ព័ត៌មានជាតិ

ស្រុកចំនួនពីរក្នុងខេត្តកំពង់ចាម មានការដាំដុះទុរេនច្រើនជាងគេ

បានផុស

៣ years មុន

នៅ

ថ្ងៃចន្ទ ៦ កុម្ភៈ ២០២៣

ដោយ

ខេត្តកំពង់ចាមមានស្រុកចំនួនពីរ ដែលពលរដ្ឋដាំដុះដំណាំទុរេនច្រើនជាងគេ។

លោក ស៊ឹម ថាវីរៈ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម លើកឡើងនៅក្នុងសន្និសីទជោគជ័យរយៈពេល ៥ ឆ្នាំរបស់រដ្ឋបាលខេត្តដែលរៀបចំឡើងដោយអង្គភាពអ្នកនាំពាក្យរដ្ឋាភិបាលកាលពីសប្ដាហ៍មុននេះថា ក្នុងខេត្តកំពង់ចាមដំណាំទុរេនត្រូវបានដាំដុះលើផ្ទៃដីចំនួន ៨៤២ ហិកតា ដែលផ្ដល់ផលជាង ៥ ពាន់តោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកលើកឡើងថា ដំណាំទុរេនដាំដុះច្រើនមាននៅស្រុកស្ទឹងត្រង់ និងនៅស្រុកចំការលើ ខណៈនៅតំបន់ផ្សេងទៀតមានការដាំដុះតិចតួចប៉ុណ្ណោះ។

ក្រៅពីទុរេនខេត្តកំពង់ចាមក៏មានដាំដុះដំណាំផ្សេងទៀតដូចជា ចេក ចន្ទី ស្វាយ ដូង ខ្នុរជាដើម។ លោក ស៊ឹម ថាវីរៈ បន្ថែម។

សក្តានុពលខេត្តកំពង់ចាមពឹងផ្អែកលើវិស័យចំនួន ៣ មាន កសិកម្ម សេវាកម្ម និងឧស្សាហកម្ម។ វិស័យកសិកម្មរួមចំណែកជាង ៤១ % នៃសេដ្ឋកិច្ចខេត្តកំពង់ចាម។ ដំណាំសក្ដានុពលរបស់ខេត្តមានស្រូវ និងកៅស៊ូ ខណៈដំណាំកៅស៊ូជាដំណាំកសិឧស្សាហកម្មដ៏សំខាន់មួយ ដែលមកដល់ពេលនេះត្រូវបានដាំដុះនៅលើផ្ទៃដីជាង ៣៣ ម៉ឺនហិកតា។

ទំហំសេដ្ឋកិច្ចរបស់ខេត្តកំពង់ចាមស្មើ ៦.៧% នៃសេដ្ឋកិច្ចជាតិសរុប។ ចំណូលសម្រាប់មនុស្សម្នាក់ៗមានចំនួន ១ ៥៩២ ដុល្លារ៕