ព័ត៌មានជាតិ
សម្ដេចតេជោ ហ៊ុន សែន ថ្លែងថា ពិបាកទាក់ទងមន្ត្រីរស់នៅក្នុងបុរីខ្លះ ដោយសារសេវាទូរស័ព្ទ និងសេវា Internet
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឲ្យដឹងថា សម្ដេច ពិបាកទាក់ទងទៅមន្ត្រីដែលរស់នៅក្នុងបុរីខ្លះ ដោយសារបញ្ហាសេវាទូរស័ព្ទ និងសេវា Internet ដោយបុរីមួយចំនួន បានផ្ដល់សិទ្ធិផ្ដាច់មុខឲ្យក្រុមហ៊ុនផ្តល់សេវាទូរស័ព្ទ និងសេវា Internet តែមួយ។
នៅក្នុងពិធីប្រគល់សញ្ញាបត្រ ជូននិស្សិតសាកលវិទ្យាល័យពុទ្ធិសាស្ត្រសរុបចំនួន ៦២៣នាក់ នាព្រឹកថ្ងៃទី ១៧ ខែសីហានេះ សម្ដេចតេជោ ហ៊ុន សែន បានថ្លែងថា សម្ដេច មានការសប្បាយចិត្តបន្ទាប់ពីលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានសម្រេចលុបចោលទាំងអស់ នូវកិច្ចសន្យាផ្តល់សិទ្ធិផ្តាច់មុខគ្រប់បុរីទាំងអស់ ដែលផ្តល់ឲ្យក្រុមហ៊ុនផ្តល់សេវាទូរស័ព្ទ និងសេវា Internet តែមួយ។
សម្ដេចតេជោ ហ៊ុន សែន បានថ្លែងបន្តថា កន្លងទៅ សម្ដេចធ្លាប់បានទាក់ទងមន្ត្រីមួយចំនួន ដែលរស់នៅក្នុងបុរី តែគឺពិបាកទាក់ទងខ្លាំងមែនទែន។ សម្ដេចតេជោនាយករដ្ឋមន្ត្រី បានថ្លែងបន្ថែមថា «ខ្ញុំធ្លាប់ធ្វើទំនាក់ទំនងទៅតាម អ្នកដែលរស់នៅតាមបុរី ព្រោះមន្ត្រីរបស់យើងមួយចំនួន រស់នៅតាមបុរី ពិបាកទាក់ទងយកតែមែនទែន មហាពិបាក ដល់តែសួរទៅចុះឡើងៗ ថា បុរីគាត់ចុះហត្ថលេខា ជាមួយក្រុមហ៊ុន Internet មួយ ចឹងក្រុមហ៊ុនហ្នឹងមានសិទ្ធិផ្ដាច់មុខក្នុងបុរីនោះ ចឹងទោះបីដើរឬមិនដើរ គឺវាអត់»។
សម្ដេចតេជោ ហ៊ុន សែន បានបន្ថែមថា ការធ្វើកិច្ចសន្យាផ្តល់សិទ្ធិផ្តាច់មុខ ដល់ក្រុមហ៊ុនសេវាទូរស័ព្ទ និងសេវា Internetមួយ នៅក្នុងបុរីនោះ គឺជាកិច្ចសន្យាខុសឆ្គងមួយ។ បើតាមសម្ដេច គឺរាជរដ្ឋាភិបាល លើកចិត្តឲ្យមានការប្រកួតប្រជែង មិនមែនឲ្យមានតែមួយនោះទេ៕
អត្ថបទ៖ ឃួន សុភ័ក្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង