ព័ត៌មានជាតិ
កម្មវិធី “WE Light Up Talk” ធ្វើឡើងដើម្បីផ្សព្វផ្សាយពីបទពិសោធចម្រុះភាពរបស់យុវជនទៅសាធារណៈ
កម្មវិធី “WE Light Up Talk” ជាវេទិកាចែករំលែកបទពិសោធចម្រុះពីយុវជនដែលមានពិការភាព អ្នកស្រឡាញ់ភេទដូចគ្នា និងយុវជនជនជាតិដើមភាគតិច ចែករំលែកពីជីវភាព បទពិសោធ និងបញ្ហារបស់ពួកគេឱ្យមានភាពទូលំទូលាយទៅដល់សាធារណជន។ កម្មវិធី “WE Light Up Talk” នេះ នឹងប្រព្រឹត្តទៅនៅថ្ងៃទី២៨ ខែមករា ឆ្នាំ២០២៣ វេលាម៉ោង ១២រសៀល រហូតដល់ម៉ោង ៥ល្ងាច នៅអគារ The Kampus។
កម្មវិធី “WE Light Up Talk” ក្រោមប្រធានបទ “ភាពជាអ្នកដឹកនាំ និងការចូលរួមរបស់ប្រជាពលរដ្ឋ” ធ្វើឡើងក្នុងគោលបំណងផ្សារភ្ជាប់ និងផ្តល់កន្លែងសុវត្ថិភាពដល់ក្រុមយុវជនដែលមានពិការភាព សហគមន៍អ្នកស្រឡាញ់ភេទដូចគ្នា និងយុវជនដែលជាជនជាតិដើមភាគតិច។
កញ្ញា ណាន់ ពេជ្រភារី ជាសមាជិករៀបចំកម្មវិធីនេះបាននិយាយថា៖ “កម្មវិធីនេះ គឺជាកម្មវិធីដ៏ពិសេសមួយ ព្រោះអាចឱ្យពួកគាត់ដែលមកពីកន្លែងផ្សេងៗគ្នា ចែករំលែកបទពិសោធក្នុងវេទិកាជាសាធារណៈបាន។ ម្យ៉ាងទៀត វេទិកាសាធារណៈភាគច្រើន យើងឃើញតែមានវាគ្មិន ដែលទទួលបានភាពជោគជ័យចែករំលែកបទពិសោធ។ តែកម្មវិធីនេះ សូម្បីតែបងៗដែលមានពិការភាព និងជនជាតិដើមភាគតិច ក៏មានឱកាសចែករំលែកបទពិសោធរបស់ពួកគាត់ដែរ”។
វេទិកានេះ នឹងមានវាគ្មិនកិត្តិយសចំនួន ០៤រូប ដែលជាអ្នកតំណាងជនជាតិដើមភាគតិច សហគមន៍អ្នកស្រឡាញ់ភេទដូចគ្នា ជនមានពិការភាព និងយុវជនទូទៅ ចូលរួមចែករំលែកបទពិសោធរបស់ខ្លួន ដើម្បីលើកកម្ពស់ការយល់ដឹង ផ្តល់លទ្ធភាពដល់យុវជនក្នុងការបង្ហាញភាពជាអ្នដឹកនាំ និងការចូលរួមក្នុងសង្គម។ មិនតែប៉ុណ្ណោះ ក៏មានការចូលរួមពីលោក សំហេង បុរស ជារដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងសង្គមកិច្ច ,អតីតយុទ្ធជន និងយុវនីតិសម្បទា ,អ្នកតំណាងឱ្យ USAID និងអ្នកចូលរួមផ្សេងទៀតសរុបប្រមាណ ៣០០នាក់។
សូមជម្រាបថា វេទិកានេះ មានការគាំទ្រពីម្ចាស់ជំនួយ USAID ក្រោមគម្រោងសហគ្រិននារីសកម្ម WE Act នៃអង្គការផេកកម្ពុជា និងទទួលបានការគាំទ្រពីក្រុមហ៊ុនឯកជនផ្សេងៗទៀត។ កម្មវិធីនេះ មិនត្រឹមតែជាវេទិកាចែករំលែកប៉ុណ្ណោះទេ ក៏មានជាការសម្តែងរបាំសហសម័យ ការប្រគុំតន្រី្ត ដើរទស្សនាតាមស្តង់របស់ម្ចាស់ឧបត្ថម្ភកម្មវិធី ព្រមតាំងមានឱកាសទទួលបានវត្ថុអនុស្សាវរីយ៍ថែមទៀត៕
ដោយ៖ អុន ស្រីមាន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល