ព័ត៌មានជាតិ
ក្រសួងមហាផ្ទៃ ចាប់ផ្ដើមបើកប្រតិបត្តិការត្រួតពិនិត្យ ការរស់នៅរបស់ជនបរទេស នៅកម្ពុជា
សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) ប្រកាសថា ក្រសួងមហាផ្ទៃ បានចាប់ផ្ដើមបើកប្រតិបត្តិការត្រួតពិនិត្យ ការរស់នៅជនបរទេសនៅកម្ពុជា លើកលែងតែមន្រ្តីទូត។
ក្នុងកិច្ចប្រជុំថ្នាក់ដឹកនាំ ក្រុមការងារជំនាញអន្ដរក្រសួង-ស្ថាប័នទាំង ៦ និងក្រសួង-ស្ថាប័ន ជាសមាសជិក គ.ជ.ប.ជ ប្រចាំឆមាសទី ១ ឆ្នាំ ២០២២ នៅថ្ងៃទី ១៩ ខែសីហានេះ សម្តេចក្រឡាហោម ស ខេង បានបន្តថា ប្រតិបត្តិការនេះធ្វើឡើងនៅខេត្តកណ្ដាល និងខេត្តព្រះសីហនុ ហើយនឹងបន្ដធ្វើនៅបណ្ដាលខេត្តផ្សេងៗទៀត ផងដែរ។
សម្ដេចក្រឡាហោម ស ខេង បានបន្តទៀតថា ការបើកប្រតិបត្តិការត្រួតពិនិត្យ ការរស់នៅរបស់ជនបរទេសនេះ គឺដើម្បីលុបបំបាត់ការសង្ស័យ និងភាពចន្លោះប្រហោងចំពោះការជួញដូរមនុស្ស។
យោងតាមរបាយការណ៍ប្រចាំឆ្នាំ ២០២២ របស់ក្រសួងការបរទេសអាមេរិក បានបង្ហាញឲ្យដឹងថា កម្ពុជា បានធ្លាក់ចូលក្នុងបញ្ជីខ្មៅ ឬចំណាត់ថ្នាក់កម្រិត ៣ ដែលមិនបានទប់ស្កាត់បទល្មើសជួញដូរមនុស្ស តាមស្តង់ដារជាអប្បរមា។
លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ដ្រៃយ៍ គ.ជ.ប.ជ បានឲ្យដឹងថា ក្នុងរយៈពេល ៦ខែ ឆ្នាំ ២០២២ អគ្គស្នងការដ្ឋាននគរបាលជាតិ កងរាជអាវុធហត្ថលើផ្ទៃប្រទេស និងស្នងការដ្ឋាននគរបាលរាជធានី-ខេត្ត បានតាមដានស្រាវជ្រាវ បង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ សរុបបាន ៧៤ករណីធៀបនឹងឆមាសទី ១ ឆ្នាំ ២០២១ មានចំនួន ១៩៨ករណី ថយចុះចំនួន ១២៤ករណីស្មើនឹង ៦២,៦២% ឃាត់ខ្លួនជនសង្ស័យ បញ្ចូនទៅសាលាដំបូងចំនួន ៨៣នាក់ (ស្រី ៨នាក់) អនីតិជន ៧នាក់។
ក្នុងនោះ ជនសង្ស័យដែលជាជនបរទេសចំនួន ១២នាក់ មាន ៤សញ្ជាតិ គឺជនជាតិចិន ៩នាក់, ជនជាតិថៃ ១នាក់, វៀតណាម ១នាក់ និងជនជាតិបង់ក្លាដេស ១នាក់។ ដោយឡែកសង្គ្រោះជនរងគ្រោះចំនួន ១៥៦នាក់ (ស្រី ១០៥នាក់) ក្នុងនោះ អាយុក្រោម ១៥ឆ្នាំ ៦០នាក់ អាយុ ១៥-១៧ឆ្នាំ ១៣នាក់ និងអាយុពី ១៨ឆ្នាំឡើង ៨៣នាក់ (ប្រគល់ឲ្យមន្ទីរសង្គមកិច្ច ៦នាក់ និងប្រគល់ឲ្យគ្រួសារ ១៥០នាក់៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង