កម្ពុជា-សិង្ហបុរីចុះកិច្ចព្រមព្រៀងរួមគ្នា​សហប្រតិបត្តិការ​លើវិស័យថាមពល

ក្រសួងរ៉ែ និងថាមពលកម្ពុជា និងក្រសួងពាណិជ្ជកម្ម និងឧស្សាហកម្ម នៃសាធារណរដ្ឋសិង្ហបុរីបានចុះហត្ថលេខាលើកិច្ចព្រមព្រៀងអនុស្សារណៈយោគយល់គ្នា​ស្តីពី​កិច្ចសហប្រតិបត្តិការថាមពលដើម្បីភាពរីកចំរើននៃការអភិវឌ្ឍវិស័យថាមពលទាំងក្នុងតំបន់ និងប្រទេសទាំងពីរបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចព្រមព្រៀងអនុស្សារណៈយោគយល់គ្នានេះត្រូវបានចុះហត្ថនៅព្រឹកថ្ងៃទី២៥ ខែតុលា ឆ្នាំ២០២២ រវាងលោក ស៊ុយ​ សែម​ រដ្ឋមន្រ្តីក្រសួងរ៉ែ និងថាមពល​ជាមួយលោក​ តាន់​ ស៊ីឡេង​ រដ្ឋមន្រ្តីក្រសួងធនធានមនុស្ស​ និងជារដ្ឋមន្រ្តីទី២​ ក្រសួងពាណិជ្ជកម្ម​ និងឧស្សាហកម្ម​ ជាតំណាងក្រសួងនៃសាធារណរដ្ឋសិង្ហបុរី​តាមរយៈប្រព័ន្ធវីដេអូ។

ថ្លែងនៅក្នុងឱកាសនោះ លោក​ ស៊ុយ​ សែម​ រដ្ឋមន្រ្តីក្រសួងរ៉ែ និងថាមពលបានមានប្រសាសន៍ថា​ អនុស្សារ​ណៈយោគយល់គ្នាដែលត្រូវបា​នចុះហត្ថលេខានេះ​ គឺជាជំហានបន្តដ៏សំខាន់ដើម្បីភាពរីកចំរើននៃការអភិវឌ្ឍវិស័យថាមពលទាំងក្នុងតំបន់​ និងប្រទេសទាំងពីរបន្ថែមទៀត​ជាពិសេស​ គឺចូលរួមចំណែកកែលម្អហេដ្ឋារចនាសម្ព័ន្ធអន្តរកាលថាមពល​ និងការបង្កើនឱកាសពាណិជ្ជកម្មតភ្ជាប់ថាមពលក្នុងតំបន់៕

អត្ថបទ៖ សំអឿន