Connect with us

ព័ត៌មានជាតិ

លោក ហោ ណាំបូរ៉ា ចំណាយពេលជាង៣០ឆ្នាំនៅក្នុងជីវិតតែលើកិច្ចការបរទេស​ និងការងារទូត

បានផុស

នៅ

លោក ហោ ណាំបូរ៉ា ជាអតីតឯកអគ្គរាជទូតខ្មែរមួយរូបដែលមានស្នាដៃបម្រើជាតិមាតុភូមិលើកិច្ចការទំនាក់ទំនងអន្តរ ជាតិ ដើម្បីផ្សារភ្ជាប់ទំនាក់ទំនងឲ្យកាន់តែល្អប្រសើរថែមទៀតរវាងប្រទេសកម្ពុជាជាមួយប្រទេសជាមិត្តនៅជុំវិញពិភព លោក។ លោក ធ្លាប់ធ្វើជាឯកអគ្គរាជទូត និងជាតំណាងរបស់កម្ពុជានៅបណ្ដាប្រទេសជាច្រើន ដោយលោកប្រើពេលប្រមាណ ៣២ឆ្នាំ សម្រាប់កិច្ចការបរទេស និងជាអ្នកការទូតរបស់កម្ពុជា។

តើលោក ហោ ណាំបូរ៉ា ធ្លាប់ធ្វើជាឯកអគ្គរាជទូតខ្មែរប្រចាំនៅប្រទេសណាខ្លះ? ខាងក្រោមនេះ «កម្ពុជាថ្មី» នឹងលើកបង្ហាញការងារជាឯកអគ្គរាជទូតខ្មែររបស់លោកដូចតទៅ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហោ ណាំបូរ៉ា កើតនៅថ្ងៃទី២៧ ខែកក្កដា ឆ្នាំ១៩៥៧។ លោក គឺជាកូនប្រុសទី២ របស់លោកឧបនាយករដ្ឋមន្ត្រី ហោ ណាំហុង អតីតរដ្ឋមន្ត្រីក្រសួងការបរទេស និសហប្រតិបត្តិការអន្តរជាតិនៃកម្ពុជា។ សម្រាប់កម្រិតវប្បធម៌ គឺនៅឆ្នាំ ១៩៧៤-១៩៧៦ លោក ទទួលបានសញ្ញាបត្រផ្នែកគណិតវិទ្យា និងរូបវិទ្យា នៅសាកលវិទ្យាល័យប៉ារីស ប្រទេសបារាំង និងទទួលបានសញ្ញាបត្របណ្ឌិតនៅវិទ្យាស្ថានទំនាក់ទំនងអន្តរជាតិ និងវិទ្យាសាស្ត្រនយោបាយនៃសាកលវិទ្យាល័យទី ក្រុងប៊ុយដាប៉េស ប្រទេសហុងគ្រី។

ចំពោះជីវិតការងាររបស់លោក ហោ ណាំបូរ៉ា គឺនៅចន្លោះឆ្នាំ១៩៨០-១៩៨៥ លោក ធ្វើការនៅសារមន្ទីរទួលស្លែង ជាអ្នកស្រាវជ្រាវ និងជានាយកគណៈកម្មាធិការសង្គ្រោះមនុស្សធម៌នៅកំពង់ផែកំពង់សោម ក្នុងឆ្នាំ១៩៨៦-១៩៨៧។ លុះនៅឆ្នាំ ១៩៨៨ លោក ចាប់ផ្ដើមបម្រើការងារនៅក្រសួងការបរទេសកម្ពុជា និងនៅឆ្នាំ១៩៩៤-១៩៩៥ ទទួលអាហារូបករណ៍ទៅអង្គការសហប្រជាជាតិ នៅទីក្រុងហ្សឺណែវ ប្រទេសស្វីស មុនពេលលោកក្លាយជាតំណាងអចិន្ត្រៃយ៍រងគណៈកម្មាធិការសេដ្ឋកិច្ច និងសង្គមរបស់អង្គការសហប្រជាជាតិសម្រាប់តំបន់អាស៊ីប៉ាស៊ីហ្វិក នៅប្រទេសថៃ ក្នុងឆ្នាំ១៩៩៥-១៩៩៦។

បន្ទាប់ពីការវិលត្រឡប់មកកម្ពុជាវិញ គឺនៅឆ្នាំ១៩៩៦-១៩៩៨ លោក ហោ ណាំបូរ៉ា កាន់មុខតំណែងជាអនុរដ្ឋលេខាធិការក្រសួងការបរទេស  និងជាទីប្រឹក្សាសម្ដេចតេជោនាយករដ្ឋមន្ត្រីនៃកម្ពុជា។  ក្រោយមកក្នុងឆ្នាំ១៩៩៩ តែងតែជាឯកអគ្គរាជកម្ពុជាប្រចាំប្រទេសអូស្រ្តាលី និងនូវែលហ្សេឡង់ និងនៅឆ្នាំ២០០៤ តែងតាំងជាឯកអគ្គរាជទូតកម្ពុជាប្រចាំចក្រភពអង់គ្លេស ដាណឺម៉ាក ហ្វាំងឡង់ អៀរឡង់ ន័រវេស និងស៊ុយអែត។ ក្នុងឆ្នាំ២០០៩ ក្រោយបញ្ចប់អាណត្តិការទូត លោក ត្រូវបានតែងតាំងជាទីប្រឹក្សារាជរដ្ឋាភិបាល ឋានៈស្មើរដ្ឋមន្ត្រី។ នៅក្នុងឆ្នាំ២០១១ លោក ត្រូវបានតែងតាំងជាបេសកជនពិសេសរបស់នាយករដ្ឋមន្ត្រីទទួលបន្ទុកយុទ្ធនាការលើកកម្ពស់បេក្ខភាពប្រទេសកម្ពុជានៅក្នុងក្រុមប្រឹក្សាសន្ដិសុខអង្គការសហប្រជាជាតិ និងតែងតាំងជាតំណាងអចិន្រ្តៃយ៍កម្ពុជាប្រចាំនៅសហភាពអាហ្វ្រិក។ នៅឆ្នាំ២០១៧ លោក ហោ ណាំបូរ៉ា ក៏ត្រូវបានតែងតាំងជាឯកអគ្គរាជទូតកម្ពុជាប្រចាំនៅសាធារណរដ្ឋឥណ្ឌូនេស៊ី ដោយចប់អាណត្តិការងារនៅខែមីនា ឆ្នាំ២០២០៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៨ នាទី មុន

មនុស្សស្លាប់គរជើងគ្នា ក្នុងវាយប្រហារភេរវកម្មដ៏រន្ធត់នៅផ្សារទំនើប រុស្ស៊ី

ព័ត៌មានជាតិ២០ នាទី មុន

កម្ពុជា ចូលរួមកិច្ចប្រជុំផែនការយុទ្ធសាស្ត្រ វប្បធម៌អាស៊ាន ក្រោយឆ្នាំ២០២៥

ព័ត៌មានជាតិ១១ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ១១ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១៤ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម