លោក គួច ចំរើន ណែនាំពលរដ្ឋកុំជឿការឃោសនារបស់ក្រុមក្រៅច្បាប់ទាក់ទិនថ្ងៃទី ៤​ មករា

លោក គួច ចំរើន ប្រធានគណៈកម្មការសាខាកាកបាទក្រហមកម្ពុជាខេត្តព្រះសីហនុបានសំណូមពរប្រជពលរដ្ឋ កុំឱ្យជឿការឃោសនារបស់ក្រុមក្រៅច្បាប់ដែលបានឃោសនាឱ្យប្រជាពលរដ្ឋត្រៀមទទួលនៅថ្ងៃទី៤ ខែមករា ឆ្នាំ
២០២១ខាងមុខ។

ការណែនាំនេះបានធ្វើឡើងនៅព្រឹកថ្ងៃទី០១ ខែមករា ឆ្នាំ ២០២១ នៅក្នុងឱកាសដែលលោកបានអញ្ជើញសំណេះសំណាលសួរសុខទុក្ខនិងនាំយកអំណោយចែកជូនប្រជាពលរដ្ឋងាយរងគ្រោះ និងមន្ត្រីចូលនិវត្តន៍សរុបចំនួន ១៣៩ គ្រួសារនៅសាលាស្រុកស្ទឹងហាវ ខេត្តព្រះសីហនុ។

លោកអភិបាលខេត្តព្រះ សីហនុបានបន្តថា«សកម្មភាពនេះជាការបោកប្រាស់ព្រោះអ្នកទាំងនោះ ជាអ្នកមានទោសតាមសាលដីការតុលាការ រាជធានី ខេត្ តប្រសិនបើពួកគាត់ចូលមកកម្ពុជាគឺត្រូវជួបបញ្ហាប្រឈមពីរគឺទី១ ​ត្រូវធ្វើចក្តាឡីស័ករយ:ពេល ១៤ ថ្ងៃជាមុនសិន និងទី២ អនុវត្តវិធានការច្បាប់ (ជនមានទោស) ពីបទញុះញង់ចង់ផ្តួលរំលំរាជរដ្ឋាភិបាល»។

លោកបានបន្ថែមថារាជរដ្ឋាភិបាលបានប្តេជ្ញាការពាសន្តិភាពព្រោះកម្ពុជាមានការឈឺចាប់ដោយសារសង្គ្រាមនិងការបំផ្លិចបំផ្លាញខឿនសេដ្ឋកិច្ចជាតិជាយូរឆ្នាំមកហើយ។

គួរបញ្ជាក់ថាតាមគម្រោង លោកស្រី មួរ សុខហួ ដែលជាអតីតអនុប្រធានគណបក្សសង្គ្រោះជាតិគ្រោងនឹងចូលមកប្រទេសកម្ពុជានៅថ្ងៃទី៤ ខែមករា ឆ្នាំ២០២១ ដើម្បីតតាំងជាមួយតុលាការ។ ប៉ុន្តែអ្នកវិភាគមួយចំនួនបានលើកឡើងថាការប្រកាសចូលស្រុករបស់អ្នកប្រឆាំងនេះមានសង្ឃឹមតិចតួចជាទីបំផុត៕

អត្ថបទ៖ សំអឿន

ចុចអាន៖ ទេសចរ​ខេត្ដព្រសីហនុ កើន​ឡើង​២៣​% ជាង​៣​ម៉ឺន​នាក់ ក្រោយ​ជំងឺ​កូវីដ​អន់ថយ