ព័ត៌មានជាតិ
អង្គការ ៥ នឹងរៀបចំ “យុទ្ធនាកា ១៦ថ្ងៃ” ដើម្បីលុបបំបាត់អំពើហិង្សាលើស្ត្រី
នៅថ្ងៃទី២៦ ខែវិច្ឆិកា ឆ្នាំ២០២២ខាងមុខ អង្គការនារី ដើម្បីសន្តិភាព និងអង្គការដៃគូចំនួន៤ទៀត នឹងប្រារព្ធយុទ្ធនាការ ១៦ថ្ងៃ ក្រោមប្រធានបទ៖ “រួមគ្នាបញ្ឈប់អំពើហិង្សាលើស្រ្តី និងក្មេងស្រី៖ ពីការយល់ដឹងឆ្ពោះទៅការអនុវត្ត”។ ពិធីនេះ នឹងប្រារព្ធនៅសណ្ឋាគារ ហ៊ីម៉ាវ៉ារី វេលាម៉ោង ៨ព្រឹក ដល់ម៉ោង ១:៣០រសៀល។
យុទ្ធនាការ ១៦ថ្ងៃ គឺជាយុទ្ធនាការអន្តរជាតិ ដែលប្រារព្ធឡើងជារៀងរាល់ឆ្នាំនៅថ្ងៃទី២៥ ខែវិច្ឆិកា ហើយក៏ជាទិវាអន្តរជាតិក្នុងការលុបបំបាត់អំពើហឹង្សាលើស្រ្តី រហូតដល់ថ្ងៃទី១០ ខែធ្នូ ដែលជាទិវាសិទ្ធិមនុស្ស។ យុទ្ធនាការនេះ ធ្វើឡើងក្នុងគោលបំណងលុបបំបាត់អំពើហិង្សាលើស្ត្រី និងក្មេងស្រី ក៏ជាការអបអរសាទរក្នុងការតស៊ូមតិចំពោះសិទ្ធិស្ត្រី ព្រមទាំងធ្វើសេចក្តីថ្លែងការណ៍ជានិមិត្តរូបថា អំពើហិង្សាលើស្ត្រី គឺជាការរំលោភសិទ្ធិមនុស្ស។
យុទ្ធនាការនេះ នឹងមានជាកិច្ចពិភាក្សាជាក្រុម ការសម្តែងសិល្បៈ ការសម្តែងជាចម្រៀង និងមានការតាំងពិព័រណ៍ផងដែរ។ ចំពោះអង្គការ៤ទៀត ដែលជាដៃគូសម្រាប់ការប្រារព្ធយុទ្ធនាការនេះ មានដូចជា អង្គការយេនឌ័រ និងអភិវឌ្ឍន៍ដើម្បីកម្ពុជា (GADC) អង្គការក្លាហាន អង្គការបន្ទាយស្រី និងគណៈកម្មាធិការ ដើម្បីបោះឆ្នោតដោយសេរី និងយុត្តិធម៌នៅកម្ពុជា (COMFREL)។
ព្រឹត្តិការណ៍នេះ គឺបើកទូលាយឱ្យសាធារណជនបានចូលរួមដោយសេរី ដើម្បីរួបរួមគ្នាបញ្ឈប់ និងលុបបំបាត់អំពើហឹង្សាលើស្ត្រី និងក្មេងស្រី។ ប៉ុន្តែ យុទ្ធនាការនេះ តម្រូវឱ្យមានការចុះឈ្មោះជាមុនព្រោះកន្លែងមានកំណត់។ ចំពោះការចុះឈ្មោះ និងព័ត៌មានបន្ថែម លោកអ្នកអាចតាមដាននៅលើគេហទំព័រផ្លូវការរបស់អង្គការទាំង៥ខាងលើបាន៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង