ព័ត៌មានជាតិ
កូរ៉េផ្តល់អាហារូបករណ៍ដល់និស្សិតកម្ពុជាជាង ៦០ នាក់ សម្រាប់ឆ្នាំសិក្សា ២០២២-២០២៣
សម្រាប់ឆ្នាំសិក្សា ២០២២-២០២៣ នេះ សាធារណរដ្ឋកូរ៉េបានផ្តល់អាហារូបករណ៍ដល់និស្សិតកម្ពុជាឱ្យទៅបន្តការសិក្សានៅប្រទេសកូរ៉េប្រមាណជាង ៦០ នាក់ដែលនឹងចូលរួមចំណែកយ៉ាងសំខាន់ក្នុងអភិវឌ្ឍន៍ធនធានមនុស្សរបស់ប្រទេសកម្ពុជាឱ្យកាន់តែប្រសើរឡើងថែមទៀត។
ក្នុងពិធីជួបជុំសំណេះសំណាលសម្រាប់និស្សិតដែលនឹងបន្តការសិក្សានៅសាធារណរដ្ឋកូរ៉េ សម្រាប់ឆ្នាំសិក្សា ២០២២-២០២៣ នៅរាត្រីថ្ងៃទី២១ សីហា នៅរាជធានីភ្នំពេញ លោក ហុង ជឿន អនុប្រធានក្រុមការងារ ESEA បានមានប្រសាសន៍ថា និសិ្សតជ័យលាភីដែលត្រូវចេញទៅសិក្សានៅសាធារណកូរ៉េ នាឆ្នាំ២០២២ នេះ មានចំនួនសរុប ៦៤នាក់ (ស្រី ២៥ នាក់) ក្នុងនោះទទួលអាហារូបករណ៍រដ្ឋាភិបាលកូរ៉េ ចំនួន ៥១ នាក់ និងទីភ្នាក់ងារកិច្ចសហប្រតិបត្តិការអន្តរជាតិកូរ៉េ ចំនួន ១៣ នាក់។
នៅក្នុងពិធីសំណេះសំណាលនាឱកាសនោះដែរ លោក ហេង សួរ តំណាងលោកបណ្ឌិត ហ៊ុន ម៉ាណែត បានចូលរួមអបអរសាទរ និងពាំនាំនូវការផ្តាំផ្ញើប្រកបដោយមនោសញ្ចេតនាស្រឡាញ់រាប់អានយ៉ាងជ្រាលជ្រៅពីសំណាក់ លោកបណ្ឌិត ហ៊ុន ម៉ាណែត ដែលតែងតែគិតគូយកចិត្តទុកដាក់ចំពោះសុខទុក្ខរបស់ប្អូនៗ ជាពិសេសតែងតែផ្តួចផ្តើមរៀបចំពិធីជួបជុំសំណេះសំណាលចែករំលែកបទពិសោធន៍ និងមានមតិផ្តាំផ្ញើដល់ប្អូនៗ មុនពេលចេញទៅបន្តការសិក្សានៅឯបរទេស។
លោក ហេង សួរ បានមានប្រសាសន៍ថា ពិធីជួបសំណេះសំណាលនេះ បានផ្តល់ឱកាសឱ្យមានការជួបជុំគ្នាដោយផ្ទាល់សម្រាប់ការផ្លាស់ប្តូរព័ត៌មាន និងបទពិសោធន៍គ្នាទៅវិញទៅមក ជាពិសេសផ្តល់ឱកាសដល់ប្អូនៗនិស្សិត ក្នុងការដកស្រង់បទពិសោធន៍ផ្ទាល់ពីសំណាក់រៀមច្បងដែលធ្លាប់បានសិក្សានៅសាធារណរដ្ឋកូរ៉េ ព្រមទាំងទទួលបាននូវគំនិត ជំនាញ ចំណេះដឹង ចំណេះធ្វើ និងពិសោធន៍ដ៏ជោគជ័យពីសំណាក់រៀមច្បង សម្រាប់ជាប្រយោជន៍ក្នុងការបណ្តុះផ្នត់គំនិត ឥរិយាបថ និងការអនុវត្តសម្រាប់ការលើកកម្ពស់សមត្ថភាពរបស់ខ្លួនផង។
លោក ហេង សួរ បានចាត់ទុកនិស្សិតអាហារូបករណ៍ជ័យលាភីដែលត្រូវទៅបន្តការសិក្សានៅសាធារណរដ្ឋកូរ៉េ ជាធនធានដ៏មានតម្លៃ និងជាស្ពានភ្ជាប់ទំនាក់ទំនងការទូតរវាងកម្ពុជា-សាធារណរដ្ឋកូរ៉េ ឱ្យមានភាពកាន់តែប្រសើរ និងរឹងមាំបន្ថែមទៀត។
លើសពីនេះ លោកបានលើកទឹកចិត្តដល់និស្សិតអាហារូបករណ៍ទាំងនោះ ត្រូវចេះបង្កើតឱកាស និងក្តាប់ឱកាសឱ្យបានតាមរយៈការប្រាស្រ័យទាក់ទងល្អជាមួយមិត្តភក្តិបរទេស ដែលជាកត្តាសំខាន់មួយទៀតក្រៅពីការសិក្សារបស់ខ្លួន៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍៤៩ នាទី ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore