Connect with us

ព័ត៌មានជាតិ

កំណត់បាន​ទីតាំង ត្រៀម​បើក​ការដ្ឋាន​សាងសង់​ផ្លូវ​ជាតិ​លេខ​ ៣៣ និង ៣១ នៅខេត្តកំពត

បានផុស

នៅ

មន្រ្តី​ក្រសួងសាធារណការ​និង​ដឹកជញ្ជូន​បាន​​ចុះទៅ​​ពិនិត្យទីតាំង ​ដើម្បី​ត្រៀមបើកការដ្ឋាន​លើក​កម្រិតផ្លូវជាតិលេខ ៣១ និងលេខ ៣៣ នៅ​ខេត្តកំពត។

ដំណើរ​ចុះទៅពិនិត្យនេះ​មាន​ការ​ចូលរួម​ពី​លោកខាន់ ម៉ាណេរ រដ្ឋលេខាធិការនិងជាប្រធានគណៈកម្មការសម្រាប់រៀបចំពិធីបើកការដ្ឋានលើគម្រោងធ្វើឱ្យប្រសើរឡើងវិញផ្លូវជាតិលេខ ៣១ និងលេខ៣៣ លោក ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគ្រប់គ្រងគម្រោង (PMU) ផ្លូវជាតិលេខ ៣៣ រួមទាំង​វត្តមាន​លោក យូ ស៊ុនឡុង និង លោក ហ៊ុន ស៊ីថា រដ្ឋមន្រ្តីប្រតិភូអមនាយករដ្ឋមន្រ្តី និងជានាយករងខុទ្ទកាល័យសម្តេចតេជោនាយករដ្ឋមន្រ្តី និង​លោក​អភិបាលខេត្តកំពត និងខេត្តកែប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ចុះទៅ​ពិនិត្យ គណៈប្រតិភូបានជ្រើសរើយកទីតាំងសម្រាប់រៀបចំពិធីបើកការដ្ឋាននៅភូមិជុំគ្រៀល ឃុំ​ជុំគ្រៀល ស្រុកទឹកឈូ ខេត្តកំពត។

ផ្លូវ​ជាតិលេខ ៣១ និង លេខ ៣៣ ​នឹង​ត្រៀមរៀបចំ​ពិធី​បើកការដ្ឋានសាងសង់នៅ​ពេល​ឆាប់ៗ​ខាង​មុខ​នេះ ក្រោមវត្តមាន​​សម្តេចតេជោនាយករដ្ឋមន្ត្រី។

ផ្លូវជាតិលេខ៣១ មានប្រវែងសរុប ៥៤,៨១គីឡូម៉ែត្រ ចាប់ពីបំបែកគូស (ផ្លូវជាតិលេខ៣ គីឡូម៉ែត្រ ៨១+៩២០) ដល់កំពង់ត្រាច (ផ្លូវជាតិលេខ៣៣ គីឡូម៉ែត្រ ៣៥+៦៨០) បានបញ្ចប់ការសាងសង់នៅថ្ងៃទី៣១ ខែកក្កដា ឆ្នាំ២០១៤។ បច្ចុប្បន្នកំណាត់ផ្លូវនេះគ្រោងពង្រីកនិងលើកកម្រិតតភ្ជាប់ពីថ្នល់បែកគូស ផ្លូវជាតិលេខ៣ (គីឡូម៉ែត្រ ៨១+៩២០) ទៅទីរួមស្រុកកំពង់ត្រាចផ្លូវជាតិលេខ៣៣ ដោយក្នុងនោះរួមមាន៖ ទទឹងតួផ្លូវ ១២ ម៉ែត្រ ស្ពានទទឹង ១២ ម៉ែត្រចំនួន ៣ កន្លែង លូចំនួន ១៤៤ កន្លែង បំពាក់កាមេរ៉ាត្រួតពិនិត្យល្បឿនចំនួន ៥ កន្លែង។

ដោយឡែក​ផ្លូវជាតិលេខ៣៣ ចាប់ពីផ្លូវជាតិលេខ ៣ គីឡូម៉ែត្រ ១៤៨+១០០ ដល់ច្រកលក (ព្រំដែនកម្ពុជា-វៀតណាម) មានប្រវែងសរុប ៥២,២៧គីឡូម៉ែត្រ បានបញ្ចប់ការសាងសង់នៅថ្ងៃទី៣១ ខែកក្កដា ឆ្នាំ២០១៤។ បច្ចុប្បន្នកំណាត់ផ្លូវនេះគ្រោងពង្រីកនិងលើកកម្រិត តភ្ជាប់ពីទីរួមខេត្តកំពត ផ្លូវជាតិលេខ ៣ (គីឡូម៉ែត្រ ១៤៨+១០០) ដល់ច្រកលក (ព្រំដែនកម្ពុជា-វៀតណាម) ដោយក្នុងនោះរួមមាន៖ ទទឹងតួផ្លូវ ១២ ម៉ែត្រ ស្ពានទទឹង ១១ ម៉ែត្រ ចំនួន ៣ កន្លែង លូចំនួន​១៣៤ កន្លែង បំពាក់កាមេរ៉ាត្រួតពិនិត្យល្បឿនចំនួន ៥ កន្លែង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម