ប្រកាសបញ្ចូលសមាជិកគណបក្សប្រជាជនកម្ពុជាថ្មីចំនួន១០០នាក់ នៅខេត្តកំពង់ឆ្នាំង

កំពង់ឆ្នាំងៈសិស្សនុសិស្សមកពីវិទ្យាល័យព្រះបាទសុរាម្រឹតក្រុងកំពង់ឆ្នាំងចំនួន១០០នាក់ បានស្ម័គ្រចិត្តចូលជា​សមាជិកគណ បក្សប្រជាជនកម្ពុជា។ ពិធីប្រកាសបញ្ចូលសមាជិក សមាជិកាថ្មីនេះបានធ្វើឡើង នៅថ្ងៃទី១៧ខែកញ្ញា ឆ្នាំ២០២២ នៅក្នុងទីស្នាក់ការគណ បក្សប្រជាជនកម្ពុជាខេត្តកំពង់ឆ្នាំង   ក្រោមអធិបតីភាពលោក ស៊ុន សុវណ្ណារិទ្ធិប្រធានគណៈកម្មាធិការគណបក្សប្រជាជនកម្ពុជាខេត្តកំពង់ឆ្នាំង។

បន្ទាប់មកតំណាងសមាជិកថ្មីបានឡើងធ្វើការប្តេជ្ញា ចិត្តដូចតទៅ ១. ខិតខំអភិវឌ្ឍន៍អប់រំសមត្ថភាពខ្លួនអោយក្លាយទៅ​ជាកំលាំងពិតរបស់​គណបក្សប្រជាជនកម្ពុជា​ និងប្រ ទេសជាតិ  ២.សាមគ្គីភាពផ្ទៃក្នុងបក្សអោយបានល្អនិងទំនាកទំនង​ល្អជាមួយមជ្ឈដ្ឋាននានា​ក្នុងសង្គមដើម្បីពង្រឹងកិត្យានុភាពរបស់គណ បក្ស,៣.គាំទ្របេក្ខភាព ឯកឧត្តម បណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្រ្តីនាពេលអនាគត ដើ ម្បីដឹកនាំ កម្ពុជាអោយមានសុខសន្តិភាពនិងការអភិវឌ្ឍ​ទទួលបាននូវសមិទ្ធផលថ្មីៗបន្ថែមទៀត។

មានប្រសាសន៍សំណេះសំណាលក្នុងឱកាសនោះ​ លោក  ស៊ុន សុ វណ្ណារិទ្ធិ បានថែ្លងថា ក្មួយៗទាំងអស់ពិតជាបានយល់ច្បាស់ពីគោលនយោបាយការដឹកនាំរបស់គណ បក្សប្រជាជនកម្ពុជា គឺធ្វើអ្វីៗទាំង អស់ដើម្បីប្រទេសជាតិ  និងដើម្បីប្រជាជន  ដែលកន្លងមកគ្រប់អាណត្តិគណបក្សប្រជាជនកម្ពុជា ត្រូវបានប្រជាជនបានបោះឆ្នោតគាំទ្រជានិច្ច  ហើយក្រោមការដឹកនាំរបស់រាជរដ្ឋាភិបាល ដែលមានថ្នាក់ដឹកនាំជាមន្ត្រីរបស់គណបក្សប្រជាជន បានធ្វើឱ្យប្រទេសជាតិ មានសុខសន្តិភាព និងការអភិវឌ្ឍរីកចំរើនលើគ្រប់វិស័យ។

លោក ស៊ុន សុវណ្ណារិទ្ធិបានមានប្រសាសន៍បន្តទៀតថា គណបក្សប្រជាជនកម្ពុជា គឺជាគណបក្សតែមួយគត់ ដែលបានរំដោះប្រទេសជាតិ ប្រជាជនឱ្យរួចផុតពីរបបប្រល័យពូជសាសន៍ ប៉ុល ពត។ គណបក្សប្រជាជនបានយកវប្បធម៌សន្ទនាចរចាស្វែងរកសន្តិភាពជាមួយ សម្តេច សីហនុ និងជាអ្នកយាង សម្តេច សីហនុ  ចូលប្រទេស គ្រងរាជសម្បត្តិឡើងវិញ។

លោក ស៊ុន សុវណ្ណារិទ្ធិ ក៏បានផ្តាំផ្ញើដល់សមាជិកបក្សទាំងអស់ ត្រូវរឹតចំណងសាមគ្គីផ្ទៃក្នុងបក្សឱ្យបានរឹងមាំត្រូវចូលរួមផ្សព្វ ផ្សាយគោលនយោបាយរបស់គណបក្សប្រជាជនកម្ពុជាអោយបានទូលំទូលាយដល់ប្រជាពលរដ្ឋនៅក្នុងមូលដ្ឋាន  ដើម្បីឱ្យពួកគាត់បានយល់ច្បាស់  និងចូលរួមគាំទ្របោះឆ្នោតគាំទ្រគណបក្សប្រ ជាជនកម្ពុជា ក្នុងពេលបោះឆ្នោតជ្រើសរើសតំណាងរាស្រ្តអាណតិ្តទី៧ឆ្នាំ២០២៣ខាងមុខនេះអោយទទួលបានជោគជ័យ៕

អត្ថបទ៖ ឈៀង ថារិទ្ធ