ព័ត៌មានជាតិ
សម្ដេចតេជោ ៖ គណបក្សប្រជាជនកម្ពុជា បានអនុវត្តយ៉ាងត្រឹមត្រូវ នូវគោលនយោបាយជាតិសាសន៍ និងសាសនា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា គណបក្សប្រជាជនកម្ពុជា បានអនុវត្តយ៉ាងត្រឹមត្រូវ នូវគោលនយោបាយសុដុមជាតិសាសន៍ និងសាសនា ដែលផ្ដល់ឱកាសដល់គ្រប់សាសនាទាំងអស់ អាចរួមរស់នៅជាមួយបាន។
សម្ដេចតេជោ ហ៊ុន សែន មានប្រសាសន៍ក្នុង «វេទិកាជាតិអន្តរសាសនាប្រឆាំងការជួញដូរមនុស្សលើកទី៦» ក្រោមប្រធានបទ “សូមកុំយកកម្ពុជា ធ្វើជាគោលដៅប្រព្រឹត្តអំពើជួញដូរមនុស្ស” នាព្រឹកថ្ងៃទី ២៩ ខែកញ្ញានេះថា ថ្ងៃនេះយើងសង្កេតឃើញនូវវត្តមាននៃគ្រប់សាសនាធំៗនៅកម្ពុជា ដែលរួមមាន៖ ព្រះពុទ្ធសាសនា, ឥស្លាមសាសនា, និងគ្រិស្ដសាសនា អង្គុយជាមួយគ្នា។
សម្ដេចតេជោនាយករដ្ឋមន្ត្រី មានប្រសាសន៍បន្តថា គណបក្សប្រជាជនកម្ពុជា តែងតែអនុវត្តយ៉ាងត្រឹមត្រូវនូវគោលនយោបាយសុដុមជាតិសាសន៍ និងសាសនា ដែលផ្ដល់ឱកាសដល់គ្រប់សាសនាទាំងអស់ អាចរួមរស់នៅជាមួយបាន។
សម្ដេចតេជោ បន្ថែមថា «គណបក្សប្រជាជន តាំងពីដើមរហូតដល់ចប់ អនុវត្តយ៉ាងត្រឹមត្រូវនូវគោលនយោបាយ ក្នុងជាតិសាសន៍ និងសាសនា ដែលផ្ដល់ឱកាសឲ្យគ្រប់សាសនាទាំងអស់ អាចរួមរស់នៅជាមួយគ្នា ដោយមានគោលដៅឆ្ពោះទៅមុខទាំងអស់គ្នា»។
ប្រមុខរាជរដ្ឋាភិបាល បានលើកឡើងថា ការខុសគ្នានៃជាតិសាសន៍ និងសាសនា មិនមែនជាឧបសគ្គរារាំងនូវដំណើរការអភិវឌ្ឍប្រទេសជាតិ នោះទេ ដែលនេះជាអ្វីដែលកំពុងកើតមាននៅក្នុងប្រទេសកម្ពុជា ខណៈប្រទេសខ្លះដែលគេចាត់ទុក ថា ប្រទេសគោរពសិទ្ធិមនុស្ស និងលទ្ធិប្រជាធិបតេយ្យ គ្រាន់តែការជួបមុខសាសនាមួយ និងសាសនាមួយទៀត អាចមានការប្រើហិង្សាដាក់គ្នា។ ប៉ុន្តែសម្រាប់កម្ពុជា មិនមានបញ្ហាដូចបណ្ដាប្រទេសទាំងនោះឡើយ៕
អត្ថបទ៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?