ព័ត៌មានជាតិ

ផ្លូវនិងស្ពានធំៗចំនួន ៤ ត្រៀមបើកការដ្ឋានសាងសង់នៅប៉ុន្មានថ្ងៃទៀតនេះ

បានផុស

២ years មុន

នៅ

ថ្ងៃព្រហស្បតិ៍ ២២ ធ្នូ ២០២២

ដោយ

ប្រមុខរដ្ឋាភិបាលសម្តេចតេជោ ហ៊ុន សែនបានអះអាងថា នៅចុងឆ្នាំ ២០២២ និងដើមឆ្នាំ២០២៣ នឹងមានការបើកការដ្ឋានសាងសង់ហេដ្ឋារចនាសម្ព័ន្ធធំៗជាបន្តបន្ទាប់។

ថ្លែងក្នុងពិធីសម្ពោធដាក់ឲ្យប្រើប្រាស់ផ្លូវលេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុសម្តេចតេជោ ហ៊ុន សែន បានថ្លែងថា គម្រោងស្ថាបនាហេដ្ឋារចនាសម្ព័ន្ធមានផ្លូវនិងស្ពាននឹងបើកការដ្ឋានសាងសង់ជាបន្តបន្ទាប់នៅចុងឆ្នាំ២០២២ ក៏ដូចជាដើមឆ្នាំ២០២៣ ដែលជាគោលនយោបាយអាទិភាពរបស់រដ្ឋាភិបាល ដើម្បីជំរុញកំណើនការអភិវឌ្ឍសេដ្ឋកិច្ចជាតិ និងកាត់បន្ថយការចំណាយលើការដឹកជញ្ជូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនបានបញ្ជាក់ថា ហេដ្ឋារចនាសម្ព័ន្ធធំៗដែលគ្រោងបើកការដ្ឋានសាងសង់នៅប៉ុន្មានថ្ងៃទៀតនេះរួមមានផ្លូវជាតិលេខ ៤១ ដែលនឹងបើកការដ្ឋានសាងសង់នៅថ្ងៃ ២៦ ធ្នូប៉ុន្មានថ្ងៃទៀតនេះ និងផ្លូវជាតិលេខ ៣១ និង ៣៣ ដែលនឹងបើកការដ្ឋានសាងសង់នៅថ្ងៃ ៣០ ធ្នូ។

ដោយឡែកនៅដើមឆ្នាំ២០២៣ គឺនៅថ្ងៃ ០២ មករា នឹងបើកការដ្ឋានស្ថាបនាស្ពានឆ្លងទន្លេនៅខេត្តក្រចេះរួមទាំងផ្លូវតភ្ជាប់ទៅខេត្តកំពង់ធំ និងនៅថ្ងៃ ០៩ មករា ឆ្នាំ ២០២៣ នឹងបើកការដ្ឋានលើកកម្រិតនិងពង្រីកផ្លូវជាតិលេខ ៧ ពីស្គន់ទៅក្រុងកំពង់ចាម៕