ព័ត៌មានជាតិ
សម្តេចតេជោ បញ្ជាឱ្យមន្រ្តីកសិកម្មយកសត្វក្ងោកទៅជូនគ្រួសារចិញ្ចឹមសត្វនេះវិញជាបន្ទាន់
សម្តេចតេជោ ហ៊ុន សែន នាយករដ្ឋមន្រ្តី បានចេញបទបញ្ជាឱ្យអ្នកទទួលខុសត្រូវដែលបានយកសត្វក្ងោករបស់ក្រុមគ្រួសារដែលចិញ្ចឹមសត្វនេះ យកទៅជូនដល់ផ្ទះវិញជាបន្ទាន់។ សម្តេចគូសបញ្ជាក់ថា សម្តេចមិនយល់ស្រប នឹងទង្វើបែបនេះនោះទេ។
សម្តេចថ្លែងដូច្នេះថា« យើងគួរតែលើកទឹកចិត្តឱ្យប្រជាជនចិញ្ចឹមសត្វដែលជិតផុតពូជ ជាជាងទៅចាប់យកសត្វដែលប្រជាជនខំចិញ្ចឹម យកមកទុកនៅទីកន្លែងមួយ ដែលវាមិនយូរប៉ុន្មានទេ សត្វនេះនឹងស្លាប់ ប្រសិនបើខ្វះការថែទាំនឹងយកចិត្តទុកដាក់»។
សម្តេចបានលើកឡើងទៀតថា សម្តេចក៏ធ្លាប់បានចិញ្ចឹមសត្វក្ងោកផងដែរ។ ប៉ុន្តែដោយសារ បារម្ភពីសុវត្ថិភាពចៅៗ សម្តេចក៏សម្រេចចិត្តឱ្យទៅកូនសម្តេចចិញ្ចឹមវិញ។
សម្តេច បានសង្កត់ធ្ងន់ថា គ្មានហេតុផលណាមួយ ដែលត្រូវចាប់យកសត្វក្ងោកដែលប្រជាជនចិញ្ចឹមយកមកទុកនៅកន្លែងចិញ្ចឹមសត្វ ហើយចាត់ទុកថា ជាអំពើខុសច្បាប់នោះទេ ក្នុងករណីដែលច្បាប់មានចែង។
ទន្ទឹមនឹងនេះ សម្តេច ក៏បានស្នើដល់អ្នកច្បាប់ធ្វើការជាបន្ទាន់ ដើម្បីធ្វើវិសោធនកម្មច្បាប់ លុបចោលនូវកថាខណ្ឌណាដែលទាក់ទងនឹងការចាប់យកសត្វចិញ្ចឹមរបស់ប្រជាពលរដ្ឋ ដែលគួរតែលើកទឹកចិត្តឱ្យប្រជាជនចិញ្ចឹម ជំនួសការរារាំងនៃការចិញ្ចឹមសត្វរបស់ប្រជាពលរដ្ឋ។
ក្រោយទទួលបានបទបញ្ជានេះហើយ សម្តេច ប្រាប់ឱ្យមន្រ្តីនៅក្នុងក្រសួងកសិកម្ម ត្រូវដឹកជញ្ជូនសត្វនេះ ទៅដល់ផ្ទះអ្នកចិញ្ចឹមឱ្យបានឆាប់តាមដែលអាចធ្វើទៅបាន ពោលគឺធ្វើនៅថ្ងៃនេះតែម្តង គឺគ្មានការរង់ចាំ ដែលនេះជាបទបញ្ជារបស់នាយករដ្ឋមន្រ្តី ដែលមិនអាចមិនអនុវត្តបានឡើយ។
សូមបញ្ជាក់ថា សម្តេចចេញចំណាត់ការបែបនេះ ក្រោយពីម្ចាស់ក្កោក បានស្នើសុំសម្តេចតេជោ អន្តរាគមន៍ ក្រោយពីមានមន្រ្តីកសិកម្ម បានចាប់យកក្ងោករបស់ពួកគេ ដោយចោទថា ចិញ្ចឹម គ្មានច្បាប់អនុញ្ញាត៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ