ព័ត៌មានជាតិ
មកដឹងទីតាំង រដ្ឋមន្ត្រីក្រសួងអប់រំ អញ្ជើញបើកប្រធានវិញ្ញាសាទុតិយភូមិ ជានិមិត្តរូប នៅព្រឹកស្អែក
លោក រស់ សុវាចា អ្នកនាំពាក្យ ក្រសួងអប់រំ យុវជន និងកីឡា បានមានប្រសាសន៍ នៅព្រឹកថ្ងៃទី៤ ខែធ្នូ ឆ្នាំ២០២២នេះថា បណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា នឹងអញ្ជើញបើកប្រធានវិញ្ញាសាប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ជានិមិត្តរូប នៅមណ្ឌល វិទ្យាល័យ ព្រះស៊ីសុវត្ថិ នៅព្រឹកស្អែក។
លោក រស់ សុវាចា មានប្រសាសន៍បន្តថា តាមកម្មវិធី នៅថ្ងៃទី៥ ខែធ្នូ ឆ្នាំ២០២២ វេលាម៉ោង ៦:៣០ នាទីព្រឹក លោករដ្ឋមន្ត្រីនឹងអញ្ជើញបើកប្រធានវិញ្ញាសាជានិមិត្តរូប នៅមណ្ឌល វិទ្យាល័យ ព្រះស៊ីសុវត្ថិ ដោយមានការចួលរួមពី លោក ហ៊ុន ម៉ានីប្រធាន សហភាពសហព័ន្ធយុវជនកម្ពុជា, លោក ឃាង សេង តំណាងក្រុមការងារ អង្គភាពប្រឆាំងអំពើពុករលួយប្រចាំរាជធានី និងលោក នួន ផារ័ត្ន អភិបាលរងរាជធានីភ្នំពេញ។
ក្រសួងអប់រំ យុវជន និងកីឡា នៅព្រឹកថ្ងៃទី៤ ខែធ្នូនេះ បានណែនាំដល់បេក្ខជប្រឡងបាក់ឌុបទៅមើលលេខតុ និងលេខបន្ទប់នៅតាមមណ្ឌលប្រឡងរបស់ខ្លួន ដើម្បីត្រៀមចូលរួមប្រឡង នៅថ្ងៃទី៥ ខែធ្នូ ឆ្នាំ២០២២ស្អែកនេះ ខណៈកាលពីថ្ងៃទី២៨ ខែវិច្ឆិកា ឆ្នាំ២០២២ កន្លងទៅ ក្រសួងអប់រំបានបិទបញ្ជីឈ្មោះបេក្ខជនប្រឡងបាក់ឌុបម្តងរួចមកហើយ ដើម្បីឱ្យបេក្ខជនបានពិនិត្យ និងរកមើលមណ្ឌលប្រឡងត្រូវនឹងអក្ខរក្រមនៃឈ្មោះរបស់ខ្លួន។
លោក រស់ សុវាចា បានណែនាំដល់បេក្ខជនប្រឡងបាក់ឌុប និងគ្រប់ភាគីពាក់ព័ន្ធដែលទៅមើលលេខតុ និងលេខបន្ទប់ នៅតាមមណ្ឌលប្រឡងនានា នៅថ្ងៃទី៤ ធ្នូនេះ សូមបន្តអនុវត្តវិធានសុខភាព សុវត្ថិភាព និងគោរពច្បាប់ចរាចរណ៍ទាំងអស់គ្នា។
សម្រាប់ការប្រឡងមធ្យមសិក្សាទុតិយភូមិ ៥ ធ្នូ ២០២២ខាងមុខនេះ មានបេក្ខជនចុះឈ្មោះប្រឡងទូទាំងប្រទេសសរុប ១២៨ ១៣៤នាក់ ស្រី ៦៩ ៧៧១នាក់ មានមណ្ឌលសំណេរ សរុប២២១ បន្ទប់ប្រឡងសរុប ៥១៧៤ ក្នុងនោះមានថ្នាក់វិទ្យាសាស្ត្រ ៧៦មណ្ឌល ត្រូវជា ១៧៤៣បន្ទប់ ថ្នាក់វិទ្យាសាស្ត្រសង្គម ១៥៤មណ្ឌល ត្រូវជា ៣៤៣១បន្ទប់។ ក្រសួងនឹងប្រកាសលទ្ធផលប្រឡងនៅថ្ងៃទី២៧ ខែធ្នូខាងមុខ សម្រាប់នៅមណ្ឌលប្រឡងរាជធានីភ្នំពេញ និងខេត្តកណ្តាល និងថ្ងៃទី២៨ ធ្នូ សម្រាប់មណ្ឌលប្រឡងផ្សេងៗទៀតនៅទូទាំងប្រទេស។
សម្រាប់ការប្រឡងឆ្នាំនេះ ក្រសួងគ្រោងនឹងចំណាយថវិកាប្រមាណ ៥ លានដុល្លារអាមេរិក សម្រាប់រៀបចំដំណើរការប្រឡង ក្នុងនោះចំណាយទៅលើការឧបត្ថម្ភគណៈកម្មការនានា ដែលមាន ៤ ដំណាក់កាល គឺ ការតាក់តែងប្រធានវិញ្ញាសា ពេលសំណេរ ពេលកំណែ និងបូកស្រង់ដោយកុំព្យូទ័រ៕
អត្ថបទ៖ សំអឿន
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស