ព័ត៌មានជាតិ
ក្រសួងការងារប្រកាសពីការឈប់ថ្ងៃបុណ្យមានប្រាក់ឈ្នួលប្រចាំឆ្នាំ២០២៣
ក្រសួងការងារ និងបណ្តុះបណ្តាលវិជ្ជាជីវៈ បានប្រកាសពីការឈប់ថ្ងៃបុណ្យដែលមានប្រាក់ឈ្នួល ប្រចាំឆ្នាំ២០២៣ ទៅតាមប្រតិទិន។ ប៉ុន្តែរោងចក្រសហគ្រាសណា ដែលប្រញាប់ការងារ អាចរៀបចំបែងចែកឱ្យកម្មករនិយោជិត បានឈប់សម្រាកទៅតាមថ្ងៃបុណ្យនីមួយៗ ដោយផ្លាស់ប្ដូរគ្នា។
យោងតាមប្រកាសរបស់ក្រសួងការងារ និងបណ្តុះបណ្តាលវិជ្ជាជីវៈ ចុះថ្ងៃទី០៧កញ្ញា បានឱ្យដឹងថា សម្រាប់ថ្ងៃបុណ្យដែលអនុញ្ញាតឲ្យឈប់សម្រាករួមមាន ថ្ងៃចូលឆ្នាំសកល ១មករា ទិវាជ័យជម្នះ៧មករា ទិវានារីអន្តរជាតិ៨មីនា ទិវាពលកម្មអន្តរជាតិ ១ឧសភា ពិធីបុណ្យពិសាខបូជា ព្រះរាជពិធីច្រត់ព្រះនង្គ័ល ព្រះរាជពិធីបុណ្យចម្រើនព្រះជន្មព្រះមហាក្សត្រ ព្រះរាជពិធីបុណ្យចម្រើនព្រះជន្មសម្តេចម៉ែ ទិវាប្រកាសរដ្ឋធម្មនុញ្ញ ទិវាប្រារព្ធពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ នរោត្តម សីហនុ ព្រះរាជពិធីគ្រងព្រះបរមរាជសម្បត្តិរបស់ព្រះករុណា ព្រះសម្តេច ព្រះបរមនាថនរោត្តមសីហមុនីនិងពិធីបុណ្យឯករាជ្យជាតិដែលពិធីទាំងនេះត្រូវបានអនុញ្ញាតឲ្យឈប់សម្រាកចំនួន ១ថ្ងៃៗដូចគ្នា។
រីឯពិធីបុណ្យចូលឆ្នាំថ្មីប្រពៃណីជាតិ ពិធីបុណ្យភ្ជុំបិណ្ឌ និងព្រះរាជពិធីបុណ្យអុំទូកបណ្តែតប្រទីប និងសំពះព្រះខែ អកអំបុក អនុញ្ញាតឱ្យឈប់សម្រាកចំនួន៣ថ្ងៃៗ។
ក្រសួងការងារបានបន្តថា ចំពោះរោងចក្រសហគ្រាសទាំងឡាយណា ដែលមានកម្មវត្ថុអាជីវកម្មមានចរិតលក្ខណៈសកលត្រូវប្រព្រឹត្តទៅជាប្រចាំនឹងមិនអាចបញ្ឈប់សកម្មភាពបានហើយការឈប់សម្រាកបុណ្យនៃកម្មករនិយោជិតទាំងអស់ព្រមគ្នាក្នុងពេលតែមួយនាំឱ្យខូចប្រយោជន៍ដល់សាធារណជនឬក៏ធ្វើឱ្យខូចដំណើរការរបស់រោងចក្រសហគ្រាសនោះម្ចាស់ឬនាយករោងចក្រសហគ្រាស ត្រូវរៀបចំបែងចែកឱ្យកម្មករនិយោជិតបានឈប់សម្រាកទៅតាមថ្ងៃបុណ្យនីមួយៗដោយផ្លាស់ប្ដូរគ្នា។
ក្នុងករណីមានការព្រមព្រៀងគ្នារវាងកម្មករនិយោជិតសាមីនិងនិយោជក ឬមានចែងនៅក្នុងបទបញ្ជាផ្ទៃក្នុងរបស់រោងចក្រសហគ្រាសឬអនុសញ្ញារួមការឈប់សម្រាករបស់កម្មករនិយោជិតអាចប្រព្រឹត្តិទៅនៅពេលណាមួយផ្សេងទៀតដែលខុសពីថ្ងៃឈប់សម្រាកបុណ្យដូចមានកំណត់ក្នុងប្រកាសនេះ ម្ចាស់ឬនាយករោងចក្រសហគ្រាសត្រូវរៀបចំបញ្ជីឈ្មោះកម្មករនិយោជិតដែលត្រូវផ្លាស់ប្ដូរគ្នាឈប់សម្រាកទៅថ្ងៃបុណ្យទីមួយ ហើយរក្សាទុកទាបប្រចាំសម្រាប់ការត្រួតពិនិត្យរបស់អធិការការងារ។
ក្រសួងបានបន្តទៀតថា ក្នុងអំឡុងពេលនៃការឈប់សម្រាកដោយផ្លាស់ប្ដូរគ្នាម្ចាស់ឬនាយករោងចក្រសហគ្រាសអាចប្រើប្រាស់កម្មករនិយោជិតផ្សេងជាបណ្ដោះអាសន្នមកជំនួសកម្មករនិយោជិតដែលបានឈប់សម្រាក។
សូមបញ្ជាក់ថា រាជរដ្ឋាភិបាលបានកាត់បន្ថយថ្ងៃឈប់សម្រាកការងារ ចំនួន២៨ថ្ងៃមក២១ថ្ងៃវិញទទួលបានការសាទរពីវិនិយោគិនយ៉ាងខ្លាំងព្រោះបានជួយលើកកម្ពស់ដល់ភាពប្រកួតប្រជែងរបស់កម្ពុជាឲ្យកាន់តែប្រសើរឡើងថែមទៀតពិសេសវិស័យវាយនភណ្ឌ កាត់ដេរផលិតស្បែកជើង ផលិតផលិតផលធ្វើដំណើរនិងកាបូប។
ថ្ងៃឈប់សម្រាក ត្រូវបានកាត់ចេញពីប្រតិទិនរួមមានបុណ្យមាឃបូជា ទិវាជាតិនៃការចងចាំ ទិវាកុមារអន្តរជាតិ ទិវារំលឹកខួបនៃកិច្ចព្រមព្រៀងសន្តិភាពទីក្រុងប៉ារីស ទិវាសិទ្ធិមនុស្ស ១០ធ្នូនិង២ថ្ងៃទៀតកាត់ចេញពីព្រះរាជពិធីបុណ្យចម្រើនព្រះជន្មព្រះមហាក្សត្រខ្មែរ៣ថ្ងៃមកនៅមួយថ្ងៃវិញ៕ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត