ព័ត៌មានជាតិ
ស្រុកចំនួនពីរក្នុងខេត្តកំពង់ចាម មានការដាំដុះទុរេនច្រើនជាងគេ
ខេត្តកំពង់ចាមមានស្រុកចំនួនពីរ ដែលពលរដ្ឋដាំដុះដំណាំទុរេនច្រើនជាងគេ។
លោក ស៊ឹម ថាវីរៈ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម លើកឡើងនៅក្នុងសន្និសីទជោគជ័យរយៈពេល ៥ ឆ្នាំរបស់រដ្ឋបាលខេត្តដែលរៀបចំឡើងដោយអង្គភាពអ្នកនាំពាក្យរដ្ឋាភិបាលកាលពីសប្ដាហ៍មុននេះថា ក្នុងខេត្តកំពង់ចាមដំណាំទុរេនត្រូវបានដាំដុះលើផ្ទៃដីចំនួន ៨៤២ ហិកតា ដែលផ្ដល់ផលជាង ៥ ពាន់តោន។
លោកលើកឡើងថា ដំណាំទុរេនដាំដុះច្រើនមាននៅស្រុកស្ទឹងត្រង់ និងនៅស្រុកចំការលើ ខណៈនៅតំបន់ផ្សេងទៀតមានការដាំដុះតិចតួចប៉ុណ្ណោះ។
ក្រៅពីទុរេនខេត្តកំពង់ចាមក៏មានដាំដុះដំណាំផ្សេងទៀតដូចជា ចេក ចន្ទី ស្វាយ ដូង ខ្នុរជាដើម។ លោក ស៊ឹម ថាវីរៈ បន្ថែម។
សក្តានុពលខេត្តកំពង់ចាមពឹងផ្អែកលើវិស័យចំនួន ៣ មាន កសិកម្ម សេវាកម្ម និងឧស្សាហកម្ម។ វិស័យកសិកម្មរួមចំណែកជាង ៤១ % នៃសេដ្ឋកិច្ចខេត្តកំពង់ចាម។ ដំណាំសក្ដានុពលរបស់ខេត្តមានស្រូវ និងកៅស៊ូ ខណៈដំណាំកៅស៊ូជាដំណាំកសិឧស្សាហកម្មដ៏សំខាន់មួយ ដែលមកដល់ពេលនេះត្រូវបានដាំដុះនៅលើផ្ទៃដីជាង ៣៣ ម៉ឺនហិកតា។
ទំហំសេដ្ឋកិច្ចរបស់ខេត្តកំពង់ចាមស្មើ ៦.៧% នៃសេដ្ឋកិច្ចជាតិសរុប។ ចំណូលសម្រាប់មនុស្សម្នាក់ៗមានចំនួន ១ ៥៩២ ដុល្លារ៕
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១៩ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង