Connect with us

ព័ត៌មានជាតិ

មន្ទីរសុខាភិបាលខេត្តកោះកុងកំពុងធ្វើបច្ចុប្បន្នភាពស្ថិតិគ្លីនិកឯកជន

បានផុស

នៅ

មន្រ្តីនៃមន្ទីរសុខាភិបាលខេត្តកោះកុងថ្លែងថា ខ្លួនកំពុងតែត្រួតពិនិត្យធ្វើបច្ចុប្បន្នភាពលើស្ថិតិចំនួនគ្លីនិកឯកជនដែលកំពុងដំណើរការបម្រើសេវាវិស័យសុខាភិបាល ដើម្បីធានាសុវត្ថិភាពសាធារណជន។

លោក ម៉ក់ គឹមលី អនុប្រធានមន្ទីរសុខាភិបាលខេត្តកោះកុងបង្ហើបឱ្យដឹងថា កិច្ចការប្រជុំពិនិត្យត្រៀមចុះស្រង់ស្ថិតិគ្លីនិកឯកជននៅក្នុងភូមិសាស្រ្តខេត្តនឹងអនុវត្តឆាប់ៗខាងមុខដោយឈរលើគោលដៅពង្រឹងការគ្រប់គ្រងក្រមសីលធម៌វិជ្ជាជីវៈពេទ្យឱ្យបានត្រឹមត្រូវបានច្បាប់ ក្រោយបញ្ហាវិបត្តិជំងឺកូវីដ១៩ធូរស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ក់ គឹមលី បន្ថែមរសៀលថ្ងៃទី២ ខែធ្នូ ឆ្នាំ២០២២ថា រាល់ឱសថដ្ឋាន គ្លីនិកឯកជន ឬមន្ទីរពេទ្យសម្រាកព្យាបាល ចាំបាច់សុំច្បាប់អនុញ្ញាតឱ្យត្រឹមត្រូវនៅតាមអង្គភាពច្រកចេញចូលតែមួយរបស់ខេត្ត ឬក្រសួងសុខាភិបាល មុននឹងដំណើរការអាជីវកម្មផ្តល់សេវាពិនិត្យ និងព្យាបាលដល់សាធារណជន។ ករណីរកឃើញថា គ្មានច្បាប់អនុញ្ញាតនឹងប្រឈមមុខចំពោះមុខច្បាប់ជាធរមានមិនខាន។

សូមរម្លឹកថា ៣ឆ្នាំមុនមន្រ្តីសុខាភិបាលខេត្តកោះកុងធ្លាប់ដាក់ពាក្យបណ្តឹងទៅតុលាការចំពោះគ្លីនិកឯកជនដែលផ្តល់សេវាគ្មានច្បាប់ត្រឹមត្រូវផងដែរ ទោះបីមន្រ្តីមិនបញ្ជាក់ពីតួលេខថាមានប៉ុន្មានករណីនោះទេ។ រីឯករណីផ្សេងទៀត គ្រាន់តែចុះពិនិត្យណែនាំឱ្យកែតម្រូវ និងច្បាប់ឱ្យបានតាមច្បាប់ជាកំហិត។

លោក ម៉ម ប៊ុនហេង រដ្ឋមន្រ្តីក្រសួងសុខាភិបាល កាលពីថ្ងៃទី១ខែធ្នូ ឆ្នាំ២០២២ថ្មីៗនេះ បានជូនដំណឹងដល់អភិបាលរាជធានីខេត្ត ត្រូវពង្រឹងការអនុវត្តច្បាប់ និងក្រមសីលធម៌វិជ្ជាជីវៈក្នុងការផ្តល់សេវាសុខាភិបាលនៅក្នុងមូលដ្ឋានសុខាភិបាលឯកជន។

ដោយក្រសួងណែនាំដល់មន្ទីរសុខាភិបាលត្រួតពិនិត្យ តាមដាន និងចាត់វិធានការយ៉ាងម៉ឹងម៉ាត់បំផុតចំពោះអ្នកផ្តល់សេវាសុខាភិបាល និងម្ចាស់មូលដ្ឋានសេវាសុខាភិបាលឯកជនទាំងឡាយណាដែលមិនបានអនុវត្តឱ្យបានត្រឹមត្រូវតាមច្បាប់ស្តីពីការគ្រប់គ្រងអ្នកប្រកបវិជ្ជាជីវៈវិស័យសុខាភិបាល ច្បាប់ស្តីពីការគ្រប់គ្រងលើការប្រកបវិជ្ជាជីវៈឯកជនក្នុងវិស័យវេជ្ជសាស្រ្ត អមវេជ្ជសាស្រ្ត និងក្រមសីលធម៌វិជ្ជាជីវៈរបស់ខ្លួន។

ស្របពេលនេះ មន្ទីរសុខាភិបាលខេត្តកោះកុង ក៏ឱ្យដឹងទៀតថា ពុំមានការយកថ្ងៃសេវាដឹកជញ្ចូនអ្នកជំងឺ ឬអ្នកស្លាប់ដោយសារតែបញ្ហាគ្រោះថ្នាក់ចរាចរណ៍នោះទេ ខណៈនៅតាមបណ្តាស្រុកឬឃុំមានរថយន្តសង្រ្គោះបន្ទាន់ស្ទើរតែទាំងស្រុង។ ទោះបីជារយៈចម្ងាយជិត ឬឆ្ងាយឡើយ ប្រសិនបើមានករណីគ្រោះថ្នាក់ចរាចរន៍ក្នុងភូមិសាស្រ្តខេត្តកោះកុង។ ហើយការមិនគិតកម្រៃសេវាបែបនេះ បានអនុវត្តជាយូរឆ្នាំណាស់ហើយ ក្រោយពីក្រសួងសុខាភិបាលជូនដំណឹងឱ្យផ្តោតការយកចិត្តទុកដាក់ខ្ពស់ ដើម្បីលើកកម្ពស់វិស័យសុខាភិបាល និងចូលរួមកាត់បន្ថយការចំណាយជូនប្រជាពលរដ្ឋ៕

អត្ថបទៈសិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម