ព័ត៌មានជាតិ
កូរ៉េ ចាត់ទុកកម្ពុជា ជាប្រទេសដៃគូអាទិភាពខ្ពស់ក្នុងការអភិវឌ្ឍសង្គម និងសេដ្ឋកិច្ច
លោក រ៉ូ យុន ជុន ប្រធានអង្គការKOICAប្រចាំប្រទេសកម្ពុជាបានមានប្រសាសន៍ថា សាធារណរដ្ឋកូរ៉េតែងតែចាត់ទុកកម្ពុជា ជាប្រទេសដៃគូអាទិភាពខ្ពស់ក្នុងការអភិវឌ្ឍសង្គម និងសេដ្ឋកិច្ច ពិសេស លើវិស័យសុខាភិបាល។ លោកលើកឡើងបែបនេះ នៅក្នុងសិក្ខាសាលាលើកទី១របស់មន្ទីរពេទ្យព្រះអង្គឌួងស្តីពីការថែទាំរបស់គិលានុប្បដ្ឋាកតាមបែបសម័យថ្មីនៅព្រឹកថ្ងៃទី២០ ខែសីហានេះ នៅសណ្ឋាគារឡឺរ៉ូយ៉ាល់។
លោកប្រធានអង្គការKOICAបានមានប្រសាសន៍ថា ចាប់តាំងពីដើមទសវត្សរ៍ឆ្នាំ១៩៩០មក ទីភ្នាក់ងារKOICA បានជួយគាំទ្រគម្រោងជាច្រើននៅក្នុងប្រទេសកម្ពុជា ដូចជា គម្រោងគ្រប់គ្រងធនធានទឹក ការអភិវឌ្ឍកសិកម្ម ការសាងសង់ហេដ្ឋារចនាសម្ព័ន្ធ និងការថែទាំសុខភាពជាដើម។ លោកបានបន្តថា ក្នុងចំណោមគម្រោងទាំងនោះ គម្រោងនៃការស្ដារឡើងវិញ និងទំនើបកម្មមន្ទីរពេទ្យ ជាគម្រោងមួយក្នុងចំណោមគម្រោងដ៏មានតម្លៃបំផុត ព្រោះការកែលម្អសុខភាពប្រជាជនមានអាទិភាពខ្ពស់នៅកម្ពុជា។
លោកបានបន្តទៀតថា គម្រោងអាទិភាពរបស់ទីភ្នាក់ងារKOICA គឺវិស័យសុខាភិបាលរបស់ប្រទេសកម្ពុជា ជាផ្នែកមួយនៃកិច្ចខិតខំប្រឹងប្រែងរបស់ខ្លួនក្នុងការលើកកម្ពស់គុណភាព និងមិត្តភាពទទួលបានសេវាថែទាំសុខភាពសាធារណៈរបស់ទីភ្នាក់ងារKOICA បានបង្កើតដោយជោគជ័យនូវអគាចំនួន៣ នៃមន្ទីរពេទ្យជាតិចំនួន២ ក្នុងនោះ មានអគារមិត្តភាពកម្ពុជាកូរ៉េ នៅមន្ទីរពេទ្យកុមារជាតិ និងអគារភ្នែកត្រចៀក និងច្រមុះនៅមន្ទីរពេទ្យព្រះអង្គឌួង។ ក្រៅពីនេះ នឹងមានអគារនៃមន្ទីរពេទ្យបង្អែកខេត្តចំនួន៣ទៀត រួមមានមន្ទីរពេទ្យមាតា និងទារកក្នុងមន្ទីរពេទ្យខេត្តសៀមរាប មន្ទីរពេទ្យបង្អែកបាធាយខេត្តកំពង់ចាម និងមន្ទីរពេទ្យមិត្តភាពកម្ពុជាកូរ៉េខេត្តកំពង់ឆ្នាំង ព្រមទាំង គម្រោងសាងសង់មណ្ឌលសុខភាពមាតា និងទារក៥នៅខេត្តមណ្ឌលគិរីនិងរតនគិរី។
លោកបានបញ្ជាក់ថា កម្ពុជាតែងជាប្រទេសដៃគូអទិភាពរបស់ទីភ្នាក់ងារកយកាក្នុងកិច្ចសហប្រតិបត្តិការអភិវឌ្ឍហើយក្នុងនាមទីភ្នាក់ងារអនុវត្តជំនួយឥតសំណងរបស់រដ្ឋាភិបាលកូរ៉េKOICA និងចូលរួមចំណែកជាបន្តបន្ទាប់ក្នុងការអភិវឌ្ឍសង្គមនិងសេដ្ឋកិច្ចកម្ពុជា។
ចំណែក លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានថ្លែងអំណរគុណចំពោះសាធារណរដ្ឋកូរ៉េដែលបានផ្តល់ជំនួយយ៉ាងច្រើនដល់កម្ពុជា ពិសេស លើវិស័យសុខាភិបាលតាមរយៈទីភ្នាក់ងារសហប្រតិបត្តិការកូរ៉េប្រចាំប្រទេសកម្ពុជា ដូចជា ការពង្រីកមន្ទីរពេទ្យមួយចំនួនទៀតនៅរាជធានីភ្នំពេញ ការកសាងមន្ទីរពេទ្យនិងមណ្ឌលសុខភាពតាមខេត្ត និងជួយសកលវិទ្យាល័យវិទ្យាសាស្ត្រសុខាភិបាលដែលតាមរយៈជំនួយទាំងនេះជាការងារដ៏មានសារសំខាន់ក្នុងការចូលរួមចំណែកអភិវឌ្ឍន៍ធនធានមនុស្សនៅប្រទេសកម្ពុជាកាន់តែរីកចម្រើន និងទាន់សម័យថែមទៀត៕
ដោយ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ