ព័ត៌មានជាតិ
មន្ត្រីជាន់ខ្ពស់ នៃក្រសួងអប់រំ ទទួលវគ្គបណ្តុះបណ្តាល ជំនាន់ទី១ នៅសាលាភូមិន្ទរដ្ឋបាល
មន្ត្រីជាន់ខ្ពស់ក្រសួងអប់រំ យុវជន និងកីឡា ចំនួន ៩២រូប ក្រោមឱវាទទីស្ដីការក្រសួង ចាប់ពីអនុប្រធាននាយកដ្ឋានរហូតអគ្គនាយក នឹងត្រូវទទួលបានវគ្គបណ្តុះបណ្ដាលអភិវឌ្ឍសមត្ថភាពរយៈពេល ១២០ម៉ោង ឬ៣ខែ នៅសាលាភូមិន្ទរដ្ឋបាល។
ពិធីបើកវគ្គបណ្ដុះបណ្ដាលត្រូវបានប្រារព្ធឡើង ថ្ងៃទី៣១ ខែតុលានេះ ក្រោមអធិបតីភាព លោក យក់ ប៊ុនណា រដ្ឋលេខាធិការប្រចាំការ និងជានាយកសាលាភូមិន្ទរដ្ឋបាល នៃក្រសួងមុខងារសាធារណៈ តំណាង លោក ព្រុំ សុខា រដ្ឋមន្ត្រីក្រសួងមុខងារសាធារណៈ និង បណ្ឌិតសភាចារ្យ ណាត ប៊ុនរឿន រដ្ឋលេខាធិការ និងជាប្រធានក្រុមការងារកំណែទម្រង់រដ្ឋបាលសាធារណៈ របស់ក្រសួងអប់រំ យុវជន និងកីឡា តំណាង បណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។
បណ្ឌិតសភាចារ្យ ណាត ប៊ុនរឿន ថ្លែងអំណរគុណដល់ថ្នាក់ដឹកនាំ និងសហការីសាលាភូមិន្ទរដ្ឋបាលដែលបានរៀបចំវគ្គបណ្តុះបណ្តាលដ៏មានសារៈសំខាន់នេះ ដើម្បីឆ្លើយតបនឹងកំណែទម្រង់រដ្ឋបាលសាធារណៈ ជាពិសេសលើកកម្ពស់សមត្ថភាពដល់មន្ត្រីជាន់ខ្ពស់ក្រសួង ដើម្បីអនុវត្តការងារគ្រប់គ្រងនៅតាមអង្គភាពរៀងៗខ្លួនឱ្យមានប្រសិទ្ធភាពខ្ពស់ស្របតាមបរិវត្តកម្មឌីជីថលក្នុងវិស័យអប់រំ ដោយត្រូវមានភាពជាដឹកនាំ-នវានុវត្តន៍ ចក្ខុវិស័យ-ផែនការឆ្លាតវៃ និងត្រូវធ្វើយ៉ាងណាឱ្យស្ថាប័ន និងសង្គមទទួលស្គាល់។
លោក យក់ ប៊ុនណា រដ្ឋលេខាធិការប្រចាំការ និងជានាយកសាលាភូមិន្ទរដ្ឋបាល នៃក្រសួងមុខងារសាធារណៈ បានបញ្ជាក់ថា កម្មវិធីបណ្តុះបណ្តាលមន្ត្រី រាជការ នៃក្រសួងអប់រំ យុវជន និងកីឡា រៀបចំតាមតម្រូវការចាំបាច់ឈរលើគោលដៅជាសារវន្ត នៃកំណែទម្រង់រដ្ឋបាលសាធារណៈ និងកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈ ដែលជាផ្នែកដ៏សំខាន់នៃអភិបាលកិច្ចល្អ ដែលជាឆ្អឹងខ្នងនៃកំណែទម្រង់រដ្ឋស៊ីជម្រៅ ដោយផ្អែកលើផែនការយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលនៃព្រះរាជាណាចក្រកម្ពុជា។ ការបណ្តុះបណ្តាលថ្នាក់ដឹកនាំ និងមន្ត្រីជាន់ខ្ពស់ពាក់ព័ន្ធ អំពីរដ្ឋបាលសាធារណៈទំនើប ការកសាងភាព ជាអ្នកដឹកនាំគំរូ គឺជាចំណែកដ៏មានសារៈសំខាន់មិនអាចខ្វះបាន។
គួរបញ្ជាក់ថា វគ្គបណ្តុះបណ្តាលនេះ រៀបចំឡើងក្នុងគោលបំណង៖
១. ធ្វើទំនើបកម្មអង្គភាព ដោយពង្រឹងសមត្ថភាពមន្ត្រីស្របតាមនយោបាយយុទ្ធសាស្ត្រចតុកោណរបស់រាជរដ្ឋាភិបាល
២. លើកកម្ពស់ការអភិវឌ្ឍចំណេះដឹងមន្ត្រីជាន់ខ្ពស់របស់ក្រសួងអប់រំ យុវជន និងកីឡាដើម្បីឆ្លើយតបទៅនឹងការវិវត្តន៍នៃការងារក្នុងក្របខ័ណ្ឌអភិបាលកិច្ចឌីជីថលនៃរដ្ឋបាលថ្នាក់ជាតិ
៣. រៀបចំ និងផ្ដល់ការបណ្ដុះបណ្ដាលដោយឡែក ដើម្បីពង្រឹងសមត្ថភាពមន្ត្រីឲ្យសមស្របទៅនឹងតម្រូវការនៃការគ្រប់គ្រងកិច្ចការរដ្ឋបាលទូទៅរបស់ក្រសួងអប់រំ យុវជន និងកីឡា៕
-
ព័ត៌មានជាតិ៧ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ៦ ថ្ងៃ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
ព័ត៌មានជាតិ៥ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
សន្តិសុខសង្គម១ សប្តាហ៍ agoបុរសម្នាក់ត្រូវផ្ទាំថ្មបាក់សង្កត់ស្លាប់ ក្រោយព្យាយាមចុះរណ្ដៅរុករករ៉ែមាស