ព័ត៌មានជាតិ
អង្គការទស្សនៈពិភពលោកជំរុញឲ្យអ្នកសារព័ត៌មានចូលរួមផ្សព្វផ្សាយយុទ្ធនាការគំរូអហិង្សាលើយុវជន និងកុមារ
អង្គការទស្សនៈពិភពលោក (World Vision) បានជំរុញឲ្យអ្នកសារព័ត៌មានចូលរួមផ្សាព្វផ្សាយយុទ្ធនាការគំរូអហិង្សាលើយុវជន និងកុមារ ដើម្បីចូលរួមកាត់បន្ថយអំពើហិង្សាគ្រប់ទម្រង់ក្នុងចំណោមយុវជន និងអន្តរជំនាន់។
ការជំរុញបែបនេះគឺបានធ្វើឡើងក្នុងសិក្ខាសាលាដកបទពិសោធជាមួយអ្នកសារព័ត៌មាននៅកម្ពុជាស្ដីពី «ការរាយការណ៍ករណីអំពើហិង្សាក្នុងចំណោមយុវជន អន្តរជំនាន់ និងការពង្រឹងភាពអង់អាចដល់យុវជន» នៅថ្ងៃទី ២៨ ខែតុលា ឆ្នាំ ២០២២។
លោក យាង សិដ្ឋសមប្រាថ្នា អ្នកជំនាញបច្ចេកទេសជាន់ខ្ពស់ផ្នែកយុវជនវ័យជំទង់ យេនឌ័រ និងការចូលរួមរបស់អង្គការទស្សនៈពិភពលោកបានលើកឡើងថា សិក្ខាសាលានេះ ធ្វើឡើងដើម្បីកសាងនូវទំនាក់ទំនងវិជ្ជមានរវាងអ្នកសារព័ត៌មាន និងអង្គការទស្សនៈពិភពលោក និងលើកកម្ពស់ការយល់ដឹងពីយុទ្ធនាការគំរូអហិង្សាដល់អ្នកសារព័ត៌មានអំពីការចិញ្ចឹមកូនតាមបែបវិជ្ជមាន។
លោក យាង សិដ្ឋសមប្រាថ្នាបានបន្ថែមថា ការជួបជុំនាពេលនេះ ក៏ជាវេទិកាដល់អ្នកសារព័ត៌មានក្នុងការចែករំលែកបទពិសោធក្នុងការធ្វើសេចក្ដីរាយការណ៍អំពីករណីអំពើហិង្សាក្នុងចំណោមយុវជន និងអន្តរជំនាន់ នាពេលកន្លងទៅ ដើម្បីសិក្សាអំពីបញ្ហាប្រឈម ហើយធ្វើការពិភាក្សាស្វែងរកដំណោះស្រាយនានា ក្នុងការបញ្ឈប់អំពើហិង្សាគ្រប់ទម្រង់លើយុវជន និងកុមារ។
លោក យាង សិដ្ឋសមប្រាថ្នាបញ្ជាក់ឲ្យដឹងថា យុទ្ធនាការនេះ មានទិសដៅចូលរួមចំណែកក្នុងការផ្លាស់ប្ដូរអត្តចរិត និងអកប្បកិរិយារបស់ឪពុកម្ដាយ អាណាព្យាបាល និងគ្រូអំពីការដាក់ពិន័យលើរូបរាងកាយកុមារ និងយុវជន ហើយផ្ដល់ភាពអង់អាចដល់កុមារ និងយុវជន ដើម្បីប្រែក្លាយជាភ្នាក់ងារនៃការផ្លាស់ប្ដូរតាមរយៈការបំនិនជីវិត និងការតស៊ូមតិ។
ទន្ទឹមនោះ ក៏ដើម្បីពង្រឹងយន្តការការពារកុមារក្នុងមូលដ្ឋាន ដើម្បីធានាការពារកុមារពីអំពើហិង្សា និងមានគណនេយ្យភាពចំពោះសហគមន៍ ព្រមទាំងផ្ដល់ជាធាតុចូលក្នុងការពង្រឹងគោលនយោបាយជាតិដែលស៊ីសង្វាក់គ្នាជាមួយភាពជាដៃគូជា សកលក្នុងការបញ្ឈប់អំពើហិង្សាលើកុមារ និងយុវជន៕
ដោយ៖ ធឿន វ៉ាន់សុង
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ