ព័ត៌មានជាតិ
រដ្ឋមន្រ្តីអប់រំ៖ និស្សិតកម្ពុជា ២០ភាគរយ អាចប្រកួតប្រជែងសមត្ថភាពលើឆាកអន្តរជាតិ
វិស័យអប់រំ កំពុងដើរតួនាទីសំខាន់អភិវឌ្ឍធនធានមនុស្ស ស្របតាមតម្រូវការទីផ្សារការងារជាតិ និងអន្តរជាតិ។
បច្ចុប្បន្ននិស្សិតកម្ពុជា ប្រមាណ ២០ភាគរយ មានសមត្ថភាពអាចប្រកួតប្រជែងមិនត្រឹមតែក្នុងតំបន់នោះទេ គឺថែមទាំងនៅលើពិភពលោក។ នេះជាការគូសបញ្ជាក់របស់លោក ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា។
លោក ហង់ជួន ណារ៉ុន បានថ្លែងតាមរយៈកិច្ចសម្ភាសន៍ Grow Under Peace កម្ពុជាថ្មីថា ក្នុងនាមក្រសួងអប់រំ ចង់ឱ្យចំនួនសិស្សនិស្សិតដែលមានសមត្ថភាព កាន់តែច្រើនថែមទៀត ពិសេសផ្នែកភាសាបរទេស និងបច្ចេកវិទ្យា ឱ្យបានលេចធ្លោ។ លោកបន្តដូច្នេះថា «មានតែការអភិវឌ្ឍធនធានមនុស្សឱ្យមានគុណភាពខ្ពស់ ដើម្បីឱ្យកម្ពុជាសម្រេចបានតាមចក្ខុវិស័យរបស់រាជរដ្ឋាភិបាល ដែលចង់ប្រែក្លាយកម្ពុជា ទៅជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ ២០៣០ និងក្លាយជាប្រទេសរីកចម្រើននៅឆ្នាំ ២០៥០»។
លោក ហង់ជួន ណារ៉ុន បានបន្ថែមថា ដើម្បីអភិវឌ្ឍធនធានមនុស្សឱ្យកាន់តែមានសមត្ថភាពខ្ពស់ រាជរដ្ឋាភិបាល តាមរយៈក្រសួងអប់រំ បានវិនិយោគលើបួន ចំណុចសំខាន់ៗ រួមមាន ៖ កត្តាសាលារៀន គ្រូ នាយក សិស្ស និងកត្តាគ្រួសារ។ កត្តាទាំងបួននេះ មិនអាចខ្វះបាននោះទេ គឺរាជរដ្ឋាភិបាល វិនិយោគបន្តទៅលើសាលារៀន កែលម្អធនធានសិក្សា និងកែលម្អការបណ្តុះបណ្តាលគ្រូ។ ដោយឡែកកត្តាសិស្ស និងគ្រួសារ គឺចាំបាច់ នៅពេលដែលមានប្រាក់ចំណូលកាន់តែខ្ពស់ អាណាព្យាបាលនីមួយៗ មានធនធានកាន់តែច្រើន ដើម្បីវិនិយោគ ទៅលើសក្តានុពលរបស់កូនចៅ មានអាហារូបត្ថម្ភគ្រប់គ្រាន់ និងផ្តល់ឱកាសឱ្យកូន បានទៅរៀននៅសាលាល្អ។
ទោះយ៉ាងណា លោករដ្ឋមន្រ្តី មើលឃើញថា ការអភិវឌ្ឍនៅទីក្រុងរីកចម្រើនលឿនជាងជនបទ ពោលគឺអ្នកនៅទីក្រុងមានឱកាសច្រើន ដោយក្រសួងចង់ឱ្យមានការអប់រំមួយដែលមានសមធម៌ ធ្វើយ៉ាងណាឱ្យសាលានៅទីជនបទ ក៏រីកចម្រើនដូចគ្នា ដូច្នេះរដ្ឋាភិបាល បង្កើនកម្រិតជីវភាពប្រជាជននៅទីជនបទ ដើម្បីឱ្យមានអាហារូបត្ថម្ភគ្រប់គ្រាន់សម្រាប់កុមារ កាត់បន្ថយគម្លាតទីក្រុង និងជនបទ។
ទន្ទឹមនឹងនេះ ក្រសួងអប់រំ គាំទ្រចំពោះការអភិវឌ្ឍបង្កើតសាលារៀនឯកជន ដែលមានកម្មវិធីសិក្សាពីរ គឺកម្មវិធីសិក្សាជាតិ និងអន្តរជាតិ។ ជាក់ស្តែងលោក ហង់ជួន ណារ៉ុន បានលើកឡើងថា សាលាឯកជនបច្ចុប្បន្នមានសិស្សប្រមាណ ៣ភារគយ បើធៀបនឹងសាលារដ្ឋ ដែលភាគច្រើននៅទីក្រុងមានទាំងកម្រិតមធ្យម និងកម្រិតខ្ពស់។
បច្ចុប្បន្ននៅកម្ពុជា មានសាលារៀនសរុបប្រមាណ ១៣០០០ សាលា ក្នុងនោះ សិស្សមតេយ្យសិក្សាកើនឡើង ៦២ភាគរយ សិស្សបឋមកើនឡើង ៩៨ភាគរយ កម្រិតអនុវិទ្យាល័យកើន ៥៣ភាគរយ និងកម្រិតវិទ្យាល័យកើនឡើងជាង ៣០ភាគរយ។ នេះជាការបញ្ជាក់របស់លោក ហង់ជួន ណារ៉ុន៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ