ព័ត៌មានជាតិ
បង្ហើបចំនួនអ្នកស្លាប់ក្នុងហេតុការណ៍ឆេះកាស៊ីណូនៅក្រុងប៉ោយប៉ែតអាចកើនខ្ទង់រយនាក់
គិត្រឹមម៉ោង ៣ រសៀលថ្ងៃទី ២៩ ខែធ្នូនេះ សមត្ថកិច្ចបានរកឃើញចំនួនអ្នកស្លាប់នៅក្នុងហេតុការណ៍អគ្គិភ័យឆាបឆេះអគារកាស៊ីណូ Grand Dimond និង Poipet City នៅក្រុងប៉ោយប៉ែត ខេត្តបន្ទាយមានជ័យបានកើនដល់ ១៩ នាក់ ហើយបន្តរុករកជនរងគ្រោះដែលអាចនឹងមានការកើនឡើងទៀត។
អ្នកនាំពាក្យខេត្តបន្ទាយមានជ័យ លោក សេក សុខុម ប្រាប់កម្ពុជាថ្មីថា ដោយសារប្រព័ន្ធប្រើប្រាស់នៅក្នុងកាស៊ីណូដែលបន្ទប់ និងជណ្ដើរយន្តប្រើសុទ្ធតែប្រព័ន្ធអគ្គិសនី ហើយនៅពេលដែលអគ្គិភ័យចាប់ផ្ដើមឆេះឡើងខ្លាំងអ្នកនៅក្នុងអគារមិនអាចរត់ចេញរួចទេគឺជាប់គាំងទាំងអស់។
លោកថា បុគ្គលិក និងភ្ញៀវស្នាក់នៅក្នុងអគារខ្លះបានសម្រេចចិត្តលោតពីលើអគារទាំងប្រថុយដោយថា បើនៅក្នុងនោះក៏ស្លាប់លោតចុះមកមានរបួស និងស្លាប់ដែរ។
លោក សេក សុខុមបានឲ្យដឹងថា ចំនួនអ្នកស្លាប់អាចកើនឡើងដល់ខ្ទង់រយនាក់ ខណៈបុគ្គលិកបម្រើការងារនៅក្នុងកាស៊ីណូ Grand Dimond និង Poipet City ប្រមាណ ៤០០ នាក់ រាប់ទាំងអ្នកស្លាប់ និងរបួសគឺរកឃើញប្រមាណ ៧០ នាក់ ក្រៅពីនេះគឺបាត់ខ្លួនដែលនៅជាប់គាំងក្នុងបន្ទប់ដែលសង្ឃឹមលទ្ធភាពនៅមានជីវិតគឺតិចតួចណាស់។
បើតាមអ្នកនាំពាក្យខេត្តរូបនេះ ដោយសារតែអគារកាស៊ីណូមានកម្ពស់ខ្ពស់ច្រើនជាន់ និងមានបន្ទប់ស្នាក់នៅច្រើនបន្ទប់ ដូច្នេះការជួយសង្គ្រោះពីកម្លាំងនគរបាលកម្ពុជា និងសមត្ថកិច្ចថៃ ដែលចូលមកអន្តរាគមន៍បានប្រើប្រាស់រថយន្តពន្លត់អគ្គិភ័យដោយអស់លទ្ធភាពដើម្បីបាញ់ ប៉ុន្តែបាញ់បានតែផ្នែកកៀនៗទេ ខាងក្នុងជួយអត់កើតដោយសារតែទឹកមិនអាចបាញ់ចូលទៅក្នុងជាន់ទី ៥ និងទី ៦ ឬបន្ទប់មួយជាន់ៗ។
ចំពោះមូលហេតុនៃការឆាបឆេះត្រូវបានអ្នកនាំពាក្យរូបនេះ បញ្ជាក់ថា ដោយសារផ្ទុះសេ ពីព្រោះតែនាគ្រាចុងឆ្នាំកាស៊ីណូរៀបចំភ្លើងចម្រុះពណ៌ដើម្បីរៀបចំបុណ្យឆ្លងឆ្នាំ ដូច្នេះការប្រើភ្លើងមានកម្រិតខ្ពស់ដែលលើសតម្រូវការចរន្តដែលធ្វើឲ្យចរន្តក្ដៅហើយក៏ផ្ទុះសេដែលភ្លើងចាប់ផ្ដើមឆេះនៅលើពិដានជាន់ក្រោមមុន៕
អត្ថបទ៖ ឡេង ដេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ