Connect with us

ព័ត៌មានជាតិ

ក្រសួងរៀបចំគ្រូពេទ្យជំនាញពីមន្ទីរពេទ្យជាតិធំៗដើម្បីព្យាបាលក្រុមកីឡាករដោយឥតគិតថ្លៃ

បានផុស

នៅ

ក្រសួងសុខាភិបាលបានរៀបចំក្រុមការងារគ្រូពេទ្យជំនាញមកពីមន្ទីរពេទ្យជាតិធំៗសម្រាប់ព្យាបាលជូនក្រុមកីឡាករកីឡាការិនី ដោយឥតគិតថ្លៃ នៅមនី្ទរពេទ្យជាតិ តេជោសន្តិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំបន្ទាន់ដើម្បីរៀបចំដំណើរការព្យាបាលជំងឺជូនក្រុមកីឡាករ កីឡាការិនី ដោយឥតគិតថ្លៃ នៅមនី្ទរពេទ្យជាតិ តេជោសន្តិភាព តាមការណែនាំរបស់ប្រមុខរដ្ឋាភិបាលកាលពីល្ងាចថ្ងៃទី១៥ កម្ភៈ នេះ លោកសាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល មានប្រសាសន៍ថា ក្រសួងបាន​ពិនិត្យ​លទ្ធភាព និងរៀបចំ​កន្លែងវះកាត់​ផ្នែកបាក់បែកឆ្អឹង ឱ្យបានឆាប់រហ័សសម្រាប់ព្យាបាលជូនក្រុមកីឡាករកីឡាការិនី ដោយឥតគិតថ្លៃ។

លោករដ្ឋមន្ត្រីមានប្រសាសន៍បន្តថា៖ “ឥឡូវនេះយើងបានចាត់តាំងក្រុមការងារគ្រូពេទ្យជំនាញ ដែលមាន​គ្រូពេទ្យ​មកពីមនី្ទរពេទ្យកាល់ម៉ែត មនី្ទរពេទ្យមិត្តភាពខ្មែរ-សូវៀត មនី្ទរពេទ្យមិត្តភាពកម្ពុជា-ចិន ព្រះកុសុមៈ រួមនិងក្រុមការងារ​គ្រូពេទ្យ​ក្នុងមនី្ទរ​ពេទ្យជាតិ តេជោសន្តិភាព ដើម្បីឱ្យក្លាយជាក្រុម នៅពេល​មាន​ហេតុការណ៍អ្វីកើត គឺយើងមាន​ក្រុមគ្រូពេទ្យ​ជំនាញរួចជាស្រេច ដើម្បីជួយសង្រ្គោះ ហើយផ្នែក​វះកាត់បាក់បែកនេះ នឹងដំឡើងសម្ភារបរិក្ខារវេជ្ជសាស្រ្តឱ្យរួចរាល់​ជាស្ថាពរ​ក្នុងរយៈ​ពេល ៣សប្តាហ៍​ទៀត”។

ទន្ទឹមគ្នានោះ លោករដ្ឋមន្ត្រីនឹងរៀបចំ​បញ្ជូន​រថយន្តគ្លីនិកចល័ត សង្រ្គោះ​បន្ទាន់ ដែលជាជំនួយឥតសំណងរបស់សាធារណរដ្ឋប្រជាមានិតចិន ផ្តល់ជូន​ក្រសួងសុខាភិបាល ដែលមាន​បំពាក់ដោយ​សម្ភារបរិក្ខារពេទ្យទំនើបៗមានដូចជា៖ ម៉ាស៊ីនកាំរស្មីអ៊ិចឌីជីថល អេកូឌីជីថល ឧបករណ៍វិភាគទឹកនោម ឧបករណ៍​វិភាគឈាម ម៉ូនីទ័រតាមដានគភ៌ទារក និងម្តាយ ជញ្ជីងថ្លឹងទម្ងន់ និងវាស់កម្ពស់ ឧបករណ៍ឆែកមុខងារសួត ឧបករណ៍វិភាគជីវគីមីដោយស្វ័យប្រវត្តិ ឧបករណ៍ពិនិត្យសុដន់អ៊ីនហ្រ្វារ៉េដ កញ្ចប់​ឧបករណ៍ផ្នែករោគស្រ្តី កញ្ចប់ឧបករណ៍ផ្នែកវះកាត់ទូទៅ ត្រចៀក ច្រមុះ បំពង់ក កៅអីព្យាបាលធ្មញ ម៉ាស៊ីនខ្យល់កំចាត់មេរោគ មីក្រូទស្សន៍ជីវសាស្រ្ត ឧបករណ៍កំចាត់មេរោគ ទូទឹកកកវេជ្ជសាស្រ្ត យកមកដាក់ដំណើរការនៅក្នុងមនី្ទរពេទ្យជាតិ តេជោ សន្តិភាព ផងដែរ។

គួរបញ្ជាក់ថា នៅថ្ងៃទី១៥ ខែកុម្ភៈ ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជា បានប្រកាសនៅលើបណ្តាញសង្គមហ្វេសប៊ុក និងតេឡេក្រាមផ្លូវការ ឱ្យក្រសួងសុខាភិបាលរៀបចំទីកន្លែងសម្រាប់ព្យាបាលកីឡាករ កីឡាការិនី នៅមន្ទីរពេទ្យជាតិ តេជោសន្តិភាពដោយរៀបចំ គ្រែពី ១០០ ទៅ ២០០គ្រែ ហើយការព្យាបាលមិនតម្រូវឱ្យមានការបង់ប្រាក់ និងត្រូវមានឯកទេសគ្រប់គ្រាន់ស្របតាមស្ថានភាពរបួសរបស់ កីឡាករ កីឡាការិនី៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ២ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៣ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៣ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម