ព័ត៌មានជាតិ

ឧកញ៉ា ឡេង ណាវ៉ាត្រា ទម្លាយគម្រោងពីក្រោយការអភិវឌ្ឍនៅសួនសត្វភ្នំតាម៉ៅ

បានផុស

១ ខែ មុន

នៅ

ថ្ងៃព្រហស្បតិ៍ ១៨ សីហា ២០២២

ដោយ

នៅមុននេះបន្តិច អ្នកឧកញ៉ា ឡេង ណាវ៉ាត្រា បានចេញសារសំឡេង ក្រោយរលកនៃការរិះគន់មិនទាន់ស្ងប់លើគម្រោងអភិវឌ្ឍនៅតំបន់សួនសត្វភ្នំតាម៉ៅ។

ក្នុងសារសំឡេងជាង ៤ នាទី សេដ្ឋីវ័យក្មេងរូបនេះបានប្រាប់ពីដើមទង និងបានរំលឹកពីគោលបំណងខ្លះៗមុនទទួលបានគម្រោងអភិវឌ្ឍនៅតំបន់សួនសត្វភ្នំតាម៉ៅ និងក្រោយមកត្រូវបានប្រមុខរាជរដ្ឋាភិបាលប្រកាសលុបចោលវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧកញ៉ា ឡេង ណាវ៉ាត្រា បានបញ្ជាក់ថា ក្រុមហ៊ុនទទួលសិទ្ធិក្នុងការវិនិយោគគោលបំណងឲ្យបងប្អូនមិនទាន់មានលំនៅដ្ឋាន អាចទិញគម្រោងនេះបានត្រឹម ៣០ ដុល្លារ ទៅ ៦០ ដុល្លារក្នុងមួយខែ ដែលបញ្ចុះរហូត ៦១% ផ្ដល់ជូនប្រជាពលរដ្ឋទូទាំងប្រទេស អាចមានឱកាសមានលំនៅឋានទាំងអស់គ្នា និងបង្កើតសួនឧស្សាហកម្ម តំបន់ទេសចរណ៍ ផ្លូវ ទឹក ភ្លើង ដែលនៅជិតព្រលានយន្ដហោះអន្តរជាតិថ្មី ផ្ដល់ឱកាសឲ្យបងប្អូនទទួលបានផលចំណេញពីក្រុមហ៊ុន។

«កន្លងមកមានមតិមួយចំនួនតែងតែបំភ្លើសការពិតថាខ្ញុំមកពីនេះមកពីនោះ ធ្វើការនេះធ្វើការនោះ ធ្វើឲ្យអ្នកនេះធ្វើឲ្យអ្នកនោះ ជាការលាបពណ៌ដ៏សាហាវ»។

អ្នកឧកញ៉ាអះអាងដោយគោរពលើកដៃសំពះដល់ពុកម៉ែបងប្អូនទាំងក្នុងនិងក្រៅប្រទេសថា បន្ទាប់ពីរាជរដ្ឋាភិបាលបានលុបចោលគម្រោងអភិវឌ្ឈន៍តំបន់ទ្រនាប់ភ្នំតាម៉ៅភ្លាមនិងបញ្ជាឲ្យផ្អាក ក្រុមហ៊ុនបានផ្អាកសកម្មភាពទាំងអស់ក្នុងពេលភ្លាមៗនោះដែរ។

បន្ថែមពីនេះ តាមការណែនាំរបស់មេបញ្ជាការ បញ្ជាការដ្ឋានអង្គរក្សនាយឧត្តមសេនីយ៍ ហ៊ីង ប៊ុនហៀង ក្រុមហ៊ុនបានបញ្ជូនគ្រឿងចក្រសរុប ១១៣ គ្រឿង ដោយការយកចិត្តទុកដាក់ និងសស្រាក់សស្រាំទាំងយប់ទាំងថ្ងៃក្នុងការងារសំអាតនិងដាំដុះ។ នៅថ្ងៃទី ១៦ ក្រុមហ៊ុនបានទទួលបទបញ្ជាពីរាជរដ្ឋាភិបាលថ្មីបន្ថែមទៀតលើការដាំដុះ ថែទាំ និងរៀបចំឲ្យទៅជាឧទ្យានជាតិ។

ក្រុមហ៊ុនសូមទទួលខុសត្រូវតាមបទបញ្ជាទាំងស្រុងរបស់ប្រមុខរាជរដ្ឋាភិបាល អ្វីដែលក្រុមហ៊ុនបានធ្វើក្រុមហ៊ុនត្រូវតែទទួលខុសត្រូវទាំងអស់៕

Related Topics:អ្នកឧកញ៉ា ឡេង ណាវ៉ាត្រា

Up Next

ឧកញ៉ា ឡេង ណាវ៉ាត្រា ថាខ្លួនរងការបំផ្លើស លាបពណ៌ដ៏សាហាវ មិនអាចទទួលយកបាន

Don't Miss

អនុរដ្ឋលេខាធិការក្រសួងមហាផ្ទៃម្នាក់ ត្រូវដកតំណែង ករណីដើរលក់ក្របខណ្ឌនគរបាល