Connect with us

ព័ត៌មានជាតិ

អាជ្ញាធរ​ខេត្ត​តាកែវបើកកិច្ច​ប្រជុំ​ត្រៀម​ស្តារ​ឡើងវិញ​កំណាត់ផ្លូវជាតិ​លេខ ៣១ និង​៤១

បានផុស

នៅ

នៅសាលប្រជុំរដ្ឋបាលខេត្តតាកែវ មន្ត្រីក្រសួងសេដ្ឋកិច្ច និងហិរញ្ញវត្ថ និង​អាជ្ញាធរ​ខេត្តតាកែវបានបេីកកិច្ចប្រជុំពិភាក្សា​លើ​គម្រោង​ស្តារនិងធ្វើឱ្យប្រសើរឡើងវិញកំណាត់ផ្លូវជាតិលេខ៣១ និងផ្លូវជាតិលេខ៤១ និងការងារដោះស្រាយផលប៉ះពាល់​ផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ អ៊ូច ភា អភិបាលខេត្តតាកែវ​បាន​ណែនាំដល់អាជ្ញាធរមូលដ្ឋាន ធ្វើការអប់រំដល់​បងប្អូនប្រជាពលរដ្ឋធ្វើយ៉ាងណាឱ្យដំណើរការនៃការស្ថាបនាផ្លូវជាតិលេខ ៣១ និងលេខ៤១ ប្រព្រឹត្តទៅដោយរលូននិងរួចរាល់តាមការគ្រោងទុក ពិសេសក៏សុំ​ការ​យោគយល់ពីបងប្អូនប្រជាពលរដ្ឋមានប្រើប្រាស់ដីចំណីផ្លូវ ដោយដាក់លក់ដូរឬតសំយ៉ាប ត្រូវ​រុះរើចេញដើម្បីឱ្យក្រុមការងារបានចុះធ្វើការនិងស្ថាបនាផ្លូវទាំង ២ ខ្សែនេះ។

លោក​ ញាណ ឡេង រដ្ឋលេខាធិការនិងជាប្រធានគណៈកម្មការអន្តរក្រសួងដោះស្រាយផលប៉ះពាល់ដោយសារគម្រោងអភិវឌ្ឍក្រសួងសេដ្ឋកិច្ច និងហិរញ្ញវត្ថុ ណែនាំទៅដល់​​ក្រុមហ៊ុន​ទទួលម៉ៅការស្ថាបនាផ្លូវជាតិទាំង២ខ្សែនេះ ត្រូវកសាងឱ្យត្រឹមត្រូវតាមបទដ្ឋានបច្ចេកទេស និងស្ថាបនាឱ្យបាន​លឿនតាមការគ្រោងទុក សម្រាប់ជាប្រយោជន៍ដល់បងប្អូនប្រជាពលរដ្ឋប្រើប្រាស់ និងអាស្រ័យផលផងដែរ។

គម្រោងស្តារ និងធ្វើឱ្យប្រសើរឡើងនូវកំណាត់ផ្លូវជាតិលេខ៣១ មានប្រវែង៥៣,៣៨គ.ម ទទឹង ១០ ម៉ែត្រ ជាប្រភេទកៅស៊ូ (DBST) ចាប់ពីបែកគុស ចំណុចប្រសព្វផ្លូវជាតិលេខ៣ ដល់ផ្សារកំពង់ត្រាច ចំណុចប្រសព្វផ្លូវជាតិ​លេខ​ ៣៣ ឆ្លង​កាត់ខេត្តតាកែវ និងខេត្តកំពត់ ហើយឆ្លងកាត់ខេត្តតាកែវមានប្រវែងត្រឹមតែ៥គ.ម ស្ថិតនៅឃុំគូស ស្រុកត្រាំកក់។ ដោយឡែកសម្រាប់កំណាត់ផ្លូវជាតិលេខ៤១វិញ មានប្រវែង ៩៥,២៦៨គ.ម ទទឹង១០ម ជាប្រភេទកៅស៊ូ (DBST) ចាប់ពីថ្នល់ទទឹងចំណុចប្រសព្វផ្លូវជាតិលេខ៤ ដល់ជុំគីរី ឆ្លងកាត់ខេត្តកណ្តាល កំពង់ស្ពឺ ខេត្តតាកែវ និងខេត្តកំពត។ ផ្លូវជាតិ​លេខ ៤២ ឆ្លងកាត់ខេត្តតាកែវ មានប្រវែង ៧.៥០០ម ចាប់ពី គ.ម៤៥+៥០០ដល់គ.ម៥៣+០០០ ដែលឆ្លងកាត់ភូមិចំនួន៥ នៃឃុំអូរសារាយ ស្រុកត្រាំកក់។

កំណាត់ផ្លូវជាតិលេខ៣១ និងផ្លូវជាតិលេខ៤១នេះ ស្ថាបនាឡើងដោយក្រុមហ៊ុនសាជីវកម្មស្ពានថ្នល់ចិន(CRBC)៕​

អត្ថបទ៖ វីរ:

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៧ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម