ព័ត៌មានជាតិ

ប្រមុខការពារជាតិកម្ពុជា-ឡាវ ប្តេជ្ញារួមគ្នាលើកកម្ពស់ភាពជាដៃគូយុទ្ធសាស្ត្រគ្រប់ជ្រុងជ្រោយ

បានផុស

៤ years មុន

នៅ

ថ្ងៃព្រហស្បតិ៍ ១៥ កញ្ញា ២០២២

ដោយ

នៅក្នុងជំនួបទ្វេភាគី កាលពីថ្ងៃទី១៤ ខែកញ្ញា ឆ្នាំ២០២២ សម្ដេចពិជ័យសេនា ទៀ បាញ់ រដ្ឋមន្ត្រីក្រសួងការពាជាតិកម្ពុជា និងលោក ចាន់សាម៉ន ចាន់ញ៉ាឡាត រដ្ឋមន្ត្រីក្រសួងការពារជាតិឡាវ បានប្តេជ្ញារួមគ្នាលើកកម្ពស់ទំនាក់ទំនងប្រទេសទាំងពីរឲ្យដល់កម្រិតភាពជាដៃគូយុទ្ធសាស្ត្រគ្រប់ជ្រុងជ្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រមុខការពារជាតិទាំងពីរ លើកឡើងថា ការលើកកម្ពស់ទំនាក់ទំនងកងទ័ពប្រទេសទាំងពីរ កម្ពុជា-ឡាវ ឲ្យដល់កម្រិតភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែង គឺដើម្បីពង្រឹងពង្រីកចំណងមិត្តភាព សាមគ្គីភាព និងកិច្ចសហប្រតិបត្តិការឲ្យកាន់ល្អប្រសើរឡើងលើវិស័យការពារជាតិនៃប្រទេសទាំងពីរ។ តាមរយៈទំនាក់ទំនងជាប្រពៃណី និងភាពអ្នកជិតខាងល្អនេះ ភាគីទាំងពីរ ក៏បានប្ដេជ្ញាបន្តគាំទ្រគ្នាទៅវិញទៅមកក្នុងក្របខណ្ឌទ្វេភាគី និងពហុភាគី ទាំងនៅក្នុងកិច្ចការតំបន់ និងអន្តរជាតិ។

នៅក្នុងឱកាសនោះដែរ ភាគីទាំងពីរ ក៏បានចុះហត្ថលេខាលើពិធីសារស្ដីពី កិច្ចសហប្រតិបត្តិការរវាងក្រសួងការពារជាតិនៃប្រទេសទាំងពីរ កម្ពុជា-ឡាវ ផងដែរ។

គួរជម្រាបថា កាលពីថ្ងៃទី១៣ ខែកញ្ញា ឆ្នាំ២០២២ សម្តេចពិជ័យសេនា ទៀ បាញ់ រដ្ឋមន្រ្តីក្រសួងការពារជាតិ បានដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំរដ្ឋមន្ត្រីការពារជាតិ ៣ប្រទេស កម្ពុជា វៀតណាម ឡាវ ដែលកិច្ចប្រជុំនេះបានប្រព្រឹត្តទៅនៅប្រទេសឡាវ។ អំឡុងពេលបំពេញការងារនៅប្រទេសឡាវនេះ សម្តេចពិជ័យសេនា ទៀ បាញ់ បានជួបពិភាក្សាការងារជាមួយលោក ចាន់សាម៉ន ចាន់ញ៉ាឡាត ឧបនាយករដ្ឋមន្រ្តី និងជារដ្ឋមន្រ្តីការពារជាតិឡាវ និងលោក ថងលុន ស៊ីសុលីត ប្រមុខរដ្ឋឡាវ។ បន្ទាប់មក សម្ដេច ទៀ បាញ់ នឹងចូលរួមក្នុងពិធីបើក និងទស្សនាការសម្ដែងលំហាត់ហ្វឹកហ្វឺនសង្គ្រោះគ្រោះមហន្តរាយរួមគ្នា ៣ប្រទេសកម្ពុជា ឡាវ វៀតណាម៕