ព័ត៌មានជាតិ

នគរបាលខេត្តកណ្ដាលស្រាវជ្រាវឃាត់ខ្លួនជនសង្ស័យម្នាក់ពីបទប៉ុនប៉ងមនុស្សឃាត

បានផុស

៥ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

នៅព្រឹកថ្ងៃទី៧ ខែមករា ឆ្នាំ២០២១ កម្លាំងនគរបាលនៃស្នងការខេត្តកណ្ដាល ដឹកនាំបញ្ជាផ្ទាល់ដោយលោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្ត និងមានការសម្របសម្រួលនិតិវិធីដោយលោក លាវ ស្រេង ព្រះរាជអាជ្ញាអមសាលាដំបូងខេត្តកណ្ដាល និងលោក សេង រិទ្ធី ព្រះរាជអាជ្ញារង បើកប្រតិបត្តិការស្រាវជ្រាវឃាត់ខ្លួនជនសង្ស័យម្នាក់ក្នុងករណី ប៉ុនប៉ងឃាតកម្ម លើជនរងគ្រោះបីនាក់បណ្កាលឲ្យរងរបួសធ្ងន់ កាលពីថ្ងៃទី៥ ខែមករា ឆ្នាំ២០២១កន្លងទៅថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យដែលឃាត់ខ្លួនមានឈ្មោះ ចន សុវណ្ណចាន់តុកុល ភេទប្រុស អាយុ២៩ឆ្នាំ មុខរបរជាកម្មករសំណង់ ស្នាក់នៅសង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។ និងមានស្រុកកំណើតនៅភូមិពោធិ៍មៀវ ឃុំគគីធំ ស្រុកកៀនស្វាយ ខេត្តកណ្ដាល។ ចំណែកជនរងគ្រោះមាន៣នាក់ មានឈ្មោះ ទី១ ឈ្មោះ សុខ ចាន់ឌី ភេទស្រី អាយុ៣២ឆ្នាំ រងបួសធ្ងន់ ទី២ ឈ្មោះ រស្មី ស្រីយ៉ា ភេទស្រី អាយុ១៣ឆ្នាំ រងរបួសធ្ងន់។ ទី៣ ឈ្មោះ រស្មី សូជីញ ភេទស្រី អាយុ៨ឆ្នាំ រងរបួសធ្ងន់។

សមត្ថកិច្ចបានបញ្ជាក់ថា កាលពីថ្ងៃទី៥ ខែមករា ឆ្នាំ២០២១ ជនសង្ស័យនិងប្ដីជនរងគ្រោះបានផឹកស្រាជាមួយគ្នានៅក្រោមផ្ទះរបស់ជនរងគ្រោះ ហើយជនរងគ្រោះបានរអ៊ូរទាំជេប្ដី មិនឲ្យផឹកជាមួយជនសង្ស័យនៅផ្ទះរបស់ខ្លួនទេ។ ពេលផឹកអស់ស្រា ប្ដីជនរងគ្រោះបានទៅទិញស្រាបៀ និងសាច់ក្លែមបន្ថែមទៀត ធ្វើឲ្យជនសង្ស័យមានឱកាសធ្វើសកម្មភាពតែម្ដង ហើយក្រោយធ្វើសកម្មភាពរួច ជនសង្ស័យបានគេចខ្លួនបាត់។

បច្ចុប្បន្ន ជនសង្ស័យឃាត់ខ្លួននៅអធិការដ្ឋាននគរបាលស្រុកកៀនស្វាយ កសាងសំណុំរឿងបញ្ជូនទៅការិយាល័យព្រហ្មទណ្ឌកម្រិតធ្ងន់ ដើម្បីចាត់ការតាមផ្លូវច្បាប់៕

អត្ថបទ ៖ សុខុម

Related Topics:ឃាតកម្ម

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា