ព័ត៌មានជាតិ
អង្គការAHFចូលរួមលើកកម្ពស់សុខភាពស្ត្រីក្នុងទិវានារីអន្តរជាតិ៨មីនា
អង្គការមូលនិធិថែទាំសុខភាពអ្នកជំងឺអេដស៍(AHF)បានរៀបចំទិវា នារីអន្តរជាតិ៨មីនា ឆ្នាំ២០២៣ ក្រោមប្រធានបទ « នារីដែលមានសុខភាពល្អ=នារីកាន់តែរឹងមាំ» ដើម្បីចូលរួមលើកកម្ពស់សុខភាពដល់ស្ត្រីឱ្យកាន់តែប្រសើរ។

ថ្លែងក្នុងទិវានារីអន្តរជាតិ៨មីនា និងការចែកចាយសំឡីអនាម័យដល់សិស្សស្រីនៅវិទ្យាល័យពងទឹក រាជធានីភ្នំពេញកាលពីថ្ងៃទី០៧មីនា លោកស្រីវេជ្ជបណ្ឌិត ហួយ ស៊ីខេង ប្រធានគ្រប់គ្រងកម្មវិធីប្រចាំអង្គការមូលនិធិថែទាំសុខភាពអ្នកជំងឺអេដស៍បានឱ្យដឹងថា «ការរៀបចំទិវាអន្តរជាតិនារីនេះ ដើម្បីលើកទឹកចិត្តនារីឱ្យមានការទទួលខុសត្រូវលើសុខភាពរបស់ពួកគេ និងជួយពួកគេឱ្យយកឈ្នះលើការមាក់ងាយ និងការរើសអើងផ្នែកយេនឌ័រ ដូច្នេះពួកគេអាចអភិវឌ្ឍន៍បាន»។លោកស្រីវេជ្ជបណ្ឌិតបានបន្តថា យើងត្រូវធានាថា នារីត្រូវតែមានឱកាសស្មើគ្នាក្នុងការទទួលបានជោគជ័យ ក្នុងគ្រប់ស្ថានភាពនៃជីវិតរបស់ពួកគេ ដោយការចាប់ផ្តើមជាមួយនឹងការមានសុខភាពល្អរបស់នារី និងក្មេងស្រី។

ចំណែកលោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ីអង្គការមូលនិធិថែទាំសុខភាពអ្នកជំងឺអេដស៍បានមានប្រសាសន៍ថា ការពង្រឹងអំណាចនារីត្រូវចាប់ផ្តើមពីមូលដ្ឋាន ហើយគ្មានអ្វីសំខាន់ជាងសិទ្ធិ ក្នុងការថែទាំសុខភាពប្រកបដោយសមធម៌ និងគ្រប់គ្រាន់ពេញលេញនោះទេ។

លោកវេជ្ជបណ្ឌិតបានបន្តថា ព្រឹត្តិការណ៍នេះ នឹងផ្តល់ឱ្យនារី ក្មេងស្រីនូវអ្វីដែលពួកគេត្រូវការដើម្បីដឹងពីរបៀបគ្រប់គ្រងសុខភាពរបស់ពួកគេ និងធ្វើការសម្រេចចិត្ត ដែលអាចជួយណែនាំ និងគាំទ្រពួកគេឱ្យទទួលបាននូវជោគជ័យក្នុងគោលដៅអាជីព និងសហគមន៍របស់ពួកគេ គឺជាការតស៊ូមតិជាសកល និងគោលនយោបាយរបស់អង្គការ AHF។ លោកវេជ្ជបណ្ឌិតបានបន្តទៀតថា ខណៈពេលដែលពិភពលោកបន្តជួបបញ្ហាប្រឈមផ្នែកសុខភាព និងការកើនឡើងនូវភាពបន្ទាន់ណាមួយ យើងមិនត្រូវភ្លេចថា នារី និងកុមារីក៏បានរងផលប៉ះពាល់ដោយវិបត្តិនានា រួមទាំងមេរោគអេដស៍ អំពើហិង្សាក្នុងគ្រួសារ និងបញ្ហាជាច្រើនទៀត។ យើងជំរុញ ឱ្យរដ្ឋាភិបាលអនុវត្ត វិធានការដែល ការពារនារី និង កុមារី ពីវិសមភាពសុខភាព ដ៏គ្រោះថ្នាក់ និងលើកកម្ពស់ការយល់ដឺងរបស់ពួកគេឱ្យរស់នៅ ប្រកបដោយអំណាចក្នុងការការសម្រេចចិត្ត ការបំពេញភាពខ្វះខាត និង រស់នៅប្រកបដោយ សុខភាពល្អ ។

ក្រៅពីកម្ពុជាក្រុមការងារអង្គការ AHF នៅតាមបណ្តាប្រទេសនានានៃទ្វីបអាហ្រ្វិក អាស៊ី អឺរ៉ុប និងអាមេរិកឡាទីន ព្រមទាំងការ៉ាបៀន នឹងរៀបចំព្រឹត្តិការណ៍ ទិវាអន្តរជាតិនារី ដែលផ្តោតលើសុខភាពនៅឆ្នាំនេះ ដោយលើកកម្ពស់ការធ្វើតេស្តឈាម និងការយល់ដឹងអំពីមេរោគអេដស៍ និងផ្តល់ឱ្យស្ត្រីទទួលបាននូវការអប់រំ និងព័ត៌មានតាមតម្រូវការ ដើម្បីធ្វើការសម្រេចចិត្តប្រកបដោយការយល់ដឹង អំពីសុខភាពរបស់ពួកគេ ។

គួរបញ្ជាក់ថា អង្គការមូលនិធិថែទាំសុខភាពអ្នកជំងឺអេដស៍ ជាអង្គការប្រយុទ្ធនឹងជំងឺអេដស៍ធំជាងគេបំផុតនៅលើពិភពលោក ដោយបច្ចុប្បន្នអង្គការកំពុងផ្តល់ការថែទាំ បែបវេជ្ជសាស្ត្រ ឬសេវាកម្មដល់មនុស្សជាង ១លាន ៥សែននាក់ នៅក្នុង ៤៥ប្រទេសទូទាំងពិភពលោក ដូចជានៅសហរដ្ឋអាមេរិក អាហ្រ្វិក អាមេរិកឡាទីន ការ៉ាបៀន តំបន់អាស៊ីប៉ាស៊ីហ្វិក និងអឺរ៉ុបខាងកើត៕
អត្ថបទ៖ សំអឿន



-
ចរាចរណ៍៥ ថ្ងៃ ago
ស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៣ ថ្ងៃ ago
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម១ ថ្ងៃ ago
ជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ចរាចរណ៍១ សប្តាហ៍ ago
Update៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍១ សប្តាហ៍ ago
Update៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
ព័ត៌មានជាតិ២ ថ្ងៃ ago
អតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
ព័ត៌មានជាតិ៤ ថ្ងៃ ago
មន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
សន្តិសុខសង្គម២ ថ្ងៃ ago
កម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច