ព័ត៌មានជាតិ
កសិករខេត្តពោធិ៍សាត់ជួបគ្រោះទឹកជំនន់២រដូវជាប់ៗ ត្រូវបានអន្តរាគមន៍សង្គ្រោះបន្ទាន់ពីថ្នាក់លើនិងថ្នាក់ខេត្ត
ពោធិ៍សាត់ ៖ អភិបាលខេត្តពោធិ៍សាត់ ជាមួយប្រធានគណៈកម្មាធិការគ្រប់គ្រងគ្រោះមហន្តរាយខេត្ត អមដំណើរដោយ អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទបានដឹកនាំមន្ត្រីជំនាញនិងមន្ទីរពាក់ព័ន្ធ ចុះវាយតម្លៃស្ថានភាពគ្រោះធម្មជាតិភ្លៀងធ្លាក់ខ្លាំងបង្កឲ្យមានទឹកជំនន់ខុសរដូវនៅរដូវប្រាំង ធ្វើឲ្យដំណាំស្រូវប្រជាពលរដ្ឋខូចខាតជាលើទី០២បន្ទាប់ពីរដូវវស្សាកន្លងរួច ដើម្បីធ្វើការស្នើសុំស្បៀងសង្គ្រោះបន្ទាន់និងស្រូវពូជពីគណៈកម្មាធិការស្បៀងបម្រុងកម្ពុជា សម្រាប់មានលទ្ធភាពស្ដារឡើងវិញ។
ការចុះត្រួតពិនិត្យគ្រោះមហន្តរាយធម្មជាតិដោយទឹកជំនន់ទឹកភ្លៀងនារដូវប្រាំងនេះ គឺនៅរសៀលថ្ងៃទី១៦ ខែមករា ឆ្នាំ២០២៣ នៅលើផ្ទៃ១១៥ហិតា ស្ថិតនៅទីតាំង០៣ភូមិទី១ ភូមិកំប៉ាង ទី២ភូមិកំពោតអាង ទី៣ភូមិច្រប ក្នុងឃុំស្វាយដូនកែវ ស្រុកបាកាន ខេត្តពោធិ៍សាត់។
លោក ខូយ រីដា បានថ្លែងថា បើតាមការពិនិត្យជាក់ស្ដែងពីមន្ត្រីជំនាញក្នុងភូមិសាស្ត្រនេះមានចំនួន(១១៥ហិតា) បីភូមិខាងលើ ដែលកំពុងប្រឈមមុខនឹងការខូចខាត និងមានតាមបណ្ដាស្រុក/ក្រុងផ្សេងទៀតក៏មានរងគ្រោះធ្ងន់ធ្ងរផងដែរ ដូចជានៅខាងស្រុកកណ្ដៀង មានឃុំអ្លុងវិល ឃុំស្យា ឃុំកញ្ជរ លើផ្ទៃដី(១,២៤០ហិតា)។
លោកអភិបាលខេត្តបន្តថា ក្នុងទិន្នន័យនោះ បានបន្ថែមថា ផ្ទៃដីអនុវត្តសរុបលើដំណាំស្រូវ មានចំនួន១៥,៤៦១ហិកតា ស្មើនឹង៥៥ភូមិ ១២ឃុំ ៤ស្រុក និង១ក្រុង។ ផ្ទៃដីសរុបដែលរងផលប៉ះពាល់ ដោយជំនន់ទឹកភ្លៀង លើដំណាំស្រូវ មានចំនួន១,៩៣៧ហិកតា ស្មើនឹង១២.៥៣% នៃផ្ទៃដីអនុវត្ត។ សម្រាប់ផ្ទៃដីសរុបដែលសង្គ្រោះបានលើដំណាំស្រូវ មានចំនួន១៩២.៥០ហិកតា ស្មើនឹង៩.៩៤% នៃផ្ទៃដីប៉ះពាល់ ដោយឡែកផ្ទៃដីដែលប៉ះពាល់ ប្រសិនបើទឹកនឹងស្រកយឺត រយៈពេលមួយអាទិត្យទៀតនឹងមានការខូចខាត។
រូបលោកនិងលោក សៀក ឡេង អនុរដ្ឋលេខាធិការ ក្រសួងកសិកម្ម រុក្ខប្រមាញ់និងនេសាទ និងមន្ត្រីជំនាញក្នុងខេត្ត សូមផ្តាំផ្ញើ និងលើកទឹកចិត្ត ជូនចំពោះបងប្អូនប្រជាកសិករ សូមកុំអស់សង្ឃឹម ត្រូវខិតខំបង្កបង្កើនផលស្រូវបន្តទៀត, លោកនឹងនៅពីក្រោយជួយដោះស្រាយគ្រប់បែបយ៉ាង ធ្វើយ៉ាងណាសម្រួលដល់កិច្ចការងារបង្កបង្កើនផលស្រូវឱ្យបានចប់ចុងចប់ដើម៕
ដោយ ៖ លាន គ្រន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច១ សប្តាហ៍ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល