ព័ត៌មានជាតិ
អ្នកទិញបុរីវីអាយភីចេញតវ៉ាជាថ្មី ដោយអះអាងថា ម្ចាស់បុរីបន្តបំពានកិច្ចសន្យា
អ្នកទិញបុរីវីអាយភី ប្រមាណ ៣០០នាក់ នៅព្រឹកថ្ងៃទី ២៤ ខែ ធ្នូនេះ បានចេញតវ៉ាទាមទារឱ្យម្ចាស់បុរីផ្តល់សំណង និងពន្លឿនការសាងសង់តាមកិច្ចសន្យា ដែលបានព្រមព្រៀងគ្នាកន្លងមក។ អ្នកតវ៉ា បានលើកឡើងថា ម្ចាស់បុរីពុំមានទំនួលខុសត្រូវ លើអតិថិជនរបស់ខ្លួន ដោយបានសន្យាជាច្រើនលើកច្រើនសារ តែធ្វើមិនបាន នាំឱ្យពួកគេអស់ជំនឿ និងលែងទុកចិត្តម្ចាស់បុរី។
អ្នកស្រី សុខ រ៉ាធីណា ជាអតិថិជនមួយរូប បានប្រាប់កម្ពុជាថ្មីថា ការតវ៉ានៅថ្ងៃនេះ គឺទាមទារបុរីវីអាយភី ត្រូវគោរពដាច់ខាតចំពោះកាតព្វកិច្ចជូនអថិជន( សាងសង់ផ្ទះ ធ្វើប្លង់បំបែកក្បាលដី និងកិច្ចការផ្សេងៗដែលមានក្នុងកិច្ចសន្យា)។ ត្រូវកំណត់រយៈពេលជាក់លាក់ក្នុងការសាងសង់ផ្ទះ និងធ្វើប្លង់ជូនអតិថិជន។ ចំពោះអ្នកផ្អាកបង់ប្រាក់ចាប់ពីថ្ងៃទី ០១ ខែ ១២ ឆ្នាំ ២០២២មិនមានពិន័យអ្វីទាំងអស់។ បុរីត្រូវកំណត់ថ្ងៃ ប្រគល់ប្លង់ជូនអតិថិជន។
កម្ពុជាថ្មី មិនទាន់ទាក់ទងម្ចាស់ក្រុមហ៊ុន វីអាយភី ដើម្បីឆ្លើយតបនឹងបញ្ហានេះ បាននៅឡើយ។ ទោះយ៉ាងណា កាលពីថ្ងៃទី ១៥ ធ្នូ បុរីវីអាយ បានចេញលិខិតឆ្លើយតបមួយថា ដោយសារប្រទេសកម្ពុជា ជួបប្រទះគ្រោះទឹកជំនន់ពិសេសស្ថិតក្នុងគម្រោងបុរី ផ្ទាល់កាលពីឆ្នាំ ២០២០ បន្ទាប់មកទៀត ពិភពលោកជួបវិបិត្តិកូវីដ ដែលបណ្តាលឱ្យប៉ះពាល់សេដ្ឋកិច្ចពិភពលោក ក៏ដូចជាប្រទេសកម្ពុជា អូសបន្លាយមកដល់បច្ចុប្បន្ន។ បញ្ហានេះ បានផ្តល់ប៉ះពាល់ពាល់ដល់សេដ្ឋកិច្ច និងហិរញ្ញវត្ថុរបស់ក្រុមហ៊ុនយ៉ាងហ៊ុនធ្ងន់ធ្ងរ និងមិនមានហិរញ្ញវត្ថុគ្រប់គ្រាន់សម្រាប់អភិវឌ្ឍគម្រោង ឬសាងសង់ជូនអតិថិជនបាន។
តាមរយៈលិខិត គូសបញ្ជាក់ថា ក្រុមហ៊ុនក៏បានព្យាយាមខិតខំប្រឹងប្រែងរកដំណោះស្រាយជូនអតិថិជនទាំងអស់ តែលទ្ធផលទទួលបានតិចតួច។ លើសពីពីនេះក្រុមហ៊ុន ស្នើសុំ និងឈរលើគោលការណ៍ដោះស្រាយជូនអថិតិជនទាំងអស់ សម្រួលដល់ក្រុមហ៊ុន ដើម្បីដកបណ្ណកម្មសិទ្ធិប្លង់រឹង និងបំបែកក្បាលដីជូនអតិថិជនទាំងអស់គ្នា។
សូមបញ្ជាក់ថា បុរីវីអាយភី ដែលអតិថិជនកំពុងទាមទារនេះ មានទីតាំងស្ថិតនៅ ភូមិម៉ឺនត្រា សង្កាត់ស្ពានថ្ម ខណ្ឌដង្កោ រាជធានីភ្នំពេញ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ