រាជរដ្ឋាភិបាល សម្រេចបង្កើត​ក្រុងអរិយក្សត្រ​​ ដោយ​កាត់​យក​ឃុំ​ចំនួន៦នៃស្រុក​ខ្សាច់កណ្ដាល និងឃុំ​ចំនួន៥​ពីស្រុកល្វាឯម​

ភ្នំពេញ ៖ យោងតាមអនុក្រឹត្យ រាជរដ្ឋាភិបាលកម្ពុជាលេខ ២៧២អនក្រ.បក ចុះថ្ងៃសុក្រ ១កើត ខែបុស្ស ឆ្នាំខាល ចត្វាស័ក​ ព.ស២៥៦៦ ត្រូវនឹងទី២៣ ខែធ្នូ​ ឆ្នាំ២០២២ ដែល​ចុះហត្ថលេខា​ដោយ សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជាបានសម្រេចថាបង្កើតអរិយក្សត្រ ទៅជាទីក្រុង ដែលកាត់យកស្រុកខ្សាច់កណ្ដាលចំនួន៦ឃុំ និងស្រុកល្វាឯមចំនួន៥ឃុំ។

ឃុំចំនួន៦ដែលកាត់ពីស្រុក​ខ្សាច់កណ្ដាល​មាន​ដូច​ជា ឃុំបាក់ដាវ ឃុំកោះឧកញ៉ាតី ឃុំព្រែកអំពិល ឃុំព្រែកលួង ឃុំព្រែកតាកូវ និងឃុំស្វាយជ្រុំ។ ចំណែក​ឃុំចំនួន៥ទៀតដែលកាត់ពីស្រុកល្វាឯម មានដូចជា ឃុំអរិយក្សត្រ ឃុំពាមឧកញ៉ាអុង ឃុំព្រែកក្មេង និងឃុំបារុង។

រដ្ឋមន្ត្រី​ទទួល​បន្ទុក​ទីស្តីការ​គណៈរដ្ឋមន្ត្រី រដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ រដ្ឋមន្ត្រីក្រសួងរៀបចំដែន​ នគរូបនីយកម្ម និងសំណង់ រដ្ឋមន្ត្រីគ្រប់ក្រសួង និងប្រធានគ្រប់ស្ថាប័នពាក់ព័ន្ធក្រុមប្រឹក្សាខេត្តកណ្ដាល គណៈអភិបាលខេត្តកណ្ដាល ក្រុមប្រឹក្សាស្រុកខ្សាច់កណ្ដាល គណៈអភិបាលស្រុកខ្សាច់កណ្ដាល ក្រុមប្រឹក្សាស្រុកល្វាឯម គណៈអភិបាលស្រុកល្វាឯម និងក្រុមប្រឹក្សាឃុំពាក់ព័ន្ធ ត្រូវទទួលបន្ទុកអនុវត្តអនុក្រឹត្យនេះតាមភារកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ៕

កែសម្រួលដោយ ៖ នាគព័ន្ធ