ព័ត៌មានជាតិ
សម្ដេចតេជោ អំពាវនាវពលរដ្ឋបន្តការពារកុំឲ្យមានការឆ្លងរាលដាលកូវីដ ក្នុងឱកាសបុណ្យភ្ជុំបិណ្ឌ
តាមរយៈសារជាសំឡេងពិសេស នៅថ្ងៃទី ១២ ខែកញ្ញានេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបន្តអំពាវនាវដល់ព្រះតេគុណ ព្រះសង្ឃគ្រប់អង្គ នៅតាមទីវត្តអារាមនានា ជាពិសេសព្រះចៅអធិការវត្តនីមួយៗ ក៏ដូចជាប្រជាពលរដ្ឋដែលទៅធ្វើបុណ្យទាន ត្រូវបន្តវិធានការសុខាភិបាល ហើយយកចិត្តទុកដាក់ទៅលើការការពារ កុំឲ្យមានការរីករាលដាលជំងឺកូវីដ-១៩ នៅតាមទីវត្តអារាម ហើយដែលនាំពីទីវត្តអារាម មកកាន់លំនៅដ្ឋានវិញ។
សម្ដេចតេជោ ហ៊ុន សែន បានថ្លែងបញ្ជាក់ថា «ចំណុចនេះ គឺត្រូវយកចិត្តទុកដាក់ទាំងអស់គ្នា ទាំងព្រះសង្ឃ ទាំងគ្រហស្ដ និងទាំងគ្រប់មជ្ឈដ្ឋាន ដែលបានពាក់ព័ន្ធជាមួយនឹងដំណើរការសង្គម-សេដ្ឋកិច្ច និងដំណើរការជាធម្មតារបស់ប្រជាពលរដ្ឋ»។
សម្ដេចតេជោនាយករដ្ឋមន្ត្រី សង្ឃឹមថា ប្រជាពលរដ្ឋនឹងមានការយោគយល់ និងចេះការពារខ្លួន ហើយតាមទីវត្តអារាមនានា នឹងរៀបចំបានល្អចំពោះទប់ស្កាត់ការឆ្លងរាលដាលជំងឺកូវីដ-១៩ ដើម្បីចៀសការកក្រើកឡើងវិញនៃជំងឺកូវីដ-១៩ ក្នុងឱកាសពិធីបុណ្យនៃបុណ្យកាន់បិណ្ឌ និងភ្ជុំបិណ្ឌឆ្នាំនេះ។
សម្ដេចតេជោ ហ៊ុន សែន បានលើកឡើងទៀតថា ការបន្តអនុវត្តវិធានការ ៣កុំ ៣ការពារ នៅតែសំខាន់ ជាពិសេស ៣ការពារ គឺត្រូវពាក់ម៉ាស់ លាងដៃ និងរក្សាគម្លាត ដែលនៅតែជាវិធានការល្អ សម្រាប់យើងទាំងអស់គ្នា។ ជាមួយគ្នានេះ សម្ដេចតេជោ ហ៊ុន សែន ក៏បានអំពាវនាវដល់ប្រជាពលរដ្ឋ ដែលមិនទាន់ចាក់វ៉ាក់សាំងដូសជំរុញ សូមអញ្ជើញទៅទទួលវ៉ាក់សាំងឲ្យបានគ្រប់ៗគ្នា៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង