ព័ត៌មានជាតិ

ផែនការសង់រូបសំណាកបង្កង និងពងទាកូននៅតែបន្ត អាជ្ញាធរខេត្តតាកែវកំពុងរកទីតាំងសមស្រប

បានផុស

១ year មុន

នៅ

ថ្ងៃព្រហស្បតិ៍ ២ មីនា ២០២៣

ដោយ

រដ្ឋបាលខេត្តតាកែវកំពុងស្វែងរកទីតាំងសមស្រប ដើម្បីបន្តផែនការសង់រូបសំណាកបង្កង និងពងទាកូន ដែលជាផលិតផលជាអត្តសញ្ញាណរបស់ខេត្តតាកែវ។

លោក អ៊ូច ភា អភិបាល នៃគណៈអភិបាលខេត្តតាកែវបានប្រាប់ថា ការសាងសង់រូបសំណាកបង្កង និងពងទា មិនមែនបង្ហាញនិមិត្តរូបរបស់ខេត្តនោះទេ និមិត្តរូបខេត្តតាកែវ គឺរូបសំណាកព្រះនរាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«គម្រោងសាងសង់រូបសំណាកបង្កង និងពងទា គឺចង់បង្ហាញពីសក្ដានុពលរបស់ខេត្ត ប្រៀបដូចជាភូមិ១ ផលិតផល១ មិនមែនបង្ហាញនិមិត្តរូបរបស់ខេត្តនោះទេ និមិត្តរូបខេត្តតាកែវ គឺរូបសំណាកព្រះនរាយ»។

យ៉ាងណាកន្លងទៅ ក្រោយពីរដ្ឋបាលខេត្តបានបង្កើតរូបឌីហ្សាញ ក៏មានប្រតិកម្មពីមហាជន តែការឌីហ្សាញនេះគ្រាន់តែជាគំរូដើម្បីស្វែងរកសម្លេងគាំទ្រយ៉ាងណាពីមហាជន។ លោកអភិបាលខេត្តបន្តថា ការសាងសង់រូបសំណាកបង្កង និងពងទាកូនបង្ហាញពីផលិតផលសក្តានុពលរបស់ខេត្ត ជាពិសេសពងទាកូននេះ ព្រោះអ្នកចិញ្ចឹមទាលំបាកណាស់ ខណៈរដ្ឋបាលខេត្តចង់លើកទឹកចិត្តអ្នកចិញ្ចឹមទា។

លោកអភិបាលខេត្តបញ្ជាក់ថា ឥឡូវនេះគម្រោងសាងសង់នៅតែបន្ត ប៉ុន្តែដោយសារស្ថានភាពកូវីដ១៩ ធ្វើឱ្យការគ្រោងការមានការរាំងស្ទះ ប៉ុន្តែទិសដៅរបស់អាជ្ញាធរនៅតែខិតខំទៅរកទីតាំងណាដែលសមស្រប ពេលភ្ញៀវទៅលេងខេត្តតាកែវ ឱ្យពួកគាត់នឹកឃើញដល់បង្កង និងពងទានៅក្នុងខេត្តតាកែវ៕