ព័ត៌មានជាតិ
ផ្លូវចំណោទពិបាកធ្វើដំណើរ ១២០ម៉ែត្រ នៅភូមិសាស្រ្តស្រុកថ្មបាំង កំពុងប្រែក្លាយទៅជាផ្លូវបេតុង
អាជ្ញាធរស្រុកថ្មបាំង សហការជាមួយក្រុមហ៊ុនវារីអគ្គិសនីតាទៃ កំពុងប្រែក្លាយផ្លូវចំណោទ ដែលពិបាកធ្វើដំណើរទៅមកអំឡុងរដូវវស្សាប្រវែង ១២០ម៉ែត្រ មកជាផ្លូវបេតុងថ្មីស្រឡាង ដើម្បីលើកកម្ពស់សុវត្ថិភាពចរាចរណ៍របស់ប្រជាពលរដ្ឋ និងអ្នកទេសចរ។
រៀងរាល់រដូវភ្លៀងធ្លាក់ជោគជាំម្តងៗ ស្ថានភាពផ្លូវលំក្រួសក្រហមមួយចំនួន បានរងការខូចខាតដោយសារតែចរន្តទឹកភ្លៀងហូរចុកផ្តាច់ ជាពិសេសនៅចំណុចចំណោទលោកយាយម៉ៅ ស្ថិតភូមិគគីរជ្រុំ ឃុំឬស្សីជ្រុំ ស្រុកថ្មបាំង។
លោក អន សុធារិទ្ធិ អភិបាលស្រុកថ្មបាំង ឲ្យដឹងរសៀលថ្ងៃទី ១១ ខែសីហា ឆ្នាំ ២០២២ថា ដោយមើលឃើញពីស្ថាន ភាពលំបាកធ្វើដំណើរនេះហើយ ទើបលោកសុំកិច្ចសហការ ជាមួយតំណាងក្រុមហ៊ុនវារីអគ្គីសនីតាទៃ ចុះពិនិត្យ និងស្ថាបនាជាផ្លូវបេតុងប្រវែង ១២០ម៉ែត្រ ទទឹង ៦ម៉ែត្រ និងកម្រស់ ២តឹកជំនួសឲ្យផ្លូវក្រួសក្រហម ដែលរអិលងាយបង្កគ្រោះថ្នាក់។
បើតាមលោកអភិបាលស្រុកថ្មបាំង តំណាងក្រុមហ៊ុនអគ្គិសនីតាទៃ ជួយស្ថាបនាជាផ្លូវបេតុងប្រវែង ៨០០ម៉ែត្រជូនប្រជាពលរដ្ឋ និងអ្នកទេសចរ អាចធ្វើចរាចរណ៍បានដោយសុវត្ថិភាព មិនថាខែវស្សា ឬខែប្រាំងនោះទេ។ ក្រោយបញ្ចប់គម្រោងធ្វើបេតុងនេះ អាជ្ញាធរស្រុកនឹងលើកគម្រោងធ្វើបេតុងបន្ថែមឆ្ពោះទៅកាន់តំបន់អារ៉ែង ខណៈចាប់ពីចំណុចច្រាំងត្រឡាច ភូមិត្រពាំងឈើត្រាវ ឡើងទៅ។
គួរជម្រាបថា អាកាសធាតុរងឥទ្ធិពលព្យុះភ្លៀង ៤ទៅ ៥ថ្ងៃមកនេះ ភូមិសាស្រ្តស្រុកថ្មបាំង ពុំទទួលរងផលប៉ះពាល់ណាមួយដល់ប្រជាពលរដ្ឋ សត្វពាហនៈ ដីស្រែចម្ការ នោះទេ។ តែទោះយ៉ាងណា អាជ្ញាធរស្រុកថ្មបាំង បានដាក់វិធានការដល់មេភូមិ មេឃុំ តាមដានក្តោបក្តាប់ព័ត៌មានពីគ្រោះថ្នាក់ផ្សេងៗដោយសារគ្រោះធម្មជាតិ ដើម្បីត្រៀមដោះស្រាយ និងរកទីទួលសុវត្ថិភាពបានទាន់ពេលវេលា៕
អត្តបទ៖ សិរីវឌ្ឍនៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៥ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)