ព័ត៌មានជាតិ

សម្តេចតេជោបង្ហើបនឹងទៅទស្សនាប្រណាំងទូកនៅក្រុងតាខ្មៅរសៀលនេះ

បានផុស

៣ years មុន

នៅ

ថ្ងៃសៅរ៍ ២៩ តុលា ២០២២

ដោយ

សម្តេចតេជោបានបង្ហើបថា នឹងទៅទស្សនាការប្រកួតប្រណាំងទូកនៅក្រុងតាខ្មៅនៅរសៀលនេះ។

ថ្លែងពីវេទិកាចែកស្រូវពូជដល់ពលរដ្ឋរងគ្រោះដោយទឹកជំនន់នៅខេត្តកំពង់ធំនៅព្រឹកនេះ ប្រមុខរដ្ឋាភិបាលសម្តេច តេជោ ហ៊ុន សែន បានប្រកាសថា នឹងចំណាយពេលវេលាទៅទស្សនាការប្រកួតអុំទូកដោយផ្ទាល់នៅក្រុងតាខ្មៅ ក្រោយបញ្ចប់ពិធីចែកស្រូវពូជដល់ពលរដ្ឋក្នុងខេត្តកំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមអាជ្ញាធរខេត្តកណ្តាល ពិធីបុណ្យ អុំទូក អកអំបុក សំពះព្រះខែ ក្នុងក្រុងតាខ្មៅ មានទូកចុះឈ្មោះចូលរួមប្រណាំង សរុបចំនួន ៩២ទូក ក្នុងនោះ ទូកអុំចំនួន ៤៧ទូក ទូកចែវ ចំនួន ០៦ទូក ទូកខ្នាតអន្តរជាតិបុរស ចំនួន ៣៦ទូក និងទូកខ្នាតអន្តរជាតិនារី ចំនួន ០៤ទូក សរុបចំណុះទូកចំនួន ៤.៥០៦នាក់ និងមានកម្លាំងត្រៀម ចំនួន ៧៨៤នាក់។

ពិធីប្រណាំងទូកដែលធ្វើឡើងនៅសួនច្បារមាត់ទន្លេបាសាក់ក្រុងតាខ្មៅមានរយៈពេល ០២ថ្ងៃ គឺចាប់ពីថ្ងៃទី២៩ ដល់ថ្ងៃទី៣០ ខែតុលា ឆ្នាំ២០២២។ ក្នុងពិធីនោះ ក៏មានដាក់តាំងពិព័រណ៍លក់ផលិតផលក្នុងស្រុកជាច្រើន ហើយនៅពេលរាត្រីមានរៀបចំបណ្តែតគោម បាញ់កាំជ្រួច និងមានកម្មវិធីប្រគុំតន្ត្រីសម័យផងដែរ៕