Connect with us

ព័ត៌មានជាតិ

សិស្សប្រើទូរសព្ទដៃក្នុងម៉ោងសិក្សាខុសបទបញ្ជាផ្ទៃក្នុង បើបំពាននឹងមានលទ្ធផលដូចម្តេច?

បានផុស

នៅ

លោក ហែម ស៊ីណារ៉េត ប្រធានមន្ទីរអប់រំយុវជន និងកីឡាបានមានប្រសាសន៍ នៅព្រឹកថ្ងៃទី២៥ សីហានេះថា សិស្សានុសិស្សណា ដែលមើលទូរសព្ទដៃនៅក្នុងម៉ោងសិក្សា ដោយមិនមានការអនុញ្ញាតពីគ្រូទេ គឺខុសទៅនឹង​បទបញ្ជាផ្ទៃក្នុងរបស់ក្រសួង និងសាលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានមន្ទីរបានបន្តថា ការប្រើប្រាស់ទូរសព្ទដៃនៅតាមគ្រឹះស្ថានសិក្សាក្រសួងអប់រំយុវជន និងកីឡាបានដាក់បទ​បញ្ជាផ្ទៃក្នុង ដើម្បីប្រើប្រាស់ឱ្យត្រូវទិសដៅហើយមន្ទីរអប់រំបានធ្វើការណែនាំដល់នាយកសាលា ផ្សព្វផ្សាយបន្តដល់​សិស្សានុសិស្សអនុវត្តឱ្យមានប្រសិទ្ធភាពខ្ពស់។

លោកប្រធានមន្ទីរបានបន្តទៀតថា « និយាយជារួមរហូតមកដល់ពេលនេះយើងតែងតែជំរុញនិងលើកទឹកឱ្យសិស្សានុ​សិស្សប្រើប្រាស់ទូរសព្ទដៃស្មាតហ្វូន ដើម្បីជាប្រយោជន៍ដល់ការសិក្សា ដោយសារឥឡូវនេះ មានការសិក្សា​នៅក្នុងថ្នាក់រៀនផង និងនៅតាមអនឡាញផង ដែលធ្វើឱ្យសិស្សមានភាពងាយស្រួល»។

លោកបានបន្ថែមថា ពេលកំពុងសិក្សាក្នុងថ្នាក់សិស្សានុសិស្សមិនអាចមើលទូរសព្ទបានទេ​គឺខុសនឹងបទបញ្ជា​ផ្ទៃក្នុងរបស់ក្រសួង និងសាលាដែលបានហាមប្រាមមិនឱ្យសិស្សប្រើប្រាស់ទូរសព្ទដៃនៅពេលម៉ោងរៀន។

លោកបានបញ្ជាក់ថា « ពេលម៉ោងសិក្សា ទោះបីជាសិស្សនោះមើលរឿងអាសអាភាសឬមើលរឿងអ្វីក៏ដោយ គឺវាផ្ទុយនឹងបទបញ្ជាផ្ទៃក្នុងហើយបើកាលណាគ្រូកំពុងបង្រៀនមេរៀនផ្សេងសិស្សមើលរឿងផ្សេង។ អ៊ីចឹងអ្វីដែល​គ្រូបង្រៀនធ្វើសិស្សមិនអាចចាប់បានទេប៉ុន្តែប្រសិនបើមានការអនុញ្ញាពីគ្រូឱ្យមើលមេរៀននៅក្នុងផេករបស់ក្រសួងអប់រំនិងផេកផ្សេងៗទៀតទាក់ទិននឹងមេរៀនដែលគាត់បង្រៀនគឺមិនមានការខុសឆ្គងនោះទេ»។

ពាក់ព័ន្ធនឹងការប្រើប្រាស់ទូរសព្ទដៃនៅក្នុងសាលារៀននេះដែរ ថ្មីៗនេះមានសាលាខ្លះ បានលើកឡើងពីវិធានការ​មួយចំនួន ដោយបានដាក់ពិន័យដល់សិស្សដែលអនុវត្តខុសទៅនឹងបទបញ្ជាផ្ទៃក្នុង ដោយក្នុងនោះក៏មាន​ការដកហូតទូរស័ព្ទដៃយកទៅរក្សាទុក២សប្តាហ៍និងឱ្យអាណាព្យាបាល ឬឪពុកម្តាយសិស្សមកធានា​ធ្វើកិច្ចសន្យាថ្ងៃក្រោយ កុំឱ្យប្រព្រឹត្តិទង្វើបែបនេះតទៅទៀត។

លោកប្រធានមន្ទីរបានឱ្យដឹងទៀតថា និតិវិធីនៃការដាក់ពិន័យចំពោះការប្រព្រឹត្តិរបស់សិស្សនេះ ខាងក្រសួងក៏ដូច​ជាមន្ទីរមិនបានសិទ្ធលូកលាន់ឬណែនាំឱ្យសាលានីមួយៗអនុវត្តតាមនោះទេ ពោលគឺអាស្រ័យទៅលើសាលានីមួយៗ ដាក់ចេញដោយខ្លួនឯងប៉ុណ្ណោះ។

លោកប្រធានមន្ទីរបានណែនាំថាសាលានីមួយៗគួរតែថ្លឹងថ្លែងពីការដាក់ពិន័យចំពោះកំហុសឆ្គងរបស់សិស្សឱ្យបានត្រឹមត្រូវ និងធ្វើយ៉ាងណាកុំធ្វើឱ្យប៉ះពាល់ដល់ការសិក្សារបស់សិស្ស។

លោក លឹម ចាន់ថា នាយកវិទ្យាល័យចំណេះទូទៅនិងបច្ចេកទេសហ៊ុនសែនជម្ពូវ័ន បានលើកឡើងដែរថា ចំពោះការប្រើ​ប្រាស់​ទូរសព្ទដៃនៅក្នុងម៉ោងសិក្សានេះ ត្រូវបានហាមឃាត់ហើយប្រសិនបើមានសិស្សណា​ម្នាក់ល្មើសនឹងបម្រាមនេះ នឹងត្រូវបានហៅមកណែនាំ។ ក្នុងករណីអប់រំណែនាំហើយ នៅតែមិនស្តាប់សាលានឹងអញ្ជើញអាណាព្យា​បាល​សិស្សនោះ​មកប្រាប់និងធ្វើកិច្ចសន្យានៅសាលាតែម្តង៕ អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

លោកទេសរដ្ឋមន្ត្រី​ លី ធុជ ប្ដេជ្ញាអនុវត្ត​ប្រែក្លាយឆ្នាំ២០២៥ទៅជាឆ្នាំគ្មានមនុស្សស្លាប់ និងរបួស ដោយសារមីន

វប្បធម៌ ជំនឿ៤ ម៉ោង មុន

យល់សប្ដិឃើញ “យមទូត” ជាប្រផ្នូលនៃសេចក្ដីស្លាប់ឬ?

ព័ត៌មានជាតិ៥ ម៉ោង មុន

ព្រឹកស្អែក សម្តេច​តេ​ជោ ហ៊ុន សែន នឹង​អញ្ជើញ​ជា​អធិបតី​ក្នុង​ពិធី​បើក​វេទិកា​អភិបាលក្រុង​អាស៊ាន​

ជីវិតកម្សាន្ដ៥ ម៉ោង មុន

ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម

ព័ត៌មានជាតិ៦ ម៉ោង មុន

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អនុញ្ញាត​ឱ្យ​សេនានុព័ន្ធ​អង់គ្លេស​ចូល​ជួប​ណែនាំ​ខ្លួន និង​ពិភាក្សា​ការងារ

Sokha Hotels

ព័ត៌មានពេញនិយម