ព័ត៌មានជាតិ

ល្ងាចនេះ ព្រះខ័នរាជស្វាយរៀង ឬ បឹងកេត? ផ្សាយផ្ទាល់នៅកម្ពុជាថ្មី

បានផុស

៤ years មុន

នៅ

ថ្ងៃសៅរ៍ ២៧ សីហា ២០២២

ដោយ

បឹងកេត នឹងធ្វើដំណើរទៅប្រកួតជាមួយ ព្រះខ័នរាជស្វាយរៀង នៅកីឡដ្ឋានស្វាយរៀង វេលាម៉ោង៦:៣០នាទី ល្ងាច ថ្ងៃសៅរ៍ ទី២៧ ខែសីហានេះ ក្នុងសប្តាហ៍ទី១៧ នៃជម្រើសជើងឯកខេមបូឌានព្រីមៀរលីគ ២០២២ ផ្សាយផ្ទាល់តាមរយៈ «កម្ពុជាថ្មី»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រយៈពេល២ឆ្នាំចុងក្រោយបើគិតទាំងល្ងាចនេះផងត្រូវជាការជួបគ្នា៥លើកហើយ ខណៈ៤លើកកន្លងមក ព្រះខ័នរាជស្វាយរៀង ឈ្នះ២ដង បឹងកេតឈ្នះ១ដង និងស្មើគ្នា១ដង។ កាលពីឆ្នាំ២០២១ ជើងទី១ បឹងកេត បានឈ្នះព្រះខ័នរាជស្វាយរៀង ១-២ នៅទឹកដីស្វាយរៀង និងជើងទី២ ក្រុមទាំងពីរស្មើគ្នា ១-១ នៅទឹកដីបឹងកេត។ ឆ្នាំ២០២២នេះ ជើងទី១ បឹងកេត បានចាញ់ ០-៤ នៅទឹកដីស្វាយរៀង និងជើងទី២ ព្រះខ័នរាជស្វាយរៀង បន្តឈ្នះ ០-១ នៅទឹកដីបឹងកេត។

មួយរយៈពេលចុងក្រោយនេះ ព្រះខ័នរាជស្វាយរៀង ហាក់ធ្វើមិនសូវបានល្អប្រសើរទេ បើប្រៀបធៀបនឹងជុំទី១ និងជុំទី២រដូវកាលនេះ គឺកំណត់ត្រាឈ្នះរហូតត្រូវបានបញ្ចប់ដោយចាញ់ វិសាខា ១-០ កាលពីចុងជុំទី២ និងដើមជើងទី៣ បានចាញ់ភ្នំពេញក្រោន ០-៣ ហើយក្នុងពានរង្វាន់សម្តេចតេជោ ហ៊ុន សែន បានត្រឹមស្មើអគ្គិសនីកម្ពុជា ១-១។

ចំណែកបឹតកេតធ្វើបានល្អមួយរយៈពេលចុងក្រោយនេះដោយបានឈ្នះក្រសួងការពារជាតិ ៣-២, ស្មើ ណាហ្គាវើលដ៍ ០-០, ឈ្នះ ភ្នំពេញក្រោន ២-១, ឈ្នះ វិសាខា ៣-២ និងស្មើ អង្គរថាយហ្គឺរ ០-០ ហើយក្នុងពានរង្វាន់សម្តេចតេជោ ហ៊ុន សែន បានឈ្នះកោះកុង អេហ្វស៊ី ០-២។

ថ្ងៃសៅរ៍ ទី២៧ ខែសីហា សប្តាហ៍នេះគឺជាការជួបគ្នាលើកទី៣នៅក្នុងលីគកំពូលកម្ពុជារដូវកាលនេះ ពីព្រោះគោលការណ៍ថ្មីនៃការប្រកួតលីគត្រូវធ្វើឡើង៣ដងទើបចប់វគ្គវិលជុំសន្សំពិន្ទុ។ បន្ទាប់មកក្រុមកំពូលទាំង៤ត្រូវប្រកួតខ្វែងគ្នាទៀតទើបរកក្រុមឡើងទៅប្រកួតវគ្គផ្តាច់ព្រ័ត្ររកជើងឯក៕

អត្ថបទ៖ វីរបុត្រ