ព័ត៌មានជាតិ
លោកស្រី ឱ វណ្ណឌីន អំពាវនាវឱ្យពលរដ្ឋបន្តអនុវត្តវិធានការការពារខ្លួន និងចាក់ដូសជំរុញដើម្បីបញ្ចៀសការផ្ទុះជំងឺកូវីដឡើងវិញ
លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសបានអំពាវនាវដល់ប្រជាពលរដ្ឋឱ្យបន្តអនុវត្តវិធានការការពារខ្លួនឱ្យបានខ្ជាប់ខ្ជួន និងចាក់ដូសជំរុញឱ្យបានគ្រប់ៗគ្នា ដើម្បីបញ្ចៀសការផ្ទុះជំងឺកូវីដ១៩ លក្ខណៈទ្រង់ទ្រាយធំឡើងវិញដែលធ្វើឱ្យប៉ះពាល់ដល់ដំណើរការការស្តារសេដ្ឋកិច្ច។
ថ្លែងប្រាប់អ្នកសារព័ត៍មានក្រោយពិធីចុះហត្ថលេខាលើអនុស្សរណៈនៃការយោគយល់គ្នារវាងគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និងធនាគារជាតិនៃកម្ពុជាស្តីពី “កិច្ចសហប្រតិបត្តិការក្នុងការប្រើប្រាស់តំណភ្ជាប់សម្រាប់ស្វែងរកមើលព័ត៌មានចាក់វ៉ាក់សាំងកូវីដ-១៩ របស់សាមីបុគ្គលតាមរយៈប្រព័ន្ធបាគង ”កាលពីថ្ងៃទី២១តុលា លោកស្រីបានមានប្រសាសន៍ថា «បើទោះបីជាអត្រាចាក់វ៉ាក់សាំងមានកំណើនជាង៩៥ភាគរយក្តី ក៏ខ្ញុំសូមអំពាវនាវហើយអំពាវនាវទៀតឱ្យប្រជាពលរដ្ឋចូលរួមបន្តអនុវត្តវិធានការការពារខ្លួនឱ្យបានខ្ជាប់ខ្ជួនជាទីបំផុតព្រោះថាជំងឺកូវីដ១៩នៅមិនទាន់ទៅណាឆ្ងាយពីខ្លួនយើងនៅឡើយទេ ហើយសព្វថ្ងៃនេះមេរោគនេះបានបំប្លែងខ្លួនយ៉ាងច្រើនស្ទើរតែមិនអាចរាប់បានទៅទៀត។ អីចឹងទេសូមបងប្អូនបន្តចាក់វ៉ាក់សាំងដូសជំរុញយ៉ាងហោចណាស់ចាក់ឱ្យបានដូសទី៤ និងទី៥ឱ្យបានគ្រប់ៗគ្នាដើម្បីពង្រឹងភាពស៊ាំក្នុងខ្លួនរបស់យើងឱ្យបានករឹងមាំ»។
លោកស្រីបានបន្តទៀតថា វ៉ាក់សាំងមិនបានការពារយើងបានយូរនោះទេ។ ដូចនេះប្រសិនបើយើងធ្វេសសប្រហែសប្រព័ន្ធភាពស៊ាំក្នុងខ្លួនយើងនឹងធ្លាក់ចុះហើយបើការណាភាពស៊ាំបុគ្គលម្នាក់ៗធ្លាក់ចុះមិនយូរមិនឆាប់ភាពស៊ាំរបស់សហគមន៍ក៏មានការធ្លាក់ចុះទៅតាមនឹងផងដែរហើយធ្វើឱ្យជំងឺកូវីដ១៩មានការសប្បាយចិត្តអាចធ្វើចរាចរណ៍ដោយសេរីធ្វើឱ្យប៉ះពាល់ដល់ការរស់នៅរបស់ប្រជាពលរដ្ឋនិងដំណើរការបើកប្រទេសឡើងវិញ។
លោកស្រីបានបន្ថែមថា « អីចឹងយើងអត់ចង់ឃើញឱ្យមានការផ្ទុះចេញដោយមានការរាតត្បាតទ្រង់ទ្រាយធំនៃជំងឺកូវីដ១៩ទេពិសេសពពួកជំងឺកូវីដ១៩បំប្លែងខ្លួនថ្មីឡើងវិញទេ»។ លោកស្រីបានណែនាំឱ្យប្រជាពលរដ្ឋដែលត្រូវចាក់វ៉ាក់សាំងដូសជំរុញទៅចាក់នៅតាមមូលដ្ឋានសុខាភិបាលសាធារណៈដូចជាមណ្ឌលសុខភាព មន្ទីរពេទ្យបង្អែកមន្ទីរពេទ្យខេត្តនិងមន្ទីរពេទ្យថ្នាក់ជាតិទូទាំងប្រទេសដោយចាក់កន្លែងណាក៏បានមិនប្រកាន់ទីកន្លែងឡើយជួយដល់ការរស់រានមានជីវិតរបស់ប្រជាពលរដ្ឋដើម្បីបញ្ចៀសឱ្យបាននូវមហន្តរាយសុខភាពសាធារណៈនិងធានាបាននូវនិរន្តរភាពនៃការរស់នៅប្រក្រតី
ភាពថ្មីរបស់យើងពិសេសការបើកដំណើរការសេដ្ឋកិច្ចនិងសង្គមឡើងវិញប្រកបដោយរលូនដើម្បីជំរុញកំណើនសេដ្ឋកិច្ចជាតិ៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)