្បីទប់ស្កាត់នៅឡើយ។
ពលរដ្ឋលើកជាសំនួរសួរថា សកម្មភាពកាយដីភ្នំចំបាប់លក់យ៉ាងអនាធិបតេយ្យបែបនេះ តើអាជ្ញាធរស្រុកបាទី ជាពិសេសអាជ្ញាធរខេត្តតាកែវដឹងឬមិនដឹង? ឬក៏ដឹងហើយ តែធ្វើមិនដឹង?។
ចំពោះបញ្ហានេះបងប្អូនប្រជាពលរដ្ឋរស់នៅភូមិរំចេក ឃុំត្នោត ស្រុកបាទី ខេត្តតាកែវ ទាំងអស់ សូមសំណូមពរអាជ្ញាធរស្រុកបាទី ជាពិសេស ឯកឧត្តមអភិបាលខេត្តតាកែវ មេត្តាជួយត្រួតពិនិត្យទប់ស្កាត់ក្នុងការថែរក្សាស្ថានភាពភ្នំចំបាច់អោយបាននៅគង់វង់យូរអង្វែងទុកជាកេរ្តិ៍ដំណែលសម្រាប់កូនចៅជំនាន់ក្រោយៗ បានស្គាល់។
ជុំវិញករណីកាយដីភ្នំចំបាក់យកទៅលក់យ៉ាងអនាធិបតេយ្យរយៈពេលជាងមួយសប្តាហ៍មកហើយនេះ លោក ភួន ឈីម អភិបាលស្រុកបាទី នាព្រឹកថ្ងៃទី១១ ខែសីហា ឆ្នាំ២០២២ ឆ្លើយតបជាមួយគេហទំព័រ កម្ពុជាថ្មី តាមរយៈទូរស័ព្ទ ថា លោកមិនទាន់ទទួលបានព័ត៌មាននេះនៅឡើយនោះទេ៕
អត្ថបទ៖ រ៉ាវទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត