ព័ត៌មានជាតិ

នាយករដ្ឋមន្ត្រីខ្មែរ អរគុណ លោក ប្រាយុទ្ធ ចាន់អូចា ដែលយកចិត្តទុកដាក់ថែទាំដល់ពលករខ្មែរ

បានផុស

៦ years មុន

នៅ

ថ្ងៃអង្គារ ២៩ ធ្នូ ២០២០

ដោយ

សម្តេចនាយករដ្ឋមន្ត្រី ហ៊ុន សែន បានថ្លែងអំណរគុណចំពោះ លោកប្រាយុទ្ធចាន់អូចា នាយករដ្ឋមន្ត្រីនៃព្រះរាជាណាចក្រថៃដែលបានយកចិត្តទុកដាក់ ក្នុងការថែទាំដល់ពលករខ្មែរបានយ៉ាងល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងតាមរយៈសារពិសេសនៅព្រឹកថ្ងៃនេះ សម្តេចបានបន្តថា នេះគឺជាចំណុចដ៏ល្អមួយជាប្រទេសជិតខាង ដោយមិនមានការរើសអើងដល់ពលករខ្មែរ និងអនុញ្ញាតឲ្យពលករខ្មែរ ដែលមិនស្របច្បាប់ឲ្យប័ណ្ណបន្តការងារបន្តទៀត នៅប្រទេសថៃ ដែលបានជួយលើកស្ទួយដល់សេដ្ឋកិច្ចថៃ ក៏ដូចជាជួយឲ្យពលករខ្មែរទទួលបានប្រាក់ចំណូល ផងដែរ។

សម្តេចបានបន្តថា ចាប់ពីថ្ងៃទី២០រហូតមកដល់ពេលនេះ មានពលករខ្មែរគេចមកពីថៃកំពុងធ្វើចត្តាឡីស័កតាមព្រំដែន មានប្រមាណជិត២ពាន់នាក់។ សម្តេចបានណែនាំឲ្យអាជ្ញាធរខេត្តតាមព្រំដែនត្រូវផ្តល់កន្ទេល ខ្នើយ ភួយ មុងនិងផ្គត់ផ្គង់ម្ហូបអាហារដល់ពួកគាត់ឲ្យបានគ្រប់គ្រាន់៕

អត្ថបទ៖ សំអឿន