Connect with us

ព័ត៌មានជាតិ

ប្រជាពលរដ្ឋសង្កាត់ចាក់អង្រែសប្បាយចិត្តពេល​អាជ្ញាធរជួសជុល​ផ្លូវជាតិលេខ២

បានផុស

នៅ

ប្រជាពលរដ្ឋរស់នៅសង្កាត់ចាក់អង្រែលើ និងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញដែលមានលំនៅឋានអមសង្ខាងផ្លូវជាតិលេខ២បានសម្ដែងនូវក្តីរីករាយ ខណៈក្រសួងសាធារណការ និងអាជ្ញាធររាជធានីភ្នំពេញបានធ្វើការជួសជុលផ្លូវជាតិលេខ២ដែលកំពុងរងការខូចខាតស្ទើរទាំងស្រុងមកនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គឿន ថាន់ រស់នៅសង្កាត់ចាក់អង្រែលើបានឲ្យដឹងថា ពួកគាត់សប្បាយចិត្ត ខណៈដែលអាជ្ញាធរបានធ្វើការជួសជុលផ្លូវដែលធ្លាប់តែរងការខូចខាតអស់រយៈពេលជិត៤ឆ្នាំមកហើយ។ ហើយថាការជួសជុលពុំមែនមានតែពេលនេះទេគឺកើតឡើងជាច្រើនលើកច្រើនសារមកហើយប៉ុន្តែដូចជាគ្មានគុណភាពសោះ។

ម្យ៉ាងទៀតការខូចខាតផ្លូវជាតិលេខ២នេះគឺចាប់ផ្តើមដេប៉ូខ្សាច់កកើតឡើងប្រមាណជា៧​ទីតាំងស្ថិតក្នុងសង្កាត់ចាក់អង្រែក្រោម៤ និងចាក់អង្រែលើ៣រួចមក។

បើតាមការបញ្ជាក់ពីលោក កែវ សាវឿន ចៅសង្កាត់ចាក់អង្រែលើបាននិយាយប្រាប់កម្ពុជាថ្មីនៅព្រឹកថ្ងៃទី ១៣ ខែសីហានេះថា តាងនាមឲ្យប្រជាពលរដ្ឋសង្កាត់ចាក់អង្រែលើ លោកមានក្តីត្រេកអរព្រោះត្រូវបានសាលារាជធានីភ្នំពេញធ្វើការជួសជុលចាក់ក្រាលកៅស៊ូបានយ៉ាងល្អខណៈដែលផ្លូវជាតិនេះរងការខូចខាតជាច្រើនឆ្នាំមកនោះ។ ហើយអ្វីដែលប្រជាពលរដ្ឋសប្បាយចិត្តដោយសារតែការជួសជុលគឺចំពេលដែលប្រជាពលរដ្ឋលោកធ្វើដំណើរទៅការទីអារាមធ្វើបុណ្យកាន់បិណ្ឌ។

ចំពោះសង្កាត់ចាក់អង្រែក្រោមវិញលោក ជា សុខៃ ជាចៅសង្កាត់ក៏សំដែងនូវក្តីរីករាយដូចគ្នានឹងប្រជាពលរដ្ឋរស់នៅក្នុងសង្កាត់ចាក់អង្រែលើផងដែរ៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម