ព័ត៌មានជាតិ
រាជរដ្ឋាភិបាលផ្តល់ស្រូវពូជជិត ១ម៉ឺនគីឡូក្រាម ដល់ពលរដ្ឋស្រុកប្រាសាទសំបូរ
កំពង់ធំ៖ រាជរដ្ឋាភិបាល បានផ្តល់ស្រូវពូជ ប្រមាណជិត ១ម៉ឺនគីឡូ ដល់ពលរដ្ឋ ឃុំឈូកឃុំ គោល ឃុំសំបូរ ឃុំស្រើង ឃុំតាំង ក្រសៅ ស្រុកសំបូរ នៅខេត្តកំពង់ធំ ចំនួន ១,៤២៦ គ្រួសារ ដោយអនុវត្តតាមបទបញ្ជារបស់សម្តេចតេជោ ដើម្បីជួយស្តារជីវភាពរបស់ប្រជាពលរដ្ឋរង គ្រោះដោយទឹកជំនន់ឡើងវិញ នាព្រឹកថ្ងៃទី ១៦ ខែតុលា ឆ្នាំ ២០២២។
ថ្លែងក្នុងពិធីនេះ លោកទេសរដ្ឋមន្ត្រី គន់ គីម ប្រធានគណៈកម្មាធិការជាតិគ្រប់គ្រងគ្រោះមហន្តរាយ បានពាំនាំប្រសាសន៍សម្តេចជោ សួរសុខទុក្ខដល់ប្រជាពលរដ្ឋដែលរងគ្រោះដល់ទឹកជំនន់ទាំងអស់ នៅក្នុងមូលដ្ឋាននេះ។
លោកទេសរដ្ឋមន្ត្រីក៏បានកោតសរសើរដល់សកម្មភាពសស្រាក់សស្រាំ កន្លងមករបស់អាជ្ញាធរខេត្ត ស្រុក ឃុំនិងភូមិក្នុងការងារជួយប្រជាពលរដ្ឋពេលទឹកលិចកន្លងមក ស្នើដល់មេឃុំដែលបាន ទទួលទំនុកចិត្តពីប្រជាពលរដ្ឋនាពេលបោះឆ្នោតកន្លងមក សូមបន្តបម្រើដល់ប្រជាពលរដ្ឋដោយមិនប្រកាន់និន្នាការ ថាមកពីបក្សនយោបាយណាទេ ដរាបណាពួកគាត់រងគ្រោះដោយទឹកជំនន់ និងមានតម្រូវការជាក់ស្តែង ដោយលោកបានសង្កត់ធ្ងន់ទៀតថា មេឃុំនេះគឺ ជាមេឃុំរបស់ប្រជាពលរដ្ឋ ត្រូវបម្រើប្រជាពលរដ្ឋ ដើម្បីតបស្នងចំពោះទំនុកចិត្តដែលប្រជាពលរដ្ឋបានផ្តល់ជូន។
លោកទេសរដ្ឋមន្ត្រី គន់ គីម ក៏បានស្នើឱ្យអាជ្ញាធរ ខេត្ត ស្រុក ឃុំ សហការនឹងក្រសួងស្ថាប័នជំនាញ ពាក់ព័ន្ធបន្តចុះវាយតម្លៃតម្រូវការដើម្បីដាក់ចេញនូវសកម្មភាពជាក់ស្តែង ពេលទឹកកំពង់បន្តស្រក ជាបន្ត បន្ទាប់ដែលទិសដៅយុទ្ធសាស្ត្រអាទិភាពចំបងដាក់ចេញដោយសម្តេចតេជោ ហ៊ុន សែន ក្នុងការស្តារ ជីវភាព ប្រជាពលរដ្ឋរងគ្រោះឡើងវិញបន្ទាន់។ ក្រៅពីនេះ ការងារអនាម័យសំអាតបរិស្ថានក្នុងសហគមន៍ ក្នុងពេលទឹកកំពុងស្រក និងក្រោយពីទឹកស្រកក៏ជាការងារអាទិភាពផងដែរដែលលោកទេសរដ្ឋមន្ត្រី បាន ស្នើដល់អាជ្ញាធរពាក់ព័ន្ធនិងសហគមន៍ចូលរួមអនុវត្តដើម្បីការពារជំងឺដង្កាត់នានាបង្កដោយបរិស្ថានមិនស្អាត។
លោក ងិន ឆាយ ប្រតិភូរាជរដ្ឋាភិបាល កម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្មពីក្រសួងកសិកម្ម រុក្ខាប្រមាញ់និងនេសាទ បានការណែនាំពីបច្ចេកទេសដាំដុះសំខាន់ៗ ដូចជាការការរៀបចំដី និងការប្រើប្រាស់គ្រាប់ពូជស្រូវឱ្យបាន ត្រឹមត្រូវតាមបច្ចេកទេសដើម្បី អាចដាំ ដុះឡើងវិញបានទាន់ពេលវេលា និងបានទិន្នផលខ្ពស់៕
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ